Liga e Kombeve, Shqipëria ndeshet serish me Izraelin

January 24, 2018 16:04

Liga e Kombeve, Shqipëria ndeshet serish me Izraelin

Shorteu i hedhur mesditën e së mërkurës përcaktoi Shqipërinë si pjesë e Grupit 1, në Divizionin C. Grupi ku bën pjesë Shqipëria është me 3 skuadra.

Shqipëria rigjen në short sërish Izraelin, me të cilët u përballëm në eliminatoret e Botërorit Rusi 2018. Ndërkohë ekipi tjetër kundërshtar është Skocia, me të cilën nuk jemi ndeshur më parë asnjëherë.

Në shortin e kësaj të mërkure, në Lozanë të Zvicrës, Shqipëria pjesë e divizionit C, kanë qenë në vazon e dytë me Greqinë, Serbinë dhe Norvegjinë.

Fituesit e çdo divizioni do të kenë mundësi të kualifikohen drejtpërdrejt në Europianin e vitit 2020.

Skuadrat që renditen në fund të divizioneve A, B dhe C, zbresin një divizion më poshtë, ndërsa ato që janë fitueset e divizioneve D, C dhe B, ngjiten përkatësisht në divizionin pararendës.

Vetëm në muajin shtator, tifozët shqiptarë do të arrijnë të shohin përballjet e para të kuqezinjve, ndërsa faza finale do të luhet në qershor të vitit 2019, në një vit kur nuk ka as Europian dhe as Botëror.

January 24, 2018 16:04
Komento

1 Koment

  1. R. Ditja January 25, 04:31

    Krenohem qe grupet i keni renditur sipas radhes nga 1 te 4!

    Reply to this comment
Shiko komentet

Komento

Your e-mail address will not be published.
Required fields are marked*