Kreu i Gjykatës Kushtetuese kalon Vettingun, konfirmohet në detyrë

June 13, 2018 09:53

Kreu i Gjykatës Kushtetuese kalon Vettingun, konfirmohet në detyrë

Komisioni i Pavarur i Kualifikimit ka konfirmuar në detyrë kreun e Gjykatës Kushtetuese Bashkim Dedjen.

Komisioni i Pavarur i Kualifikimit në seancën e 8 qershorit tha se Dedja ishte shfaqur bashkëpunues gjatë llogaridhënies me e-mail, në të cilën gjyqtari me karrierë 25-vjeçare kishte barrën e provës.

Duke evidentuar lidhjet e pastra të kryegjyqtarit kushtetues, si edhe aftësitë profesionale, komisionerja Xhensila Pine qëndroi gjatë tek pasuritë e tij, kreditë dhe kontratat e borxheve me të afërmit.

Gjyqtari kushtetues rezulton me një banesë në kryeqytet dhe një kredi prej 120 mijë euro. Por, si e dyshimtë u prezantua huaja prej 25 mijë eurosh e marrë prej tij tek dy familjarë. Në një kontratë, kunati i tij i ka dhënë 10 mijë euro borxh përmes një deklarate të firmosur gjatë kohës që ishte jashtë vendit. Deklarata e këtij borxhi më pas është korrigjuar dhe ka si huadhënës babain e kunatit.

Por, avokati Maks Haxhia nuk e shikon si problematike, pasi, sipas tij, ky moment është saktësim dokumentash. Në kontratën tjetër, i vëllai i ka dhënë një borxh prej 15 mijë eurosh, në të njëjtën kohë kur vetë ai kishte marrë një kredi prej 40 mijë eurosh.

Episodi tjetër ku u ndal Komisioni i Pavarur i Kualfikimit ka lidhje me një apartament në Golem, që i përket vëllait të Dedjes. Por, komisioni pyeti se përse kontrata e energjisë elektrike rezulton në emër të Bashkim Dedjes.

o.j/dita

June 13, 2018 09:53
Komento

3 Komente

  1. MISTERI June 13, 10:07

    E kaloj apo e pagoj?? Para nje jave i koruptuar sot i paster?Sic duket ka kaluar ne filtrat e Olsi Rames apo ne Bankat e Linda Bashes(RAMA).Eh i shkreti ARTAN SANTO???

    Reply to this comment
  2. info analitike June 13, 10:15

    Ketij po qe i thone vetting… vetting ne stilin e estrades rilindjote! Na kenaqet.

    Reply to this comment
  3. DALLTON June 13, 12:15

    Eh more popull po bejme ,”VETING”de more de e lum si ti popull ,qe ne na ke ,pas keti edhe GJin-GJoni ka per te dale I paster si kristali ,se mbron familjen e Sali -Birishes,se Edvin -Brekushi thyen Embargon ,me marveshjen me Lulezimin ,dale o popull se s’ke pare gje akoma .

    Reply to this comment
Shiko komentet

Komento

Your e-mail address will not be published.
Required fields are marked*