Kosova më pranë BE-së, Vlerësime dhe urime nga zyrtarë të lartë

May 4, 2016 13:54

Kosova më pranë BE-së, Vlerësime dhe urime nga zyrtarë të lartë

Zyrtatë të Lartë të qeverisë të Kosovës dhe Shqipërisë përshëndetën sot rekomandimin e Komisionit Evropian për liberalizimin e vizave për qytetarët kosovarë.

Në një postim në rrjetin social Facebook, Presidenti i Kosovës, Hashim Thaçi, shprehet se “pas dekadave të izolimit, nuk do të ketë më pritje para ambasadave, nuk do të ketë refuzime.

Nuk kemi fituar dhuratë, por kemi merituar liberalizimin me punën tonë të përbashkët. Kur punojmë bashkë, asnjë kufi nuk na ndal. Urime liberalizimi sot, urime edhe për UEFA dje. Javë historike”.

Kryetari i Kuvendit të Kosovës, Kadri Veseli, e cilësoi sot rekomandimin e Komisionit Evropian për liberalizimin e vizave për qytetarët e Republikës së Kosovës, si një epokë të re për Kosovën.

Ndërsa kryeministri i Kosovës, Isa Mustafa, e cilëson heqjen e vizave një vlerëesim të merituar. “Urime Qytetarë të dashur! Rekomandimi pozitiv për heqjen e vizave është vlerësimi më i merituar për qytetarët e Republikës së Kosovës nga Bashkimi Evropian.

Rezultatet e punës së Qeverisë çdo ditë e më shumë janë të prekshme për qytetarët e Kosovës, qytetarë të kontinentit dhe të vlerave evropiane”, shkruan Mustafa në Facebook.

Urimeve iu bashkua edhe kryeministri i Shqipërisë, Edi Rama, i cili thekson se “fill pas UEFA-s tjetër lajm i gëzueshëm për Kosovën rekomandimi i Komisionit për heqjen e vizave. Më në fund BE-ja po çlirohet nga një turp!”.

Kryetari i partisë Aleanca Kosova e Re (AKR), Behxhet Pacolli, në urimin e tij shprehet se “Komisioni Evropian sapo ka rekomanduar liberalizimin e vizave për Kosovën dhe kjo është meritë e juaja! Ju e keni merituar! Qytetarët e Kosovës tashmë nuk do të jenë të izoluar, por të lirë si kurrë më parë”.

May 4, 2016 13:54
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*