Kurse private dhe për Abetare

Nga Petrit Zili October 7, 2013 17:54

Kurse private dhe për Abetare

Të rrosh a mos rrosh

Mendon njerëzia

Jetën dëm ta çosh

S’të lë Perëndia

 

Ke nuk ke para

Me buxhet je hollë

S’ka vend për shaka

Fëmija do shkollë

 

Merr libra me listë

Lista ësht’ e gjatë

Dhe një tjetër pistë

Duhet kurs privat.

 

Në shkolla kan’ kthyer

Mësueset shtëpinë

Dikush në aneks

Dikush në kuzhinë

 

Njëra  në një cep

Atje pranë haurit

Tjetra në një zyrë

Te puna e burrit.

 

Plas kursomania

Si kok’e fasules

Ka dhe një orar

Te dyqan i Bules

 

Shkruhet nën tabelën

“ Fruta – zarzavate”

Dy orë me qera

Për kurse private.

 

Mësues – mësuese

Vënë  janë në garë

Për të hapur kurse

Që ditën e parë

 

Je i detyruar

Nuk bën dot bisht

S’pari do paguar

Kursi  për anglisht.

 

Për të zënë dora

Për një kurs të mbarë

Duhen mijëra  lekë

Ca  dhjetra dollarë.

 

Pastaj prind i dashur

Mos të të vijë rëndë

Se kursi privat

Është për çdo lëndë

 

Kurs në fizikë

Kurs në kimi

Fli gjatë mësimit

Mëso në shtëpi .

 

Me sa kemi parë

Si s’na plasin  sytë?!

Kurs në klasë të parë

Kurs në klasë të dytë

 

I dashur mësues

S’është  turp fare

Që të hapësh kurs

Dhe për abetare?!

 

 

Prindi  zemër djegur

Pyet si me frikë

Vallë ku ka humbur

Arsimi publik?!

 

Nga Petrit Zili October 7, 2013 17:54
Komento

8 Komente

  1. nick October 7, 19:48

    kap tamam shqetesimet e perditshme.

    Reply to this comment
  2. Njeriu realist. October 7, 20:27

    Keto jane daulle te medha qe bjene per ministrine e arsimit,qe duhet urgjentishte te vere dore mbi keta spekullatore primitive.Keto transformime qe i beje arsimit disa bashbozuke dhe mesues duhen djegur me bezine se burgu nuk ben gje.
    Te eleminoshe arsimin publik qe eshte primar ne tere boten eshte me se nje krim i paster,ju po deshet liheni dhe pastaj kerkoni shqiperi.

    Reply to this comment
  3. mishel October 7, 20:43

    Ore doja te dija nje gje… Ky Arben Duka qe shkruan keto poezite ketu ne Dita eshte ky qe ka shkruar kete ketu:???

    http://albanianorthodox.wordpress.com/2013/09/07/shqiptarja-com-nderim-per-anastas-janullatosin-blog/

    http://www.shqiptarja.com/blog_article.php?id=527&IDCategoria=6&page=2

    !!!!!???

    Reply to this comment
    • kokpalari i 21 janarit October 7, 22:33

      o byrazer Arbeni nuk eshte me ketu, ka ikur te gazeta tjeter, ky qe shkruan ketu en Dita quhet Petrit Zili dhe eshte nga Dibra. kurse keto poezite me Janullatosin Arbeni i ka shkruar, po i ka shkruar te ajo gazeta ku punon tani. Me sa duket…varja

      Reply to this comment
  4. veriori ne kufi me Kosoven October 8, 20:42

    “Edhe Sheh Islami qe jep fetefane , per para shet t’ane” . Siq shifet vargjet e vepres se Hasan Zyko Kamberit ” Paraja” jane kuptuar keq dhe nga mesuesit e ciklit ulet te 9vjecares dhe…tjeret .. . Vetem keta ,mesuesit , kishin ngelur pa u korruptuar nga qeverisja e prapet e Sali Berishes , tani edhe kjo shtrese .u njollos , mjere femijte e atyre prinderve qe s’kane te paguajne ! Ky ishte tranzicioni allaBerishse qe po e kthen arsimin ne Shqiperi nje mundesi vetem per ata qe qe kane te paguajne ne menyre abuzive . Pa barazi edhe ne aresim , kete nuk e kishim menduar !

    Reply to this comment
  5. juna October 8, 23:55

    si eshte arsimi sot do jete Shqiperia neser. dmth per ibret. Turp, turp turp

    Reply to this comment
Shiko komentet

Komento

Your e-mail address will not be published.
Required fields are marked*