Mazhoranca mbledh sot kuvendin

February 26, 2019 09:47

Mazhoranca mbledh sot kuvendin

Konferenca e Kryetarëve të grupeve parlamentare në legjislativin shqiptar ka vendosur në mbledhjen e sotme që në orën 17:00 të zhvillojë një seancë plenare, me gjasë për të zëvendësuar atë të javës së kaluar, që u anulua për shkak të protestës së paralajmëruar të opozitës.

Në rendin e ditës së Konferencës së Kryetarëve ishte miratimi i kalendarit tre javor te punimeve te Kuvendit si edhe programi i punës se parlamentit.

Në këtë seancë pritet të votohet për miratimin e strukturave organizative të KLGJ-së dhe KLP-së, që ishin njoftuar për të enjten.

Seanca plenare do të jetë vetëm me deputetët e mazhorancës, pasi opozita e bashkuar, PD, LSI dhe aleatët e djathtë, kanë vendosur të djegin mandatet.

Opozita ka nisur një valë protestash me qëllimin për të shkuar drejt zgjedhjeve të parakohshme përmes krijimit të një qeverie tranzitore.

Deri më tani kundër vendimit të grupit, ka dalë deputeti i PD-së, Mylsim Murrizi dhe Lefter Koka i Lëvizjes Socialiste për Integrim, ndërsa ende është pezull vendimi i deputetes Rudina Hajdari.

o.j/dita

February 26, 2019 09:47
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*

Njoftim

Njoftim