Ky bunker bërthamor tani përdoret për të ruajtur filmat dhe muzikën ne SHBA

February 28, 2018 22:36

Ky bunker bërthamor tani përdoret për të ruajtur filmat dhe muzikën ne SHBA

 

Në Bibliotekën e Kongresit janë të depozituar më shumë se 160 milionë artikuj.

Këta artikuj përfshijnë 23 milionë libra dhe më shumë se 1.1 milion filma. Ata gjithashtu përfshijnë programe televizive dhe fotografi filmike që datojnë që nga viti 1890.

Ka gjithashtu 3.5 milion regjistrime audio të transmetimeve publike dhe muzikës.

Është në thelb një muze i historisë krijuese të SHBA.

Shumica e koleksioneve audio dhe video të bibliotekës ruhen në një bunker të Luftës së Ftohtë në ultësirën e maleve “Blue Ridge” në Culpeper, Virxhinia.

I njohur si Kampusi Packard i Qendrës Kombëtare të Ruajtjes Audio-Visuale, ai është objekti i fundit i magazinimit të arkivit të Bibliotekës së Kongresit.

Kampusi i Packard është përdorur gjithmonë si njësi magazinimi. Ajo u ndërtua në vitin 1969 si një depo e magazinimit të teknologjisë së lartë.

Bunkeri u dekomisionua sapo përfundoi Lufta e Ftohtë. Mbeti i braktisur për katër vjet përpara se Fondacioni i Davidit dhe Lucile Packard ta blejë atë në emër të Bibliotekës së Kongresit.

Pothuajse 240 milionë dollarë u shpenzuan për të transformuar bunkerin në objektin e magazinimit që është sot.

Ka 90 milje (145 km) hapësirë raftesh për ruajtjen e koleksioneve. Objekti i magazinimit përmban 6.3 milion artikuj duke përfshirë video dhe audio.

Gjithashtu ka 2.1 milion skripte mbështetës, postera dhe foto.

Arkivat tejkalojnë një milion gigabajt. 22,000 artikuj të rinj të botuar në SHBA mbërrijnë çdo ditë në Bibliotekën e Kongresit dhe 10,000 prej këtyre artikujve vendosen çdo ditë në arkiv.

Në ambientet e magazinimit ekziston edhe një teatër me 206 vende, i cili është i hapur për publikun.

Aty shfaqen filma me rëndësi kulturore pothuajse çdo ditë.

February 28, 2018 22:36
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*