Kuvendi dhe analiza e humbjes, Basha mbledh kryetarët e degëve

March 16, 2018 18:30

Kuvendi dhe analiza e humbjes, Basha mbledh kryetarët e degëve

Kryetari i PD, Lulzim Basha ka mbledhur kryetarët e degëve në rrethe dhe po zhvillon një takim në selinë blu.

Takimi ka nisur në orën 17:00 dhe po diskutohet për organizimin e PD-së, proces i nisur pas mbledhjes së Kryesisë pak ditë më parë.

Në këtë mbledhje, Basha po u komunikon kryetarëve të degëve vendimet dhe atë që pritet të ndodhë në vazhdim.

Sipas Report Tv-së, Basha mësohet se u ka thënë drejtuesve të partisë në rrethe se: “Të gjithë të kenë hapësirë të bëjnë propozime. Procesi i riorganizimit, të mos zhvendos vëmendjen nga takimet me elektoratin. Rifreskoni anëtarësinë në secilën degë. Në mbledhjen e Kuvendit, në datat 28 dhe 29 prill, të jenë të pranishëm të gjithë që janë pjesë e Kuvendit”. Ndërkohë që kryetarët e degëve po raportojnë mbi rezultatin e analizës së humbjes së thellë të zgjedhjeve të 25 qershorit.

Pak ditë më parë Kryesia e PD vendosi që në fund të Prillit në datat 28 dhe 29 të mblidhet Kuvendi Kombëtar i partisë, ndërsa është ngritur një grup pune për kritikat dhe propozimet.

Disa përfaqësues të grupit të punës mësohet se kanë zhvilluar takime me disa nga kritikët e Bashës, Patozin dhe Boden, të cilët kanë hartuar platformën për ringritjen e PD.

l.h/ dita

March 16, 2018 18:30
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*