“Kë ke quajtur gënjeshtar?”, takimi i papritur në OKB, zbulohet biseda mes Vuçiç e Pacollit

September 24, 2017 11:28

“Kë ke quajtur gënjeshtar?”, takimi i papritur në OKB, zbulohet biseda mes Vuçiç e Pacollit

 

Në ndërtesën e Organizatës së Kombeve të Bashkuara në New York, ku këto ditë po qëndrojnë delegacione nga e mbarë bota, pjesëmarrës është edhe delegacioni i Kosovës, me në krye Presidentin e vendit, Hashim Thaçi, i shoqëruar nga zëvendëskryeministri i parë i Kosovës, njëherësh ministër i Jashtëm, Behgjet Pacolli.

Ata kanë zhvilluar takime të shumta me delegacione të shteteve të ndryshme për të lobuar për njohje të reja si dhe për anëtarësimin e vendit në UNESCO.

Për këtë të fundit, Pacolli, në një bisedë në Interaktiv të KTV-së, ka thënë se Kosova i ka votat dhe sivjet do të bëhet pjesë e kësaj organizate, raporton Koha.net.

Ndërkaq, ndaj kësaj deklarate kanë reaguar zyrtarët më të lartë shtetërorë serbë. Madje, sipas të përditshmes serbe, “Blic”, në ndërtesën e OKB-së janë takuar rastësisht edhe delegacionet e Kosovës dhe ata të Serbisë.

Presidenti serb, Aleksandar Vuçiç, sipas kësaj gazete, është përballur me Thaçin e Pacollin, dhe me këtë të fundit ka shkëmbyer disa “fjalë”.

“Kë e ke quajtur gënjeshtar?”, thuhet t’i ketë thënë Pacolli fillimisht Daçiçit, i cili deklaratën e Pacollit se Kosova i ka votat për UNESCO e kishte quajtur gënjeshtër.

“Ku i ke gjetur të gjitha ato vota për të cilat po flet? Ke humbur një herë, përsëri do të humbësh”, citojnë mediat serbe Vuçiçin t’i ketë thënë Pacollit.

Pacolli krejt i qetë, ia ka kthyer: “A je lodhur nga të gjitha ato takime”, duke aluduar në takimet që Vuçiçi i ka pasur në OKB për të penguar hyrjen e Kosovës në UNESCO.

Presidenti Thaçi nuk ishte përfshirë në këtë bisedë. Ai ka qëndruar anash, por nuk ka folur.

‘Përplasja’ mes i Vuçiç e Daçiç me Pacollin dhe Thaçin erdhi pasi Pacolli deklaroi se Kosova i ka siguruar votat e mjaftueshme për anëtarësim në UNESCO.

Kjo deklaratë e Pacollit ka bërë që Vuçiç dhe Daçiç të reagojnë si të çmendur.

“Anëtarësimi i Kosovës në UNESCO ka qenë temë e të gjitha takimeve të presidentit dhe ministrit të Punëve të Jashtme të Serbisë në Nju-Jork ditëve të kaluara”, shkruajnë mediat serbe, përcjell lajmi.net.

“Shqiptarët pas vetes i kanë muskujt e fuqive të mëdha, por Serbia do të luftojë”, ka thënë Vuçiç, kurse Daçiç ka thënë se “ata nuk i kanë votat e mjaftueshme për UNESCO”.

“Pacolli mendon se gjithçka me para zgjidhet, por nuk është tamam ashtu. Ne para dy vitesh i kemi mundur, edhe pse fuqitë më të mëdha i mbështesnin”, ka thënë Daçiç.

Në muajin nëntor bëhet votimi në UNESCO, mirëpo Kosova ende nuk ka aplikuar për anëtarësim.

September 24, 2017 11:28
Komento

3 Komente

  1. alphade September 24, 12:36

    Ne mos sot,neser do ju mundim juve shovinisteve te
    Beogradit ..! Koha punon per ne shqiptaret ! Ka ikur
    ajo kohe kur ju dhe Fuqite e medha i trajtonin shqip-
    taret si popull te dores se dyte,te paafte per vetqeve-
    risur. Kjo alibi e perhapur nga boshti ortodoks : Athine-
    Beograd-Moske ,me qellim grabitjen edhe te asaj pak
    toke qe i ka mbetur nga rrudhja ne shekuj qe kane sje-
    lle fuqite e kraljeve perreth nesh ,lufta e tyre ne shekuj
    per asgjesimin e kombit shqiptar permes rrugeve te
    propozuara nga Cubrillovivi serb. Harrojeni se mund ta
    beni kete ne shek.21 !

    Reply to this comment
  2. lejlek September 24, 17:33

    Edhe pse e kam theksuar me pare nuk eshte keq qe tja thash prape tjetrit mendimin troc.
    Akademia e shkencave te Kosoves nuk duhet te fleje gjume edhe pse populli i saj me mish e me shpirt nder vite mbajne te gjalle ashtu si edhe jane shqiptarizmen nepermjet emrave te femijeve e niperve te tyre larg huazimeve turke,Ne cdo pellembe toke te tokes arbenore ruhen te gjalla fakte dhe emertime qe depononete kaluaren tone si nje popull i krishtere.Dhe emertimet jane ne token edhe te Kosoves .Pse duhet qe ne zemer te saj vendet e shenjta te tjetersohen dhe te marrin autoresi serbe.Nuk jam kunder islamit dhe adhurueseve te tij (sepse kjo eshte nje deshire apo bindje).

    Reply to this comment
  3. Raimond vlonjati September 24, 22:09

    Atehere nuk ka kuptim qe Kosova ben dialog me Beogradin

    Ta nderpresi ate dialog , perderisa politika serbe eshte akoma kaq shume armiqesore

    Reply to this comment
Shiko komentet

Komento

Your e-mail address will not be published.
Required fields are marked*