Postimi i LVV pas takimit të Albin Kurtit në Ambasadën Amerikane

October 9, 2019 16:36

Postimi i LVV pas takimit të Albin Kurtit në Ambasadën Amerikane

I dërguari i Posaçëm i Shtëpisë së Bardhë për dialogun Kosovë-Serbi, Richard Grenell, ka filluar takimet me krerët e partive politike në Kosovë në ambsadën e SHBA në Prishtinë.

I pari që ka takuar Grenell ka qenë kreu i Lëvizjes Vetëvendosje, Albin Kurti.

Pas këtij takimi Kurti është parë teksa është larguar nga Ambasada e Shteteve të Bashkuara në Prishtinë me makinën e tij.

Lëvizja Vetëvendosje përmes një postimi në faqen zyrtare në Facebook ka shkruar se Grenell ka uruar udhëheqësit e Vetëvendosjes për vendin e parë në zgjedhjet parlamentare, dhe se dëshironte të dëgjonte mendimin e qëndrimin e tyre për mundësitë e një marrëveshje me Serbinë.

Më tej në postim thuhet se Kurti ka thënë që përmbajtja dhe procesi i marrëveshjes janë më të rëndësishme për qëndrueshmërinë e saj sesa afati kohor për të.

Postimi i plotë:

“Sot, në Ambasadën e re të ShBA-ve në Prishtinë, kryetari i Lëvizjes VETËVENDOSJE!, Albin Kurti, dhe anëtari i Kryesisë, Glauk Konjufca, u takuan me Ambasadorin Amerikan në Gjermani, z. Richard A. Grenell dhe Ambasadorin Amerikan në Kosovë, z. Philip S. Kosnett.

Ambasadori Grenell fillimisht uroi udhëheqësit e VETËVENDOSJE!-s për vendin e parë në zgjedhjet parlamentare të së dieles së 6 tetorit dhe dëshironte të dëgjonte mendimin e qëndrimin e tyre për mundësitë e një marrëveshje me Serbinë, para se ai të udhëtonte për Beograd. Z. Grenell theksoi që mungesa e marrëveshjes së Kosovës me Serbinë është pengesa kryesore e investimeve të huaja në ekonominë kosovare.

Z. Kurti shprehu falënderimin e tij për rolin dhe mbështetjen e ShBA-ve për Kosovën si në luftë ashtu në paqe dhe gatishmërinë e tij që si kryeministër i ri i Kosovës të thellojë bashkëpunimin me ShBA-të. Ai u pajtua me Ambasadorin Grenell që Kosova ka nevojë për zhvillim ekonomik dhe investime prej jashtë, por për këtë gjë problem janë sidomos korrupsioni i lartë në qeveri që krijon pasiguri e cila tremb bizneset, varfëria e përhapur në popullsi që e mban të ulët kërkesën agregate si dhe qasja e vështirë në financa për bizneset për shkak të kamatave të larta të kredive në banka.

Sa i përket dialogut me Serbinë, z. Kurti tha që përmbajtja dhe procesi i marrëveshjes janë më të rëndësishme për qëndrueshmërinë e saj sesa afati kohor për të.

Në fund të këtij takimi të hapur e konstruktiv, bashkëbiseduesit u pajtuan që sa më shpejtë të krijohet qeveria e re në Kosovë dhe se do të vazhdojnë komunikimin e shpeshtë e të rregullt”.

e.ll./dita

October 9, 2019 16:36
Komento

3 Komente

  1. Arben October 9, 16:59

    KETE NUK DO TE DEGJOJE USA,

    E KA HUMBUR FILLIN

    Reply to this comment
  2. Aliu nga Selenica October 9, 18:09

    Kuŕti eshte i deshtur qe ne momentet e para.Jo me kote Ramush Hajrrdini e quahti mashreues Kurtin. Mashtrinet e tija nje nga nje do te diskretitoj kete dhe fircèn politike.

    Reply to this comment
  3. Kuq e zi October 9, 20:15

    Bukur… sipas ambasadorit investimet nuk vijne ne kosove se ska marrveshje me serbine po ne shqiperi pse nuk vijne qe ska keto halle???
    Atehere i jap te drejte kurtit investimet i tremb korrupsioni
    Ai jo qe do i jape respekt kosoves ne bote por do zbythe edhe pashallaret e tiranes

    Kurti fitoi zgjedhjet kush gazete botoi qofte dhe dy rreshta qe programi i vv ka 100 pika?

    Bllokade shtypi kunder tij sepse kur thote ngjela qe shtypi ne shqiperi eshte ne dore te 6 personave dhe programi i vv ka si qellim zhdukjen e monopoleve ndarjen e pasurise qe ne menyre te fitojne te gjithe dhe shume pika kane te bejne me shqiperine si psh lidhja e sistemit elektrik ku ne furnizojme rrjetin me uje ne dimer kosova furnizon me qymyr ne vere
    Po ne tirane jane gatshem te humbin monopolet?
    Po programi i fundit ne cilat zgjedhje u paraqit?
    Keni te drejte te trembeni

    Reply to this comment
Shiko komentet

Komento

Your e-mail address will not be published.
Required fields are marked*