Kush është djali i biznesmenit shqiptar që bën thirrje për terror në SHBA

January 14, 2018 11:53

Kush është djali i biznesmenit shqiptar që bën thirrje për terror në SHBA

 

Nga Ruben Avxhiu

The Atlantic” ka botuar sot një speciale të gjatë për djalin e pronarit shqiptar të një picerie në New Jersey që është vënë në krye të Shtetit Islamik të Sirisë dhe Irakut (ISIS).

Ka pasur edhe raste të mëparshme shqiptarësh të përfshirë në terrorizëm dhe në radhët e ISIS, po asnjë nuk ka arritur në nivelin e Zulfi Hoxhës.

Hoxha njihet tani si një nga komandantët kryesorë të Shtetit Islamik dhe një nga fytyrat e përpjekjeve të grupit për rekrutim.

Sipas të dhënave federale, ai u largua nga SHBA në 6 prill 2015 dhe katër ditë më vonë ndodhej në një kamp stërvitor të ISIS. Për gjashtë muaj sipas disa zyrtarëve të rendit dhe sigurisë, ai ishte personazh në një video të tmerrshme.

Këto rrjete janë të rëndësishme për rekrutimin e të rinjve për t’u dërguar në Irak e Siri. Disa prej tyre, si Zulfiu janë lidhur nëpërmjet internetit dhe pastaj me anë të kontakteve të reja, lidhen me ndihmës të ISIS që i sigurojnë udhëtimin drejt Sirisë.

Sot, ISIS është duke humbur gjithnjë e më shumë terren dhe pyetja që vijon është ku do të shkojnë këta njerëz që po humbasin luftën?

Në maj 2017, zyra e medias së ISIS, në provincën Nineveh, në Irak lëshuan një video 45-minuta me titullin: “Ne do t’i kthejmë me siguri në rrugët tona”. Ashtu si shumë video nga ISIS edhe në këtë shfaqen disa luftëtarë vullnetarë nga vende të ndryshme. Një nga njerëzit e maskuar është një amerikan që e quan veten “Abu Hamza al-Amriki.”

Duke folur me theks amerikan, ai kritikon Amerikën dhe u bën thirrje besimtarëve në SHBA që të bëjnë sulme brenda vendit: “A nuk jeni në gjendje që t’ia ngulni thikën një qafiri? Ta hidhni poshtë nga një ndërtesë? Ta shtypni me makinë? Çlirojeni veten nga zjarri i Ferrit duke vrarë një qafir”.

Më pas ai tregon para kamerës disa raketahedhëse, prodhim amerikan, që thotë se ua kanë marrë grupeve të armatosura kurde dhe Shiite pasi ISIS i ka mposhtur në fushëbetejë.

Pas një hetimi dyvjeçar të kuadrove amerikane që kanë udhëtuar për në Siri dhe Irak, agjentët federal më në fund kanë zbuluar se Abu Hamza al-Amriki i videos është Zulfi Hoxha.

Në kohën e regjistrimit të videos Hoxha ishte rreth 25-vjeç.

Duke qenë se ka shkuar në Siri më pak se tre vjet më parë, ngjitja e tij në krye të ISIS ka qenë shumë e shpejtë. Ai nuk dihet se ku ndodhet sot, por nisur nga videoja e majit 2017, duhet të ketë qenë në atë kohë në Irakun veriperëndimor.

Kjo është hera e parë që agjencitë amerikane të zbulimit arrijnë të gjejnë identitetin e një prej amerikanëve që janë shfaqur në videoklipet e propagandës së ISIS-it. Edhe kur zbulohen emra nuk është politikë e qeverisë amerikane që të bëjë publike emrat e luftëtarëve nga SHBA.

Mirëpo, Zulfi Hoxha është rast më ndryshe për shkak të statusit të lartë që ka si komandant në ISIS.

Ai mund të ketë qenë personazhi edhe i një videoje në tetor 2015, në të cilën një amerikan ia pret kokën brutalisht një ushtari kurd të peshmergës, “për t’i dërguar mesazh Obamas”.

Ekspertët nuk e dinë se si ka mundësi që Zulfi Hoxha u ngjit kaq shpejt kaq lart në strukturën e hierarkisë së Shtetit Islamik.

Ndoshta u ka lënë mbresë udhëheqësve të organizatës me gatishmërinë e tij për të marrë pjesë kaq shpejt në prerjen e kokës së një ushtari armik.

Ajo që dinë me shumë saktësi tani është se cilët njerëz e kanë ndihmuar për t’u larguar drejt Sirisë si dhe veprimtarinë e tij në rrjetet sociale ku ka shprehur dukshëm pikëpamjet e tij të skajshme në përkrahje të ISIS-it/Illyria

 

January 14, 2018 11:53
Komento

4 Komente

  1. Dn January 14, 12:08

    E kush qenka pra ky pos paska nje emer shqiptar…

    Reply to this comment
  2. korçari January 14, 16:09

    Me siguri do te kete fundin e Muhaxherit dhe as nam as nishan nuk do t’i mbetet ,nje qelbesire qe nuk meriton te quhet njeri dhe jo me shqiptar.

    Reply to this comment
  3. KORÇARI January 14, 19:11

    KËTA IDIOTË S’JANË SHQIPËTARË , MOS NA I NDYNI RRACËN ME MBETJE ARBAO-TURKO-MONGOLE, KËTA JANË MBETJET SPERMATIKE TË TURKO-MONGOLËVE, CA SI MUÇ [email protected] , LUBONJA, BUZHALA ETJ JANË ÇFARËDO TJETËR POR JO SHQIPTARË..

    Reply to this comment
  4. Dritani January 14, 19:36

    Ku ishte ky mjekrrosh dhe familja e tije kur vetem amerikanet dhe britaniket kembengulnin politikisht ne clirimin e Kosoves, dhe pastaj nderhyne edhe ushtarakisht per clirimin e saje. Ky person ne asnje menyre nuk meriton te quhet shqipetare.
    Heronj shqipetare te koheve moderne jane Bekim Berisha, Ademi dhe Hamza,Xhelal Hajda, Shkelzen Haradinaj dhe shume e shume trima legjendare qe luftuan per liri, ndersa keta injorante mjekrroshe sjane asgje tjeter vecse agjente te se keqes antishqipetare.

    Reply to this comment
Shiko komentet

Komento

Your e-mail address will not be published.
Required fields are marked*