Kupa FA, fitojnë skuadrat londineze

February 21, 2016 20:08

Kupa FA, fitojnë skuadrat londineze

Chelsea ka arritur të mposht Manchester Cityn dhe të vazhdojë aventurën në FA Cup. Formacioni i Hiddinik fitoi 5-1 në “Stamford Bridge” përballë “qytetarëve” të cilët startuan me pesë lojtarë nga skuadra e 21-vjeçarëve.

Nga minuta e parë startoi edhe lojtari i përfaqësueses së Kosovës, Bersant Celina, që qëndroi në fushë për rreth një orë, por pa arritur të lërë gjurmë.

Goli i parë u shënua në Diego Costa në minutën e 35, por miqtë barazuan dy minuta më vonë me të riun Faupala. Me rezultat të barabartë 1-1 u mbyll edhe pjesa e parë.

Vetëm tre minuta pasi filloi pjesa e dytë Willian riktheu epërsinë në 2-1. Në të 53-n me një gjuajtje nga brenda zonës Cahill shënon për 3-1.

Pasi kompletoi “tripletën” e asisteve, Hazard gjeti edhe rrjetën përmes një goditje dënimi për 4-1. Kur luhej minuta e 75, Oscar kishte mundësi të shënonte golin e pestë, por dështoi nga pika e bardhë.

Ndërkohë, i riu Traore shënoi golin e pestë dy minuta nga fundi kur me kokë befasoi portierin Caballero.

Për shkak ta një jave super të ngarkuar në Champions dhe finalen e Capital One Cup, Pellegrini kishte vendosur të pushojë lojtarët kryesorë të skuadrës.

Ndërkohë, falë fitores në “White Hart Line”, Crystal Palace u kualifikua në raundin e gjashtë të Kupës FA duke eliminuar njërën nga skuadrat më në formë në Angli, Tottenhamin.

Pas Chelseat dhe Crystal Palace, West Ham ishte skuadra e tretë londineze që arriti të fitojë dhe sigurojë vazhdimin e garës kur mposhti 1-4 Blackburnin.

February 21, 2016 20:08
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*