KPA jep vendimin përfundimtar: Fatos Lulo shkarkohet nga detyra

Nga Arkiva

• Formalizimi i ekonomisë, Rama: Thirrja e fundit për bizneset 1 07.Sep
• Rama: Tifozët u rrahën nga një çetë barbarësh që mbron qeverinë 12 08.Apr
• Shpërthim në Diyarbakır të Turqisë, flitet për të plagosur 1 31.Mar

Kolegji i Posaçëm i Apelimit la në fuqi shkarkimin e gjyqtarit kushtetues Fatos Lulo.

Fatos Lulo ishte i pari gjyqtar i shkarkuar në procesin e Vettingut, ai u shkarkua sipas analizës së një komponenti, që lidhet me pasurinë.

Tashmë, ky vendim është i formës së prerë dhe sipas ligjit në Shqipëri, nuk ka shkallë tjetër. E vetmja shkallë ku mund të çohet pretendimi është jashtë Shqipërisë dhe është gjykata e Strasburgut.

KPA deklaron se:

“Trupa gjykuese e Kolegjit të Posaçëm të Apelimit, kryesuar nga Luan Daci, relatore Natasha Mulaj dhe anëtarë Albana Shtylla, Ardian Hajdari, Sokol Çomo, sot, më datë 17.07.2018, ora 10:00, në dhomë këshillimi, bazuar në nenin 66/1 – a, të ligjit 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, vendosi unanimisht:

Lënien në fuqi të vendimit nr.12, datë 23.03.2018 të Komisionit të Pavarur të Kualifikimit që i përket subjektit të rivlerësimit Fatos Lulo.

Ky vendim është përfundimtar, i formës së prerë.”

o.j/dita