KPK dorëzon dosjen e Llallës në Prokurorinë e Durrësit

Nga Arkiva

• KPK konfirmon në detyrë prokurorin e Shkodrës, Vate Staka 0 03.Jul
• A është Shqipëria e rrezikuar nga terrorizmi? 4 18.Aug
• Mbeti jashtë listës së PD, Bregu sulmon ashpër Bashën 14 27.May

Komisioni i Pavarur i Kualifikimit i ka vënë në dispozicion Prokurorisë së Durrësit në 15 Mars dokumentat e procesit të rivlerësimit për Adriatik Llallën.

“Ju vëmë në dijeni se dosja e këtij subjekti, pas përfundimit të procedurave nga ana e KPK-së, i është vënë në dispozicion Prokurorisë së Rrethit Gjyqësor Durrës më datë 15 Mars 2018, pas kërkesës nga ana e këtij organi”– njofton Komisioni i Pavarur i Kualifikimit.

KPK ka ndërprerë Vettingun për ish kreun e akuzës, pas dorëheqjes.

Prokuroria e Durrësit ka nisur hetimet për ish-Prokurorin e Përgjithshëm Adriatik Llalla dhe ai do të hetohet për veprën penale të pastrimit të parave.

Në dispozicion të hetuesve do të vihen deklaratat e pasurisë së Adriatik Llallës të bëra ndër vite, pranë Inspektoratit të Lartë të Deklarimit dhe Kontrollit të Pasurisë.

Gjithashtu kartelat e pasurive të paluajtshme që ai ka deklaruar në Hipoteka dhe të gjitha transaksionet që janë kryer me këto pasuri.

o.j/dita