Kluivert: Ëndrra ime është Barcelona

March 30, 2018 14:41

Kluivert: Ëndrra ime është Barcelona

Justin Kluivert, djali i ish-futbollistit të famshëm Patrick Kluivert, është një nga talentet më të mëdha të futbollit evropian.

18-vjeçari i cili luan me Ajax dhe që ka debutuar me Holandën, ka thënë se dëshiron që të ndjekë gjurmët e babait të tij, i cili ka luajtur 6 vite me Barcelonën.

“Ekipi im i ëndrrave është Barcelona. Mund të shkoj të luaj dhe në ndonjë skuadër tjetër pa asnjë problem, por Barcelona është ëndrra ime”, theksoi Kluivert.

Në lidhje me qëllimet e tij në karrierën që sapo e ka nisur, i riu u shpreh: “Objektivi im kryesor është që të fitoj Topin e Artë. Do të stërvitem shumë që ta arrij këtë qëllim. Por, e di që jam herët dhe më duhet të përmirësohem shumë”.

Në 30 ndeshje që ka luajtur me Ajax në këtë sezon, Justin Kluivert ka shënuar 8 gola dhe ka dhënë 4 asist.

o.j/dita

March 30, 2018 14:41
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*