Lefter Koka: Kërkesa e Ramës, qesharake, Basha po bën turpin e dynjasë

June 12, 2017 16:33

Lefter Koka: Kërkesa e Ramës, qesharake, Basha po bën turpin e dynjasë

 

Ministri i Mjedisit, Lefter Koka sulmoi sot Edi Ramën, duke i kujtuar se ai ka drejtuar i vetëm këto 4 vite.

Koka akuzoi edhe kreun e PD, Lulzim Basha, duke thënë se se arsyeja që nuk e ngre më shqetësimin për kanabizimin e vendit është pakti me Ramën.

“Më vjen keq, sepse gjatë gjithë kësaj periudhe kam qenë anëtar i kabinetit dhe sigurisht kam parë se si dhe sa Kryeministri e ka mundësinë për të drejtuar vendin, dhe më duket qesharake sot të thuash kërkoj timonin i vetëm. Sepse një kryeministër i vetëm është kur drejton.” – u shpreh Koka për Ramën.

Më pas, ministri i Mjedisit iu kthye Bashës. Sipas kandidatit të LSI-së për deputet në qarkun e Durrësit, Basha, ndonëse qëndroi 3 muaj në çadër, tashmë nuk e shqetëson më fenomeni i kanabisit.

Nga Spitalla, ministri tha se i vetmi “hall” i Bashës tashmë është të rizgjidhet kryetar i PD-së.

“Më duket po aq qesharak kryetari opozitës, z.Basha, ku qëndroi për 3 muaj në çadër, ku pati disa arsye objektive për të patur frikë për të shkuar në zgjedhje sepse vendi që mbushur me kanabis. Për habinë e të gjithëve Basha nuk e ka më këtë shqetësim. Pra, të bësh një pakt, Basha ka një hall dhe të vetëm që të rizgjidhet prapë kryetar i opozitës dhe këtë ndihmë për turp të dynjasë ja kërkon Ramës. Dhe Rama që i kërkon Bashës që po pata nevojë për ndonjë deputetë diversant që mund të kesh te lista jote, të më kalojë dhe të bëhem unë Kryeministër nesër. Është një gjë që kodi elektoral nuk të lejon as Ramën as Bashën ta bëjnë dot qeverisjen.” – deklaroi Lefter Koka.

June 12, 2017 16:33
Komento

7 Komente

  1. Abdurahim Ashiku June 12, 17:34

    PANARITI, KOKA, RAMA.L DHE… HASHASHI NË DERË TË RAMËS.E

    Mendim
    LSI, dalë nga mitra e begatë e Partisë Socialiste, me zë e figurë impulsive të ish kryetarit- tash president, të kryetarit, të zëvendësit e të zëvendësve… slogan fushate ka “hashashin” e Ramës dhe të “policisë” së Ramës e Tahirit, akuza të egra a thua se vijnë nga planet tjetër, a thua se ata nuk janë pjesë e bashkëqeverisjes “Rilindja”, a thua se tokën e Shqipërisë, fushat dhe malet, tokën e bukës dhe pyjet e kullotat, nuk i kanë ata nën administrim ku në to mbillet e rritet kanabisi.
    Hashashin LSI-e ka hedhë në portat e PS me britma histerike…
    Më çudit fakti se asnjë analist, asnjë gazetar në studiot televizive nuk i pyet për përgjegjësinë për kultivimin e bimëve kudo, në të katër anët e vendit.
    Nuk i pyet për këtë as Edi Rama…
    Po pyes unë me një shënim paksa të gjatë…
    Kush e mbjell dhe kujt i mbetet në derë hashashi?
    Në një vjetar statistikor që kam me vete në mërgim, vërej se hapësira bujqësore ku kultivohen bimët në shërbim të jetesës së çdo shqiptari i kalon të shtatëqind mijë hektarët me një mesatare 0.217 hektarë për çdo banor, matur kjo me të dhënat e vitit të fundit të kohës së diktaturës.
    E vogël kjo për një popullsi prej më se tre milionë banorësh në atë kohë.
    E njëjta gjë mund të thuhet edhe për sipërfaqen pyjore të Shqipërisë, sipërfaqe që i kalon të një milionë hektarët.
    Është i njohur kolapsi që ka pësuar bujqësia shqiptare në këtë një çerek shekulli, copëtimi i tokave në ngastra ku më nuk bëhet fjalë për traktorë, makina mbjellëse e korrëse, autokombajna e të tjera. Shkatërrimi në themel i sistemit kullues e ujitës e nxori në “të thatë” bujqësinë e rendimentet e saj në kulturat bujqësore zbritën në kufijtë e viteve 50-të.
    E vetmja dritë mbi një pjesë tepër të kufizuar të bujqësisë shqiptare ishin serat diellore, sera që erdhën pas shkatërrimit në themel të serave diellore e me ngrohje qendrore, çka, me gjithë vështirësitë që hasën kultivuesit për shkak të indiferentizmit shtetëror për farëra të cilësisë së lartë (institutet e misrit, orizit, duhanit, perimeve, patateve, vreshtave, agrumeve, ullinjve… u rrënuan ), për shkak të mos mbështetjes financiare të fermerëve e të tjera mbijetuan dhe i dhanë emër tregut të vendit e eksporteve.
    Pyjet, si në asnjë vend tjetër, u prenë dhe u rrënuan në mënyrën më barbare të mundshme dhe, pas afro një çerek shekulli harrese u kujtuan për të vendosur një “moratorium”, një arrën të zezë qepur mbi copë të bardhë.
    Këto janë thënë e stërthënë, por ajo që nuk është thënë dhe çuditërisht as Rama, as zëri më kritik në partinë e tij, Erioni i Vogël nuk e kanë thënë dhe çuditem pse nuk e thonë me gojë plot.
    Sipërfaqet e përmendura më sipër, të tokës së punuar dhe të pyjeve janë në administrim të Ministrisë së Bujqësisë dhe të Ministrisë së Pyjeve, në administrim të dy ministrave të Lëvizjes Socialiste për Integrim, LSI, ministra dhe staf i tyre në fuqi.
    Në këto sipërfaqe, jo në det ku kontrollon policia e as në ajër ku kontrollojnë helikopterët civilë e ushtarakë të Shqipërisë, Italisë apo të ndonjë force ajrore evropiane, mbillet hashash, cannabis sativa.
    E çuditshme është se gjatë tre viteve të fundit nuk është thënë asnjë fjalë për përgjegjësitë e dy ministrive dhe të dy ministrave, të Panariti dhe të Kokës.
    Nuk thuhet as tani kur po flitet për zgjedhje kuvendare e për një hapësirë të re për Shqipërinë Evropiane.
    Nuk po thuhet as në fushatë ku shigjetave e kritikave dhe vetë mburrjeve janë kryqëzuar si në beteja antike kalorësish teutonë.
    Faji është hedhur vazhdimisht mbi policinë, madje edhe mbi forcat e armatosura që duhet të lënë mënjanë mbrojtjen kombëtare dhe të shpërndahen fushave, kodrave e maleve për të shkulur e djegur hashashin.
    Nuk e kemi dëgjuar asnjëherë në ndonjë konferencë shtypi, në intervista apo në FB ministrin Panariti të flasë për hashashin në tokën në administrim të tij e të partisë që e ka vënë në krye.
    E keni dëgjuar?
    Unë jo.
    Nuk e kemi dëgjuar të dalë publikisht ministrin Koka të na flasë për ngastrat tepër të mëdha në numër të mbjella me hashash nga jugu në veri të Shqipërisë.
    E keni dëgjuar?
    Unë jo.
    Si Ministria e Bujqësisë po ashtu edhe Ministria e Pyjeve, Panariti dhe Koka si drejtues kanë një strukturë piramidale nëpunësish nga qendra në bazë me një numër të madh specialistësh e rojtarësh sa po ti krahasosh me policët e Ministrisë së Brendshme apo ushtarët e Ministrisë së Mbrojtjes, funksioni i të cilëve është krejt tjetër, diferencat janë të mëdha.
    Panariti ka nën vartësi, u paguan rrogat, dietat dhe shërbimet e tjera administrative 60 drejtorive bujqësore në të gjitha bashkitë dhe në 12 qarqet e vendit. Nuk ka qendër administrative (ish komunë) që të mos ketë në organikë agronomë, veterinerë e punonjës të tjerë të sistemit të bujqësisë.
    Koka ka në vartësi drejtoritë e pyjeve të 60 bashkive dhe 12 qarqeve të vendit ashtu siç ka specialistë të pyjeve me arsim të mesëm apo të lartë, rojtarë pyjesh në çdo hapësirë pyjore në të gjithë Shqipërinë…
    Kemi parë ekraneve të vegjël kombëtarë e vendorë, tokësorë e satelitorë, gjatë gjithë lajmeve e kronikave televizive të ditës e të natës, policë të lodhur e të djersitur tek presin bimët e mëdha të kërpit, foto portrete e foto kolektive, në formacione të thjeshta e luftarake, me fytyra të pastra sa dallohen se kush janë.
    Por, nuk kemi parë specialistë të bujqësisë e të pyjeve në hyqmin e Ministrisë së Bujqësisë dhe Ministrisë së Pyjeve, të Panaritit e të Kokës që të marrin pjesë qoftë edhe në një operacion të vetëm zbulimi të fidanishteve të kultivimit në kubikë të bimëve, në një operacion të vetëm të shkuljes, prerjes, djegieve të kanabisit rritur në territorin e tyre.
    Nuk kemi parë e dëgjuar as ministrin Panariti e Koka të kapin me “kanabis në duar” e të denoncojnë shkelësit e ligjit në “pronën politike të tyre”, kultivimin e bimëve narkotike.
    Ju keni parë?
    Unë jo.
    E gjithë kjo armatë bujqësore-pyjore, nuk mund të luante rolin e shurdhit e të qorrit në historinë e përhapjes në të gjithë territorin bujqësor e pyjor të vendit, të mbjelljes, kultivimit, ujitjes, korrjes, përpunimit etj., të kërpit apo të bimëve të tjera narkotike të ndaluara.
    Nuk mund të luante, por në fakt e ka luajtur në qetësinë e njeriut që shullëhet në diell.
    Në mos, me dijet shkencore që të ofron profesioni i agronomit apo i inxhinierit të pyjeve, ka ndihmuar që bima e cannabis-it të rritej “dy bojë burri” e lartë.
    Heshtja, memecëria “lart”, për një problem kaq të madh, është “mbjellë dhe kultivuar” më së miri “poshtë” në ato përmasa sa me të drejtë thuhet sa kanabisi, marihuana etj. tashmë është “shqiptare”.
    Mbase me të vërtetë është “shqiptare” kur “arat e politikës” i kultivojnë ata si në oborrin e përparmë të shtëpisë së tyre.
    Në përfundim do të thosha se të nesërmen e 26 qershorit do të ishte më e drejtë që në betejën kundër bimëve narkotike të ndaluara (duhani është bimë narkotike por nuk është i ndaluar) të hartohej një ligj ku të ndaheshin përgjegjësitë penale e shoqërore, ku sistemi i bujqësisë dhe pyjeve të mbajë përgjegjësinë për mbjelljen dhe kultivimin e tyre, sistemi i policisë dhe i shërbimit shtetëror të mbajë përgjegjësinë për trafikimin e bimëve të gatshme për treg në kontroll të rrugëve tokësore, ujore e ajrore, shteti të mbajë nën kontroll të gjithë e për gjithçka.
    Mos harroni se duhani, në fillimet e përdorimit të tij (me tymosje, me mbllaçitje dhe bërrnut), ka qenë kaq i anatemuar sa përdoruesi, kur e vendosnin për ta djegur në turrë të druve, si kërkesë fundjete kishte “Ta ndez edhe njëherë”…
    Edhe kanabisi këtë rrugë do të ndjekë.
    Deri atëherë kërkohet të mbahet nën kontroll derisa të futet në të njëjtin kanal me pjesëtarin e familjes së tij, duhanin, tash pije e përbotshme.
    Abdurahim Ashiku
    Athinë, 11 qershor 2017

    Reply to this comment
  2. I MASHTRUARI June 12, 17:43

    Po ju , cfar djallin bete 4 vjet , duke pasur gjysmen e qeverise , nje mori me drejtori nga me kryesoret dhe kreun e parlamentit ?! Apo nuk kishit para e flori , nga thesdari i vjedhur i shtetit ?!Ti , je thjesht nje qefli karrikesh ministri , pa as me te voglen prirje drejtuese , pervec vjedhjes ! Dhe , duhet thene , se ti , je “me i miri” i gjithe plehrave dhe maskarenjve qe ka mbledhur LSI-ja , me ne krye banditet Meta-Kryemadhi ! Ju e kini penguar E.Ramen per reformat dhe kini bashkepunuar nen rogoz me S.Berishen . Jini ju , qe e futet dhe e mbajtet per tre muaj ne cader PD-ne me joshjet qe i benit , duke kerkuar t`ia dorzonte pushtetin banditit me bllok ne dore ,
    (Ilir Metes),ne tavoline , para se te mbyllte mandatin . Kete e kane kuptuar me kohe edhe femijet , por juve fshiheni prapa gishtit ! Rrace e ndyre , qe te ngjall neveri e meritoni te peshtyheni publikisht !

    Reply to this comment
    • fredi June 12, 20:46

      Kur u be dhe ky minister, duhet te ishte ne burg prej vitesh, sebashku me te vellane.
      Ka dhe goje e flet … nje keshille, stia zitto, pse duhet te ishe ne burg.

      Reply to this comment
  3. Epidamus June 12, 18:56

    I pari qe duhet te largohet nga politika je ti lefter koka qe e beri durresin si prona e babes.

    Reply to this comment
  4. Hajdut banke shoku i Full-hajnit. June 12, 19:05

    O Lefter o hunderr, o Shabon Qosja e mbarove shkollen e Larte pra Universitetin, ose me mire a t’a sollen ne zyre Diplomen, o toc qe nuk di as te shkruash e as te lexosh, kerkon te japesh edhe mend dhe te akuzosh.
    Je pjese e Klanit te Zemunit ti, yt vella Nari, Agroni dhe Armado Duka jeni pjelle e se keqes, jeni ne kerkim Nderkombetar, pisa.

    Reply to this comment
  5. Adih June 12, 22:30

    O Lefter , mua do me vinte turp tme hipte mend Monka e kryemadhi e likes . Qofsh ti o i mjere ,qe mer detyra nga ajo ….Nuk kam ca te keshilloj me o Lefter i mjere per nje cike karrige . U shofshi qe te gjithe me soj e sorollop ,se nuk i duheni as edhe djallit …

    Reply to this comment
  6. Visari June 13, 13:32

    te zhduket LSI nga skena politike qe te beje hajer Shqiperia

    Reply to this comment
Shiko komentet

Komento

Your e-mail address will not be published.
Required fields are marked*