LETRA II / Rama i shkruan sërish Bashës: Gati të takohem ose debat televiziv

July 17, 2016 11:20

LETRA II / Rama i shkruan sërish Bashës: Gati të takohem ose debat televiziv

 

Kryeministri Rama paraditen e së dielës i ka shkruar një tjetër letër kryetarit të PD-së.

Pasi ka marrë përgjigje negative për letrën e parë, Rama ka ftuar Bashën në një debat publik në një televizion për të rrahur mendimet rreth Reformës në Drejtësi.

 

 

****

Nga Edi Rama

“Zoti Rama, Lëri letrat e hapura dhe shfaqjet publike. Reforma në drejtësi kërkon seriozitet dhe impenjim, jo tallje e as manovra politike. Propozimi ynë bazohet 100% tek rekomandimet e Venecias, të cilat PD dhe PS i kanë pranuar si udhërrëfyesin e vetëm. Autorizo negociatoret e PS ti rikthehen negociatave për zgjidhje. Negociatorët e PD janë, sic e dini, të gatshem që sot.”

Zoti kryetar i PD,

e lexova me keqardhje dje këtë reagim destruktiv Tuajin ndaj letrës sime publike dhe lejomëni t’Ju rikujtoj publikisht se propozimi “i bazuar 100% tek rekomandimet e Venecias” jo vetëm nuk njihet si i tillë nga SHBA/BE, po është refuzuar kategorikisht dhe publikisht prej tyre.

Si mund ta pranojë qeveria e këtij vendi një “zgjidhje” të papranueshme për SHBA/BE, e cila hedh në erë themelet e Reformës në Drejtësi dhe hap një hendek të pakapërcyeshëm në rrugën e Shqipërisë drejt çeljes së negociatave për anëtarësim në Bashkimin Europian?!

Si dhe çfarë mund të negociojnë negociatorët sipas Jush, për sa kohë PD nuk lëviz nga ky propozim, që ka si kusht përjashtimin de facto të Operacionit Ndërkombëtar të Monitorimit në procesin e pastrimit të sistemit nga gjykatësit e prokurorët e korruptuar?!

Si ka mundësi që pasi ka shterruar gjithë uji i Venecias, Ju të bëni shurdhin kryeneç ndërkohë që kambanat e alarmit për Shqipërinë bien nga të katër anët, e të përsërisni nga bunkeri ku jeni kyçur bashkë me Partinë Demokratike, të njëjtën kërkesë të papranueshme për të gjithë?!

I dashur Lulëzim,

thirrini mendjes, çlirohuni nga frika prej Reformës në Drejtësi dhe mos viktimizoni, për llogari të një grushti të korruptuarish, një popull të tërë që ka sot të drejtën e tij sovrane për të marrë mbrapsht, hakun e ngrënë 25 vjet me radhë nga të inkriminuarit që mbajnë peng drejtësinë në Shqipëri!

Ju kam propozuar të na paraqisni çdo ndryshim të dëshiruar që mund të gjejë dakordësinë e SHBA/BE dhe do ta pranojmë e do ta votojmë pa lëvizur asnjë presje. Ky propozim është shumë serioz dhe mbetet në fuqi deri në oren 10.00 të datës 21 korrik, kur ne do të hyjmë në sallën e Kuvendit për të votuar reformën.

Unë jam gati të takohem me Ju që nesër për të diskutuar ballë për ballë në kërkim të zgjidhjes së këtij ngërçi absurd. Madje jam gati, që nesër, të debatojmë edhe përpara shqiptarëve, në çdo format televiziv të pranueshëm për Ju, mbi pikën që ndan jo thjesht qëndrimet tona, po qëndrimet Tuaja, të Partisë Demokratike, me qëndrimin e unifikuar të shumicës sonë qeverisëse, të Shteteve të Bashkuara e të Bashkimit Europian.

Koha vrapon sfida është historike!

Edi Rama

 

July 17, 2016 11:20
Komento

2 Komente

  1. korçari July 17, 12:30

    O Edi Rama po kalon limitet e miresjelljes dhe te mundesive per te bindur te pabindurit ,po behesh qesharak ne syte e shqiptareve me se fundmi nqs nuk kalon reforma shko ne zgjedhje te parakoheshme dhe te jesh i sigurte se do te fitosh duke pastruar njekohesisht dy WC PD-dhe LSI populli i ka syte ne balle dhe mendte ne koke per te votuar drejtimin e duhur megjithese duhet pranuar se je i vonuar jo ne pak reforma dhe je treguar shume pasiv atje ku nuk duhet ,sot per sot je e keqja me e vogel per shqiptaret

    Reply to this comment
  2. odin July 17, 16:02

    Lul do te hysh ne Venecia apo BE. Do aleate Venecian apo BE dhe Ameriken?

    Reply to this comment
Shiko komentet

Komento

Your e-mail address will not be published.
Required fields are marked*