Gafat me tekstet nuk kanë të sosur: Kosova fshihet nga harta, Australia ngatërrohet me Austrinë

December 5, 2014 14:28

Gafat me tekstet nuk kanë të sosur: Kosova fshihet nga harta, Australia ngatërrohet me Austrinë

Nuk kanë të sosur gafat në tekstet mësimore. Skandali i radhës raportohet në tekstet Gjuhës-shqipe, për klasat e dyta, botimi i vitit 2011-2013, ku në një hartë që u paraqitet fëmijëve, nuk ekziston fare shteti i Kosovës, ndërsa në vend të Austrisë shënohet Australia. Konkretisht bëhet fjalë për tekstin “Gjuha shqipe 2”, të shtëpisë botuese “Morava”, në të cilën konstatohet problematike përmbajtja e një faqeje që ka për ilustrim një hartë pjesore të Evropës (Ballkani dhe pjesa rrethuese e tij), ku në hartë nuk figuron shteti i Kosovës dhe emri i shtetit të Austrisë është shkruar Australi.

Situatë kjo e papranueshme. Autoritetet e arsimit kanë sqaruar gjatë ditës së djeshme se për tirazhin e librave të shtypur për këtë vit është korrigjuar kjo gafë, e cila është prezente në tekstet e shtypura në tre vitet e mëparshme, duke filluar prej vitit të miratimit si tekst në 2011. Sipas burimeve zyrtare në dikasterin e arsimit, tirazhi i shtypur në vitin 2014-të, është i korrigjuar. “Kjo pasqyrohet në faqen 83-të të ekzemplarëve.

Harta e përdorur është me shkallë zvogëlimi më të vogël dhe duket qartë, me kufij dhe me shkrim, shteti i Kosovës. Njëkohësisht, në këtë hartë nuk figuron shteti i Austrisë. Këto dëshmi librash e tekstesh të miratuara nga “Komisioni për Miratimin e Teksteve Shkollore” pranë Ministrisë së arsimit në vitin 2011-të, si dhe gjetjet e deritanishme nga MAS, përforcojnë dhe më shumë pozicionin se alterteksti ishte një dështim. Në këtë kuadër po zbatohet e gjithë reforma e nevojshme për tekstet shkollore.

Megjithatë, probleme të shumta sa i takon përmbajtjes janë vërejtur edhe në tekstet e tjera mësimore të përdorura gjatë vitit shkollor. Përballë kësaj problematike, krahas tërheqjes së një sërë teksteve mësimore nga qarkullimi, një komision ekspertësh do të rishikojë nga e para përmbajtjen e librave shkollorë, përdorimi i të cilëve do të vihet në funksion, duke nisur nga viti i ardhshëm shkollor.

Gjuha Shqipe 2 (krahasime) (2)3Pjesa dërrmuese e teksteve që janë të lidhur thelbësisht me Shqipërinë, do hartohen nga autorë shqiptarë, siç është gjuha, letërsia, historia e Shqipërisë, apo gjeografia. Ndërkohë që për pjesën tjetër të lëndëve, po shihet mundësia që të përshtatet me tekstet tona, korniza kurrikulare e teksteve ndërkombëtare, të cilat janë hartuar nga nga shtëpitë më të mira në Evropë dhe që kanë rezultuar që japin dijen në mënyrë më të mirë të mundshme.

Pra për tekste të tjera do të shihet mundësia e përkthimit të tyre dhe përshtatja në shqip për nxënësit shqiptarë. “Që prej shtatorit të vitit 2013-të, MAS ndërmori një proces të gjerë konsultimesh me përfaqësues të shoqërisë civile, Avokatin e Popullit, mësues, Akademinë e Shkencave, median dhe aktorë të tjerë të fushës për të diskutuar rreth problematikave të teksteve shkollore.

Reflektimet e mbledhura nga ky proces ju përcollën nga MAS të gjitha shtëpive botuese, të cilat pasi bënë korrigjimet finale të teksteve konstatuan 120 tekste shkollor me probleme të cilat u hoqën nga katalogu. Pjesë e korrigjimeve për katalogun ishte edhe ky tekst, ku nga Ministria e Arsimit dhe Sportit iu kërkua shtëpisë botuese “Morava”, korrigjimi dhe zëvendësimi i tekstit me probleme pa pagesë nga ana e nxënësit. Kjo edhe për rastet kur libri është i ripërdorur”, bëjnë me dije burimet zyrtare në Ministrinë e Arsimit.

Denoncimi i gabimeve

Ndërkohë,autoritetet e arsimit theksojnë se kanë krijuar edhe një adresë të posaçme elektronike: [email protected] ku ftohen të gjithë nxënësit, mësuesit dhe prindërit të dërgojnë foto të teksteve me probleme në përmbajtje të së cilës të jenë të shënuara dhe titulli i tekstit, emri i autorit dhe numri i faqes së tekstit ku konstatohen këto probleme. Secili prej këtyre rasteve do të ndiqet nga komisioni i ekspertëve në MAS.

December 5, 2014 14:28
Komento

1 Koment

  1. Miku December 5, 14:39

    Pse nuk tregohen emrat e autoreve te ketyre teksteve?

    Reply to this comment
Shiko komentet

Komento

Your e-mail address will not be published.
Required fields are marked*