Lirika dhe tekste këngësh

August 7, 2018 12:20

Lirika dhe tekste këngësh

Rridhnin krojet…
Rridhnin krojet e argjendta,
në buzët e tua,
buzë e bukur-buzë e njomë,
ç’u trëndafilua.

Kaloj vapës nëpër kroje,
etjen për të shuar,
që ditën që pive ti,
ç’qënkan ëmbëlsuar.

Kaloj vapës nëpër kroje,
maleve të lartë,
që ditën që pive ti,
s’rrjedh më ujë-po mjaltë!
Tiranë,1988

Lule në dritare…(Vargje për këngë)
Sa herë kaloj tek një dritare,
që me saksi është mbushur plot,
me gas vështroj se si “padashur”,
një lule çel-një perde lot.

Gjithnjë aty kur i hedh sytë,
i ndjej dy sy që më ngacmojnë,
e një nga një-e ditë për ditë,
të gjitha lulet lulëzojnë.

E prapë e prapë e ndjej vështrimin,
që hedh ngacmime papushim,
një zë pas perdes sikur thotë:
“Djalosh-u dashka pak guxim!.”

Mos më ngacmo ti me vështrime,
se unë jam djalë e s’duroj dot,
dhe sytë nga dritarja jote,
jo-asnjëherë nuk i hodha kot.

I dua lulet në dritare,
se jam i ri e m’i do zëmra,
po shumë më fort se ato lule,
dua çapkënen që rri brënda!
Gjirokastër,1984

Ti…
Ti je për mua,
si asnjë tjetër,
që ma ngroh shpirtin,
si verë e vjetër.

Si verë e vjetër,
nga rrush i zi,
që s’më zë kurrë,sado të pi!.
Gjirokastër,1985

Sipas Musa Xhalilit…
Më the të dilja nga lëndina,
të prisja ndënë fletë,
kur synë e verdhë të çelte Hëna,
do vije dhe ti vetë.

Po hëna doli-perëndoi,
më kot të prita ty,
pse më ushqen me peshk të kripur,
kur ujë s’më jep të pi?!

Tiranë,1974

Xhind i armatosur…
Ti lakuriq erdhe drejt meje,
në dhomë u ndezën zjarre,
shtanga në vend si prej rrufeje,
dhe zemra më la fare.

Nga këto pamje flakëruse,
sa janë sakatosur,
se lakuriq çdo vajzë-a nuse,
është xhind i armatosur!

Tiranë,1980
Arben Duka

August 7, 2018 12:20
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*