Kryeprokurori, PD: Llalla në detyrë derisa ta shkarkojë KLP

December 7, 2017 11:39

Kryeprokurori, PD: Llalla në detyrë derisa ta shkarkojë KLP

 

Pas ftesës së Ramës për t’u ulur në bisedime me opozitën, Partia Demokratike vazhdon të mbajë qëndrim kundërshtues përsa i përket procedurave për kryeprokurorin e ri.

Nëpërmjet një letre dërguar kryetarit të Kuvendit, Partia Demokratike rendit një sërë arsyesh pse procedura e nisur nga Kuvendi është antikushtetuese.

Sipas PD, Kushtetuta e thotë qartë se mbarimi i mandatit të Prokurorit të Përgjithshëm nuk konstatohet nga Kuvendi i Shqipërisë, por vetëm nga Këshilli i Lartë i Prokurorisë.

Për këtë arsye, PD vlerëson se deri në ngritjen e KLP-së dhe plotësimit të boshllëkut kushtetues dhe ligjor është e pamundur që Kuvendi të marrë kompetencën e një institucioni të pavarur të drejtësisë.

Nga ana tjetër, PD shprehet se ajo nuk ka qëndrim përfundimtar për çështjen e kohëzgjatjes së mandatit nga 5 në 7 vjet të Prokurorit të Përgjithshëm. “Përgjigjen për këtë dilemë nuk mund ta japë politika, por e jep vetëm Këshilli i Lartë i Prokurorisë si institucioni i vetëm që deklaron mbarimin e mandatit”, vlerëson PD.

PD vëren se një situatë të ngjashme për Inspektorin e Lartë te Deklarimit të Pasurive, kjo mazhorancë e zgjidhi duke ia zgjatur mandatin nga 5 vjet që e kishte me ligjin e vjetër, në 7 vjet me ligjin e ri. PD i sjell në vëmendje mazhorancës se nuk mund të bëjë interpretime të ndryshme të një situate të njëjtë në varësi të qëllimit të saj për të kontrolluar politikisht zyrtarin përkatës.

Një tjetër argument që jep PD ka të bëjë me faktin se Neni 109 i Kushtetutës parashikon zgjedhjen e një Prokurori të përkohshëm vetëm kur Prokurori në detyrë i ndërpritet mandati para kohe.

Në këtë mënyrë PD kërkon nga mazhoranca ndërprerjen menjëherë të procedurës që ka nisur në kundërshtim me Kushtetutën dhe ligjin.

Letra e PD për Kuvendin

Fakti i parë – Kushtetuta e thotë qartë: Mbarimi i mandatit të Prokurorit të Përgjithshëm nuk konstatohet nga Kuvendi i Shqipërisë, por vetëm nga Këshilli i Lartë i Prokurorisë. Kjo kompetencë e KLP parashikohet në pikën 2 të nenit 148/c të Kushtetutës, ku thuhet se “Mbarimi i mandatit të Prokurorit të Përgjithshëm deklarohet me vendim të Këshillit të Lartë të Prokurorisë”.

PD vlerëson se deri në ngritjen e KLP-së dhe plotësimit të boshllëkut kushtetues dhe ligjor është e pamundur që Kuvendi të marrë kompetencën e një institucioni të pavarur të drejtësisë.

PD shprehet se ajo nuk ka qëndrim përfundimtar për çështjen e kohëzgjatjes së mandatit nga 5 në 7 vjet të Prokurorit të Përgjithshëm. Përgjigjen për këtë dilemë nuk mund ta japë politika, por e jep vetëm Këshilli i Lartë i Prokurorisë si institucioni i vetëm që deklaron mbarimin e mandatit.

PD vëren se një situatë të ngjashme për Inspektorin e Lartë te Deklarimit të Pasurive, kjo mazhorancë e zgjidhi duke ia zgjatur mandatin nga 5 vjet që e kishte me ligjin e vjetër, në 7 vjet me ligjin e ri. PD i sjell në vëmendje mazhorancës se nuk mund të bëjë interpretime të ndryshme të një situate të njëjtë në varësi të qëllimit të saj për të kontrolluar politikisht zyrtarin përkatës.

Fakti i dytë – Neni 109 i Kushtetutës nuk është i aplikueshëm pasi ai parashikon zgjedhjen e një Prokurori të Përkohshsëm vetëm kur Prokurorit në detyrë i ndërpritet mandati para kohe. Aktualisht nuk ekziston një rrethanë e tillë. Edhe nëse do të ishim në rrethanat e ndërprejes së mandatit, neni 109 për Prokurorin e Përkohshëm, përcakton se  duhet të përmbushen dy kushte:

1-    Kandidatët për Prokuror të Përkohshëm të Përgjithshëm duhet të kenë kaluar me sukses procesin e vetingut.

2-    Kryeprokurori i Përkohshëm zgjidhet me votat e 3/5 e anëtarëve të Kuvendit.

Në përfundim, PD shprehet se:

  • Të merret vlerësimi/opinioni i Këshillit të Legjislacionit në Kuvendin e Shqipërisë mbi zgjidhjen e boshllëkut/ngërçit kushtetues apo ligjor.
  • Deri në plotësimin e boshllëkut kushtetues dhe ligjor apo deri në krijimin e KLP, është e pamundur që të procedohet me zgjedhjen e një Prokurori të Përgjithshëm, qoftë ky edhe i përkohshëm.
  • Mandati i Prokurorit të Përgjithshëm deklarohet i përfunduar vetëm nga KLP dhe neni 109 është i pazbatueshëm. Për këtë shkak PD kërkon nga mazhoranca ndërprerjen menjëherë të procedurës që ka nisur në kundërshtim me Kushtetutën dhe ligjin.

PD thotë se “Çdo veprim i kundërt nga mazhoranca do të ishte provë e qartë e vullnetit të saj të hershëm për kapjen politike të organeve të drejtësisë, përfshirë edhe prokurorinë”.

December 7, 2017 11:39
Komento

4 Komente

  1. floriri i Bençes December 7, 13:21

    Duke nisur prej dites se neserme ne mengjes, Llalles duhet t’i ndalohet hyrja ne seline e Prokurorise se Republikes. Natyrisht eshte i lire nese do, te paraqitet çdo mengjes tek Shqupi.

    Reply to this comment
  2. NjeQytetarOptimist December 7, 13:35

    Qesharak, disfate mbas disfate… Kur ngriten kartonat per ligjin e Vettingut harruan se sdo kete me Lala Gjon..

    Reply to this comment
  3. alfons December 7, 15:09

    lulin te mos e marim per leshko ai me te drejten qe i jep ligji do mbroje vehten sa te mundet nepermjet llalles nuk esht kollaj tja futesh vehtes!Po sikur afer qofte prekurori i perkoshem hap dosjet e mykura te llalles dhe leshon urdher aresti per lulin dhe mulin pasojat i din mire ai me raportet nuk do ti pijne uje naten i shfaqen fantazmat e 4Te vrarve leket r kombit u bene lobingje deti po ben dallge te mbedha ndaj luli me te drejte do llallen dhe 6Muaj mbase der ateher organizon nje 97tjeter i ve zjarin dosjeve dhe del pa lagur po ashtu i jap te drejte te kundershtoje te akuzoje te shpife te trlloje dhe per nderkombetaret pa per shqiptaret as mos pyese fare se per vehte ka atheun rezerve hollanden!

    Reply to this comment
  4. valentina December 7, 17:44

    Atehere organet e vetingut te merren qe neser kur i skadon mandati adriatik palles urgjentisht ti bejne vetingun ketij fshat-katundari se mbase e kalon.

    Reply to this comment
Shiko komentet

Komento

Your e-mail address will not be published.
Required fields are marked*