Kukësi qesharak, Dinamo e Moskës i shënon një “thes” me gola

July 4, 2017 20:20

Kukësi qesharak, Dinamo e Moskës i shënon një “thes” me gola

Kukësi është mundur me rezultatin e thellë 6-0 ndaj Dinamos të Moskës, në takimin miqësor të zhvilluar në Austri në kuadër të përgatitjeve për turin kualifikues të Ligës së Kampionëve.

Dinamo Moskë-Kukësi 6-0

1’ Beqiraj, 8′ Sapete, 67′ Lutsenko, 73′ Temnikov, 80′ Kuzmin, 84′ Teminikov

Formacioni titullar i Kukësit
Koliçi, Hallaçi, Shameti, Sorran, Rrumbullaku, Lena, Zeqiri, Guri, Kale, Emini, Pejiç.

PJESA E PARE
Kukësi e mbylli pjesën e parë në disavantazhin e dy golave. Ndryshimi në cilësinë e dy skuadrave është parë që në fillimin e ndeshjes, pasi verilindorët pësuan një gol shumë të shpejtë, që në sekondën e 37, kur Beqiraj dërgoi topin pas krahëve të Koliçit.

Sapete arriti të dyfishonte shifrat pas një tjetër pavëmendje të prapavijës së verilindorëve në minutën e 8 të ndeshjes. Kampionët e Shqipërisë u munduan të reagonin pas pësimit të shpejtë të dy golave duke krijuar disa raste, por pa arritur të ngushtonin diferencën.

PJESA E DYTE
Një pjesë e dytë katastrofike për kampionët e Shqipërisë. 4 gola të pësuar në harkun e 15 minutave dhe një mbrojtje qe dukej sikur ecte në zonën e portierit Koliçi. Lojtarët e Dinamos e kishin mjaftë të thjeshtë ta dërgonin topin në rrjetë edhe pse luanin ndaj një skuadre që pretendon të kalojë turin e dytë në Ligën e Kampionëve./panoramasport/

 

July 4, 2017 20:20
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*