Kokaina/ Rama: Sulmet e PD-LSI, pasqyrë e degradimit të opozitës

March 11, 2018 18:37

Kokaina/ Rama: Sulmet e PD-LSI, pasqyrë e degradimit të opozitës

 

Kryeministri Edi Rama i është përgjigjur akuzave të bëra nga opozita për operacionin e kapjes së të paktën 613 kg kokainë në Durrës.

Në një postim në rrjetin social Facebook, Rama i cilëson sulmet e bëra si një pasqyrë e degradimit të opozitës dhe se tregojnë mungesën e vizionit dhe të lidershipit në këto parti.

Postimi i plotë:

SULMET E DY PARTIVE PËR SUPEROPERACIONIN POLICOR ANTIDROGË NJË PASQYRË E DEGRADIMIT TË OPOZITËS – As lidership, as vizion, as program, as skuadër, as ide, as as edukatë, madje as shqipshqiptim e shqip-shkrim normal… #Vajmedet kush u beson akoma

Reagim i Ministrisë së Brendshme:

Ministria e Brendshme hedh poshtë me përbuzje, si përpjekje të dëshpëruara për të mbuluar diellin me shoshë në sytë e shqiptarëve dhe për të vazhduar dëmtimin e imazhit të Shqipërisë në sytë e të huajve, të gjithë serinë e deklaratave denigruese të partive opozitare për superoperacionin e Policisë së Shtetit, Hetimit Doganor, si edhe Prokurorisë së Krimeve të Rënda, në kapjen e sasisë rekord të kokainës pak kohë më parë.

Ky superoperacion, i përshëndetur botërisht nga Bashkimi Europian, Shtetet e Bashkuara, Agjencia Amerikane Antidrogë, Europol-i si edhe Antimafia italiane, si një sukses i madh i agjencive tona ligjzbatuese, ka gëzuar çdo qytetar shqiptar përveç lidershipit të opozitës shqiptare, i cili nuk po rresht së shpifuri gjithfarë absurditetesh, për të baltosur Policinë e Shtetit dhe lidershipin e Ministrisë së Brendshme e vetë Kryeministrin e Shqipërisë.

Hetimi për zbulimin dhe dokumentimin e autorëve të përfshirë në trafikun e kokainës së kapur në Portin e Durrësit është duke u kryer intensivisht nën drejtimin e Prokurorisë së Krimeve të Rënda dhe me mbështetjen e Agjensive partnere ndërkombëtare.

Çdo qytetar i përgjegjshëm në këtë vend që disponon prova dhe fakte konkrete ka detyrimin kushtetues e ligjor t’i vendosi në shërbim të hetimit.

Në të kundërt sulmet verbale publike nuk synojnë gjë tjetër veçse të dekurajojnë punën e Agjencive përgjegjëse për hetimin dhe të inkurajojnë krimin.

Ne nxisim Prokurorinë e Krimeve të Rënda të intensifikojë hetimet dhe t’i shkojë deri në fund zbulimit të së vërtetës, për të vënë para përgjegjësisë cilindo që është i përfshirë në këtë veprimtari kriminale si dhe cilindo që ka ndihmuar e është duke i shërbyer devijimit të hetimit dhe zbulimit të së vërtetës.

Ministria e Brendshme e konsideron tërësisht të papranueshëm këtë agresion verbal kundër institucioneve dhe Policisë së Shtetit në radhë të parë, ndërkohë që lufta kundër krimit dhe trafiqeve ka hyrë në një fazë të re dhe me rezultate tejet inkurajuese. E konfirmuar kjo me goditjen e disa grupeve kriminale dhe aseteve të tyre, ndërkohë që të tjera grupe të rrezikshme kriminale janë në fokusin e goditjes në kuadër të Operacionit “Forca e Ligjit”. Ne jemi krenarë dhe mirënjohës që në këtë luftë kemi siguruar besimin dhe mbështetjen aktive të partnerëve të vendeve mike si dhe disa agjensive ligjzbatuese me autoritet të njohur ndërkombëtar si: FBI, DEA, EUROPOL, INTERPOL tj.

Faktet flasin vetë dhe flasin qartë e fortë, krejt ndryshe nga sa përflet përditë pa pushim opozita e çoroditur që nuk po le gur pa luajtur për të penguar punën e Policisë, dëmtuar procesin delikat drejt hapjes së negociatave për anëtarësim në BE dhe cënuar imazhin e Shqipërisë në botë.

Duke e konsideruar publikisht këtë përpjekje të dëshpëruar të partive të opozitës, si një akt papërgjegjshmërie të skajshme institucionale, politike e qytetare, si edhe duke hedhur poshtë me vendosmërinë më të madhe të gjithë zinxhirin serial të shpifjeve për superoperacionin e kapjes së sasisë rekord të kokainës, Ministria e Brendshme garanton qytetarët shqiptarë se përpjekja e nisur mbarë në këtë fazë të dytë të luftës kundër krimit e trafiqeve të çdo lloji, do të vazhdojë me rezultatet që presin të gjithë duke goditur fort me Forcën e Ligjit.

l.h/ dita

March 11, 2018 18:37
Komento

1 Koment

  1. intelektuali March 11, 18:56

    REZILI ME KOKAINEN E XIBRAKES DHE MAMURASIT E BEN EDI RAMEN OSE BUDALLA ABSOLUT QE NUK DI SE CFARE NDODH NE SHTETIN E TIJ, OSE SPJEGON KARAKTERIN E TIJ ENVERIST TE “FITORJEVE” TE PARTISE SE PUNES ME CDO KUSHT

    Po pse opozita me e paafte qe ka pasur Shqypnia eshte fajtore per kokainen qe po ben REZIL Shqypnine ne syte e Botes o rufjani Edi Rama? Po ku e ke SHIK-un o Kryeministri Karagjoz i vendit tone?

    Po Sajme Qorrin ku e cove me pushime o Edi Kanabisi?

    Kur do t’i kerkosh falje Komisarit te Policise se Vlores, Dritan Zagani qe e masakrove me familje si nje enverist i vertete, vetem sepse guxoi te tregoje me gisht narkobaronin e droges, qe doli se ishte beniamini yt, ministri i brendeshem Sajme Qorri qe e drejtonte Ministrine dhe Policine me Habilajt e droges?

    Krimet e Saliut nuk jane te vogla, por krimet e tua o Edi Rama po i afrohen me shpejtesi te frikshme krimeve te Saliut dhe opozites qe ti tani e perqesh me nje cinizem te papare ne histori.

    Reply to this comment
Shiko komentet

Komento

Your e-mail address will not be published.
Required fields are marked*