Lacio fiton dhe shpreson ende për vendin e tretë

March 1, 2015 20:01

Lacio fiton dhe shpreson ende për vendin e tretë

Lacio mori një fitore të pastër, 3-0, ndaj Sasuolos , në fushën e kësaj të fundit, duke mbetur një prej rivaleve kryesore të Napolit për vendin e tretë.

Felipe Anderson, Miroslav Klose dhe Marco Parolo ishin autorët e tre golave për kryeqytetasit ndaj Sasuolos, e cila u tregua tejet e pafuqishme në këtë 90 minutësh.

Me këtë tre pikësh, Lacio shkon në kuotën e 43 pikëve, dy më pak se Napoli i vendit të tretë, i cili do të ndeshet në mbrëmje me Torinon.

Të dielën u luajtën edhe 3 sfida të tjera të javës së 25-të të Serisë A, ku Atalanta u mposht 1-2 nga Sampdoria, Cezena fitoi në fushën e saj 1-0 ndaj Udineses, ndërsa Palermo-Empoli përfundoi pa gola.

March 1, 2015 20:01
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*