Letra e ambasadorit në OKB për Berishën: Mos merrni muxhahedinë

March 13, 2016 10:58

Letra e ambasadorit në OKB për Berishën: Mos merrni muxhahedinë

Ish­-ambasadori i Shqipërisë në Organizatën e Kombeve të Bashkuara, Sejdi Qerimaj, në një korrespondencë të zhvilluar me ish-kryeministrin Sali Berisha në vitin 2012, i sugjeron atij që për Shqipërinë është më mirë të japë ndihmë financiare sesa të strehojë përfaqësues të opozitës iraniane.

Në kopjen e siguruar nga “Panorama” të kësaj korrespondence, ambasadori i OKB­-së informon ish­kryeministrit Berisha lidhur me dy takime të zhvilluara në Gjenevë, në kuadrin e përpjekjes për gjetjen e zgjidhjes për rezidentët e Kampit “Ashraf” në Irak. Sipas kësaj korrespondence, më 15 mars 2012, ambasadori Qerimaj ka zhvilluar një takim me Volker Türk, drejtor i Departamentit për Mbrojtjen Ndërkombëtare pranë Komisariatit të Lartë për Refugjatët (UNHCR), ku edhe iu kërkua që Shqipëria të marrë një grup refugjatësh, të pranojë vendosjen e një platforme të përkohshme shpë­ rndarjeje dhe të japë një ndihmë financiare për projektin e UNCHR­-së.

Ndërsa në një tjetër takim të organizuar më 23 mars 2012 nga UNCHR, ku merrnin pjesë edhe përfaqësues të 30 vendeve të tjera të botës, ambasadori i Shqipërisë në OKB, në fjalën e tij theksoi se vendi ynë po shqyrtonte të gjitha mundësitë për dhënien e kontributit të tij në gjetjen e zgjidhjes përfundimtare të këtij problemi.

Në fund të korrespondencës, ambasadori Qerimaj i sugjeron ishkryeministrit Berisha se dhënia e një ndihme financiare, edhe modeste, do të mjaftonte si kontribut i Shqipërisë në përpjekjet për gjetjen e zgjidhjes përfundimtare të këtij problemi. Pavarësisht kësaj, ish­kryeministri Berisha, pas konsultave dhe dakordësisë me SHBA, pranoi që në vendin tonë të strehoheshin përfaqësues të opozitës iraniane.

LETRA E PLOTË E AMBASADORIT NË OKB PËR BERISHËN

Nr.Prot.143 Gjenevë, më 26 mars 2012

Lënda: Mbi çështjen e disidentëve iranianë, rezidentë të Kampit Ashraf

Drejtuar: SH.T.Z. Sali BERISHA Kryeministër i Republikës së Shqipërisë

I nderuar Zoti Kryeministër, Më lejoni t’Ju drejtohem për t’Ju informuar mbi dy takime të zhvilluara në Gjenevë, në kuadrin e përpjekjes për gjetjen e zgjidhjes për rezidentët e Kampit Ashraf në Irak*. *Sqarim: Në qershor 2008, Qeveria e Irakut ka vendosur mbylljen e Kampit në Ashraf, ku jetonin rreth 3 200 disidentë iranianë që prej viteve 1980. Në vitin 2011, Qeveria e Irakut vendosi të zgjasë afatin e mbylljes së Kampit deri më 30 prill 2012. Në shtator 2011, pranë UNHCR­së u përcollën rreth 3 246 aplikime për statusin e refugjatit nga Kampi Ashraf. Kampi është në proces për t’u zhvendosur në zonën e Aeroportit të Bagdatit, në ish­kazermat e ushtrisë amerikane, si fazë e fundit për gjetjen e zgjidhjes përfundimtare jashtë Irakut. Së pari, më 15 mars 2012, ambasadori ynë pranë Zyrës së OKB­së në Gjenevë priti në një takim z. Volker Türk, drejtor i Departamentit për Mbrojtjen Ndërkombëtare pranë Komisariatit të Lartë për Refugjatët (UNHCR), me kërkesën e tij. Drejtori Türk i shprehu falënderimet e tij Shqipërisë për ndihmën e dhënë në vazhdimësi për UNCHR­në (citoi rastin e marrjes së të liruarve nga burgu i Guantanamos) dhe kërkoi shqyrtimin e mundësisë nga ana e Qeverisë shqiptare për: 1. marrjen e një grupi refugjatësh, 2. pranimin e vendosjes së një platforme të përkohshme shpërndarjeje, 3. dhënien e një ndihme financiare për projektin e UNCHR­së, Ambasadori Qerimaj e garantoi z. Turk se do t’i përcillte pranë autoriteteve shqiptare kërkesat e UNCHRsë dhe se Qeveria e vendit tonë do të shqyrtonte të gjitha mundësitë për të marrë pjesë në gjetjen e zgjidhjes përfundimtare të këtij problemi. Së dyti, në datën 23 mars 2012, ambasadori ynë pranë OKB­së, z. Sejdi Qerimaj, mori pjesë në takimin e zhvilluar nga UNHCR­ja për gjetjen e strategjive për zgjidhjen e çështjes së ish­rezidentëve të Kampit Ashraf në Irak. Në këtë takim, në të cilin merrnin pjesë edhe znj. Erika Feller, zv.komisare e Lartë për Refugjatët; z. Martin Kobler, përfaqësuesi special i Sekretarit të Përgjithshëm të OKB­së për Irakun, si dhe ambasadorë e përfaqë­ sues të rreth 30 vendeve të ftuar nga komisioneri i Lartë për Refugjatët, z. Antonio Gutierrez. Për të diskutuar për gjetjen e zgjidhjes për rezidentët e Kampit Ashraf. Ambasadori ynë, z. Qerimaj, e mori fjalën në këtë takim dhe u shpreh se Qeveria shqiptare do të shqyrtonte të gjitha mundësitë për dhënien e kontributit të saj në gjetjen e zgjidhjes përfundimtare të këtij problemi. Vetëm dy nga 30 përfaqë­ suesit e vendeve dhe organizatave humanitare, pjesëmarrëse në këtë takim, premtuan ndihmë konkrete: përfaqësuesi i SHBA­ve, z. Dan Fried premtoi një ndihmë prej 7 milionë USD, ndërsa Italia premtoi një ndihmë prej 300.000 eurosh për këtë projekt. Në fund të takimit, znj. Erika Feller, zv.komisare e UNCHR­së dhe z.Martin Kobler, përfaqësuesi special i Sekretarit të Përgjithshëm të OKB­së për Irakun, falënderuan përfaqësuesit e SHBA­ve, Italisë dhe Shqipërisë për gatishmërinë e shprehur për të ndihmuar projektin për gjetjen e zgjidhjes së rezidentëve të Kampit Ashraf. Mendimi ynë Shumë pak shtete kanë shprehur dëshirën për të marrë refugjatë nga ky grup. Kjo vjen për shkak të veprimtarisë së tyre të mëparshme, që kishte çuar në përfshirjen e këtij grupi në listën e grupeve terroriste nga SHBA­të dhe BE­ja. Dhënia e një ndihme financiare, edhe modeste, do të mjaftonte si kontribut i Shqipërisë në përpjekjet për gjetjen e zgjidhjes përfundimtare të këtij problemi.

Duke ju falënderuar për bashkëpunimin,

Ambasadori Sejdi Qerimaj/Panorama

March 13, 2016 10:58
Komento

3 Komente

  1. Benoni March 13, 13:09

    Ky Berisha e Rama bashke, duhen burgosur. Per sjelljen e muxhahedineve. Asnje shtet nuk i merr. Jo se jane me te ndershme qeverite atje. Por sepse atje ka popull qe i ve drune qeverise. Ketu keta kane gjatur kete popull partiak qe ja duron maskaraden ne emer te partive. Vetem kur ti rrasim ne burg per tradhetar interesash kombetare, atehere do kemi qeveri te pergjegjshme dhe Kryeminister qe nuk ja mban bytha prej frikes popullore te behet kurva i te huajve.

    Reply to this comment
  2. Raimond vlonjati March 13, 19:01

    Ashtu esht . Berisha dhe Edi Rama duhen cuar ne ndjekje penale per sjelljen e muxhahedineve ne Shqiperi

    Muchahedinet ane teroriste te rezikshem dhe do i bejn gjemen Shqiperise ne te ardhmen , ndaj duhet ngritur gjith populli kunder tyre ne menyre qe te kargohen edhe ata qe jane aty ne Shqiperi dhe ne asnje menyre te mis lejohen te vijne te tjeret

    Duhet qe intelektualet , shoqatat e ndryshme te ngrene popullin ne protesta qe te mos lejohet ardhja e muxhahedineve

    Ne nuk jemi asnje lloj pune me ta , ndaj te mos pranohen dhe perzihen jasht Shqiperis edhe ata qe jane aty

    Shqiperia nuk i ka mjetet logjistike dhe as eksperiencen e duhur per keto raste ekstreme

    Aty ja shtete siper moderne perendimore dhe nuk marin persiper strehimin e ketyre teroristeve , mirpo na del Sali maloku qe esht nje deficent i shkalles siperore dhe na ben kopetentin per te zgjidhur krizat globale te ketij planeti

    Nje mut muti e nje lopcar si Sala qe krijoi nje shtet me industri zero , bujqesi zero , ushtri zero me xhufke , me te cilin tallen fqinjet , po na dalka si Skenderbeu per te shpetuar boten

    Dhe pastaj ketij Don Kishoti , Sali berish i shtohet sharlatani kaur Edi Rama qe per te shpetuar ato 200 milion dollare qe ja permendi OSBE esht gati te shesi gjithe Shqiperin

    Duhet te ngrihen te gjithe proteste kunder strehimitbte muxhahedineve ne Shqiperi

    Kete Shqipeti qe kemi e jane krijuar gjysherit tane lufte te eger me Amerikanet , anglezet , greket , serbet , ruset dhe kunder kujtedo

    Shqiperin qe kemi nuk ja kemi askujt borxh , pavaresisht se cfar thone servilet e anglo amerikaneve
    Ndaj per interesat tona nuk duhet te pyesim askend por vec popullin tone

    Reply to this comment
  3. Luan Rukaj March 13, 20:42

    Tradhëtia e radhës e dy ortakëve antishqiptarë sali berisha dhe edi rama në marveshje me njëri tjetrin i ngulin thikën pas shpine Shqipërisë me pasoja shumë të rënda që kejojnë ardhjen e muhaxhedinëvë në vëndin tonë.

    Reply to this comment
Shiko komentet

Komento

Click here to cancel reply.

Your e-mail address will not be published.
Required fields are marked*