Liga e Kombeve, Panucci: Short i mirë, synojmë vendin e parë në grup

January 24, 2018 16:10

Liga e Kombeve, Panucci: Short i mirë, synojmë vendin e parë në grup

Shorti i Ligës së Kombeve duket se e ka kënaqur trajnerin Christian Panucci, që beson se mundësitë e kualifikimit janë të mëdha dhe Shqipëria do të arrijë të sigurojë vendin e parë në grup.

“E pranoj shortin, një grup i ekuilibruar, dy kundërshtarë të mirë, ne gjithashtu jemi një skuadër e mirë. Është një grup me tre skuadra, që detyron të gabosh më pak. Do të ishte më mirë të ishte një grup i plotë, por edhe me 4 skuadra ndeshjet janë të forta. Kemi skuadrën që mund të fitojmë grupin dhe do ta luajmë deri në vdekje. Për të siguruar kualifikimin duhet të fitosh ndeshjet, nuk ka rëndësi me sa kundërshtarë do luajmë, ne do bëjmë futboll sulmues dhe shumë kurajoz”, deklaroi Panucci.

Trajneri italian që drejton kuqezinjtë i vlerëson shumë kundërshtarët dhe beson se skuadra do të ketë përqendrimin maksimal për të arritur maksimumin.

“Një grup që ka pak hapësirë, duhet të nisim mirë. Është i vështirë dhe nuk duhet të gabosh. Besoj se dhe të tjerët do jenë njësoj të kujdesshëm dhe ne do të luajmë deri në fund. Kualifikimi në Euro 2020 është më i rëndësishmi për ne, për momentin jemi të fokusuar te Liga e Kombeve”, tha Panucci.

January 24, 2018 16:10
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*