Librazhd, kivi nuk është më peng i importit

September 25, 2018 13:15

Librazhd, kivi nuk është më peng i importit

Kivi tashmë ka nisur të kultivohet gjerësisht edhe në vendin tonë.

Si një nga frutat ekzotike më të pëlqyera, por edhe më të shëndetshme në treg, kivi nuk është më peng i importit. Ramadan Sollaku, së bashku me familjen e tij nga fshati Vehçan i Librazhdit, ka investuar në mbjelljen e 5 mijë rrënjë kivi, por, përveç investimit të konsiderueshëm fillestar, tashmë ka nevojë edhe për mbështetjen e shtetit.

“Kam që në vitin 1997 që jam emigrant në Greqi. Më pëlqente si produkt dhe thashë ta sillja në vendin tim dhe ta punoja këtu. 1500 euro rrënja ka kushtuar, plus investimet e tjera”, tregon Ramadani.

E ndërsa prodhimi duket i mbarë, Ramadani ka nisur të mendojë për tregun dhe për domosdoshmërinë e një pike grumbullimi: “Nuk ka treg. Të shohim, do i vjelim e më pas të shohim se çfarë do të bëjmë”.

Kivi duket se ka gjetur kushte klimaterike të përshtatshme për t’u kultivuar edhe në Shqipëri. Fermeri thotë se bima kërkon një klimë jo shumë të nxehtë dhe vaditje të vazhdueshme.

M.H/ Dita

September 25, 2018 13:15
Komento

1 Koment

  1. Albania September 25, 17:18

    1500euro nje rrenje deri tashti nga mbjellja deri ne ket moment se nje fidan per ta mbjellur kushton 10eur po’ deshe te dergoj une me mijera fidane

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim