Lëvizja “Patozi” në fakt po favorizon Lulin!

July 17, 2017 12:18

Lëvizja “Patozi” në fakt po favorizon Lulin!

 

Shkriu dhe Poli i Veriut,
miliona vjet i ngrirë,
po vetëm Lulashi ynë,
në këtë vapë nuk ka shkrirë!

Le t’i flasi kush të dojë,
Luli asnjë nuk dëgjon,
në fakt “lëvizja Patozi”,
“pa dashur” po e ndihmon!

Ata s’janë kundra Lulit,
po janë kundër procesit,
po kjo Lulin s’e pengon,
të mbushi gjysmën e thesit!

Sepse besnikët e Lulit,
që të gjithë do votojnë,
dhe të gjithë anti Lulët,
zgjedhjet do t’i bojkotojnë!

Këta mund të jenë shumica,
përkrahës të firmëtarëve,
po kjo s’do mësohet dot,
pa listën e gjithë anëtarëve!

Lista është aset i Lulit,
dhe mbahet tepër sekret,
po njëqind e ca mijë veta,
ajo kurrë s’mund të ketë!

Në zgjedhje do të votojë,
veç një pjesë e istikamit,
por gjithë votat e bojkotit,
mund t’i kalonin Selamit!

Në krahasim me Lulashin,
Selami është super vlerë,
po nga grupi i mocionistëve,
Selami quhet i blerë!

Ndeshja s’është e barabartë,
si gjithnjë në këto male,
po Selami fill i vetëm,
sot po bën një garë reale!

Sot po bën një garë reale,
qytetare dhe të qetë,
dhe ndryshe nga shumë të tjerë,
është një njeri që s’bërtet!

Selami i moderuar,
duket-vjen nga tjetër Botë,
këtu pëlqehen bërtitësit,
se quhen liderë të fortë!

Patozi nisi lëvizjen,
me tri-katër firmëtarë,
dhe i ka të gjitha shpresat,
tek Kuvendi Kombëtar!

Po me një anëtar-një votë,
po u zgjodh Luli kryetar,
nuk kanë shans ta heqin dot,
as njëqind Këshilla Kombëtarë!

A. Duka

July 17, 2017 12:18
Komento

1 Koment

  1. As Poet, As Analist July 17, 16:21

    Lëre Lulashin mënjanë
    lëre dhe Astrit Patozin
    shkruaj ndonjë llaf për Monën
    dhe për Like kapriçozin!

    Ka ca kohë kanë ndrruar rolet
    Mona flet e shan si burrë
    ndërsa Likja shan si grua
    njëlloj si një grua-shurrë!

    Mona flet dhe hakërrehet
    si bredhare dhe rrugaçe
    s’e kupton se kur flet shumë
    quhet debile-gagaçe?!

    Gjithë pikët që kishte Mona
    duket po i shpërdoron
    gjuha e rrugaçërisë
    si grua nuk e nderon!!

    Tani si zonjë e parë
    është shumë e privilegjuar
    po të rrijë si kryezonjë
    shton pikët që ka fituar!!

    Po kështu si e ka nisur
    gërr e ham si telendare
    shumë shpejt do i dalë
    boja do mbetet pa pikë fare! ! 

    Të pyes Dukë Poeti
    ç’mendon për shokun Ilir?
    Ç’ka djali i xha Rexhepit
    çaçarrosur në delir?!

    Të pyes akoma Dukë?
    Ç’mendon për zonjën Monikë
    me këtë ritëm që po ecën
    shton apo shpërdoron pikë?

    Siç të thashë dhe në fillim
    lëre Lulashin mënjanë
    jepi ca leksione Monës
    jepi se meroi dynjanë!

    Ndoshta ty ta dëgjon fjalën
    ta dëgjon më shumë se mua 
    thuaj të ndryshojë tabiatin 
    i ka lezet të jetë grua….

    Reply to this comment
Shiko komentet

Komento

Your e-mail address will not be published.
Required fields are marked*