Legjenda e Herkulit: Kush ishte heroi i mitologjisë greke dhe romake

July 4, 2017 14:23

Legjenda e Herkulit: Kush ishte heroi i mitologjisë greke dhe romake

 

Herkuli (i njohur në greqisht si Herakles) është një nga heronjtë më të njohur në mitologjinë greke dhe romake. Jeta e tij nuk ishte e lehtë, ai duroi shumë sprova dhe realizoi detyra shumë të frikshme, por shpërblimi për vuajtjet e tij ishte një premtim se ai do të jetonte përgjithmonë në mes të perëndive në malin Olimp.

Jeta e hershme

Herkuli kishte një pemë familjare të komplikuar. Sipas legjendës, babai i tij ishte Zeusi, sundimtar i gjithë perëndive në malin Olimp dhe gjithë njerëzve në tokë, dhe nëna e tij ishte Alcmene, mbesa e heroit Perseu. (Perseu, thuhet të jetë një nga bijtë e Zeusit).

Hakmarrja e Hera-s

Herkuli kishte armiq edhe para se të lindte. Kur gruaja e Zeusit, Hera, e mori vesh se e dashura e bashkëshortit të saj ishte shtatzënë, ajo u çmend. Në fillim ajo përdori fuqitë e saj të mbinatyrshme për të parandaluar Herkulin që të bëhej sundimtar i Mikenës (edhe pse Zeusi kishte deklaruar se djali i tij do të trashëgojnë mbretërinë mikenase) .

800px-Herakles_snake_Musei_Capitolini_MC247

Pasi Herkuli lindi, Hera dërgoi dy gjarpërinj për ta vrarë atë. Që foshnje Herkuli ishte jashtëzakonisht i fortë dhe i patrembur, megjithatë, dhe ai i mbyti gjarpërinjtë para se ata ta mbysnin atë. Por Hera nuk i përdori të gjitha truket e saj të pista.

Kur Herkuli u rrit, ajo i bëri një magji atij duke e çmendur, dhe kështu ai vrau bashkëshorten dhe fëmijët e tij. Fajtor dhe zemërthyer, Herkuli takoi Apollon, Zotin e të së vërtetës dhe shërimit, dhe iu lut atij të dënohej për atë çfarë kishte bërë.


Disa nga punët heroike të Herkulit

Apollo e kuptoi që krimi i Herkulit nuk ndodhi për faj të tij, pasi veprimet hakmarrëse të Herës nuk ishin sekret tashmë. Dhe për këtë ai urdhëroi Herkulin të kryente 12 punë heroike për mbretin mikean Euristeu.

Hercules_Musei_Capitolini_MC1265_n2

Nëpërmjet këtyre punëve ai do të falej dhe do të arrinte pavdekësinë.

1 – Luani i Nemeas

Në fillim Apollo e dërgoi Herkulin në kodrat e Nemeas për të vrarë një luan që terrorizonte njerëzit e rajonit. Herkuli e mbyti atë në shpellë.

2 – Gjarpri i Lernas

Më pas, Herkuli udhëtoi në qytetin e Lernas për të vrarë Hidrën me 9 koka, një lloj gjarpri helmues që jetonte nën ujë.

3 – Derri në malin Erymanthus

Herkuli përdori një rrjetë gjigande për të kapur derrin e egër që hante njerëz në malin Erymanthus.

4 – Drenusha e Artë

Më pas Herkuli nisi misionin për kapjen e kafshës së shenjtë të perëndeshës Diana, një drenushë të artë.

5 – Plehrat e Augeas

Detyra e pestë e Herkulit ishte të pastronte të gjitha plehrat nga stallat e mëdha të mbretit Augeas.

6 – Zogjtë stimfalianë

Misioni i radhës ishte udhëtimi në qytetin Stimfalian dhe të largonte kopenë e madhe të zogjve mishngrënës.

7 – Demi i Kretës

Herkuli shkoi në Kretë për të kapur një dem të inatosur që kishte sulmuan gruan e mbretit në atë ishull.

8 – Kuajt e Diomedës

Detyra e radhës së Herkulit ishte kapja e 4 kuajve të mbretit trakian Diomeda.

9 – Rripi i Hipolitës

Detyra e 9 ishte e komplikuar: vjedhja e një rripi të blinduar që i përkiste mbretëreshës së amazonës Hipolite.

10 – Bagëtia e Gerion

Herkuli u dërgua në Afrikë për të vjedhur bagëtinë e monstrës me 6 këmbë Geruon. Hera bëri çdo gjë për ta parandaluar por nuk arriti.

11 – Mollët e Hesperidit

Në misionin e 11, Herkuli u dërgua për të vjedhur dhuratën e martesës që Zeus ii kishte bërë Herës: një grup mollësh të arta.

Vienna-_hercules_cerberus12 – Cerberus

Për sfidën e tij të fundit, Herkuli udhëtoi në Hades për të rrëmbyer Cerberus-in, një qen me tre koka.


Pavdekësia

Pas përmbushjesh me sukses të të gjithë misioneve pavarësisht përpjekjeve për ta ndalur, Herkuli arriti të fitojë pavdekësinë.

Ai arriti të shpëtojë edhe princeshën e Trojës, të luftojë për kontrollin e malit Olimpus. Sipas legjendave, ai e shpenzoi pjesën tjetër të jetës me Zotat.

July 4, 2017 14:23
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*