Lazarati, Didi: Policia kontrolle të zonës si në çdo rreth tjetër të vendit

Lazarati nuk është një zonë e ndaluar për Policinë e Shtetit, pasi uniformat blu hyjnë dhe dalin në Lazarat, duke kryer funksionin si në çdo rreth tjetër të vendit.

Një qëndrim i tillë erdhi sot nga Drejtori i Policisë së Shtetit, Artan Didi, i pranishëm aktivitetin e organizuar në Korcë me rastin e çeljes së fushatës kundër dhunës në familje.

Sipas tij, Policia e Shtetit është më efektive në ndërhyrjet e saj, duke nënvizuar edhe bashkëpunimin e mirë me vendorët për të rritur besimin e qytetarëve.

Gjithashtu,  Didi gjithashtu theksoi se policia ka bërë një punë të mirë duke shtrirë kontrollet në Lazarat, por jo në të gjithë territorin e tij në zonat e thella, sepse ka edhe shumë zona të tjera ku policia do të ushtrojë kontrollin e saj.