Kryegjyqtari i Vlorës bleu tokë e ndërtoi shtëpi pa leje në Sauk, KPK: Nuk justifikon pasurinë

Nga Arkiva

• Historia e 11-vjeçarit që mbledh kanaçe për të mbajtur familjen dhe del me dhjeta në shkollë 7 12.Jun
• Disa ditë të javës jetonte me gruan…, dalin detaje nga lidhja e modeles me Redjan Rrajën 20 09.Nov
• Ishte larguar nga shtëpia, gjendet e pajetë pranë një pallati 0 17.Dec

Ka dalë para trupës gjykuese të vettingut kryetari i Gjykatës së Vlorës, Skënder Haluci.

Një ditë më parë, Haluci kishte kërkuar ndryshimin e trupës gjykuese, por kërkesa është rrëzuar sot në nisje të senacës dëgjimore në Komisionin e Pavarur të Kualifikimit.

Sipas ILDKPKI, Haluci nuk justifikon pasurinë.

Komisioni i Pavarur i Kualifikimit tha se në vitin 2015 kryegjykatësi i Vlorës ka blerë 1400 m2 tokë në Sauk. Në këtë tokë, gjyqtari ka ndërtuar një shtëpi pa leje, të cilën e ka futur në proces legalizimi. Por sipas KPK-së, kjo pronë (kontrata për pronën) nuk përputhet me deklaratat e pasurisë ndër vite.

KPK tha se Skënder Haluci ka edhe një makinë tip Benz me vlerë 400 mijë lekë, me burim pagën e marrë ndër vite. Por edhe për këtë makinë – tha trupa e KPK-së, bilanci i blerjes ka qenë negativ, çështje e cila do të vlerësohet më tej deri në vendimmarrje.

Skënder Haluci është në krye të Gjykatës së Vlorës prej vitit 2010 dhe rezulton se ka marrë edhe dëmshpërblim si i përndjekur politik.

o.j/dita