“Këpucët çimento”: E para herë që përdoret kjo vrasje mafioze

May 6, 2016 12:14

“Këpucët çimento”: E para herë që përdoret kjo vrasje mafioze

Një trup i gjetur në Bruklin të Nju Jorkut në fillim të kësaj jave i kishte këmbët e mbështjella me çimento të forcuar.

“Këpuçët çimento”, ky është një term që njihet prej kohësh dhe lidhet me vrasjet mafioze.

Por deri më tani ishte thjesht një trillim i përdorur nëpër filma apo libra.

Disa gazetarë thonë se kjo është hera e parë kur “këpucët çimento” përdoren në një vrasje.

Viktima, 28-vjeçari Peter Martinez, ishte anëtar i një bande kriminale.

“Ky individ ishte i mbështjellë me qese plastike, krahët i kishte të lidhura nga pas dhe këmbët i kishte të zhytura në beton,” tha detektivi Robert Boyce.

“Është e qartë se ishte një vrasje”.

Edhe pse ka pasur vazhdimisht spekulime se mafiozët i zhysin viktimat e tyre në fund të oqeanit, duke përdorur “këpucët e çimentos”, shumë pak raste të tilla janë provuar.

Në gusht të vitit 1964 u gjet në Nju Jork trupi i Ernest Rupolos.

Edhe ai kishte dy blloqe betoni në këmbë.

Hetuesit thonë se në rastin e Martinez, kushdo që e ka bërë vrasjen, nuk ka pritur derisa çimentoja të thahej plotësisht.

Betoni u mbush me flluska ajri dhe kjo ishte arsyeja se përse trupi doli në breg.

_89606632_hi032783927

 

May 6, 2016 12:14
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*