Kosovë, arrestohen 4 persona

January 31, 2016 17:30

Kosovë, arrestohen 4 persona

Policia e Kosovës ka arrestuar 4 persona të dyshuar, pasi gjatë kontrollit në makinën me të cilën po udhëtonin janë gjetur dhe konfiskuar një AK-47 me 20 fishekë dhe një pistoletë me 16 fishekë të kalibrit 9mm.

Lajmi është konfirmuar për Top Channel nga zyrtari për informim i Policisë së Kosovës, Baki Kelani, i cili tha se ngjarja ka ndodhur mbrëmjen e së shtunës në afërsi të Manastirit të Deçanit.

Lidhur me këtë rast, prifti në Manastirin e Deçanit, Sava Janjiç, në një postim në Twitter ka shkruar se janë arrestuar 4 shqiptarë të cilët ai i ka quajtur “islamistë të armatosur”. Ai ndër të tjera ka shkruar se në makinë është gjetur edhe literaturë me përmbajtje islamike.

I pyetur lidhur me deklaratat e Sava Janjiç, Krelani tha se Policia e Kosovës nuk mund ta ndërlidhë rastin me asnjë akt tjetër, përfshirë edhe aktet terroriste, përderisa rasti është nën hetime.
Me vendim të prokurorit, katër të dyshuarit janë dërguar në mbajtje.

January 31, 2016 17:30
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*