Llalla në SHBA, takime me krerët më të lartë të investigimit amerikan

Nga Arkiva

• Faza e dytë dhe piku i pandemisë, ISHP: Nuk kemi një përhapje të virusit në komunitet 1 26.Apr
• Arrestimet në Kukës, Vasili: Nga sonte Prokuroria është nën akuzë për rrëmbim 5 15.Apr
• Edhe Erdogan kundër Handke: Dhënia e Nobelit një racisti, shpërblim për shkeljen e të drejtave 2 10.Dec

Lufta kundër terrorizmit, byroja e hetimit, SPAK-u, dhe krimi i organizuar, janë temat e diskutimit që kryeprokurori i Përgjithshëm Adriatik Llalla do ketë në fokusin e takimeve të tij në SHBA.

Mesohet se kryeprokurori shqiptar i shoqëruar nga drejtuesi i Krimeve të Rënda Besim Hajdarmataj, ka udhëtuar në drejtim të Uashingtonit me qëllim zhvillimin e një sërë takimeve me krerët më të lartë të investigimit amerikan.

Mësohet se mes takimeve që do zhvillojë delegacioni i Prokurorisë së Përgjithshme, është dhe ai me drejtuesit e Byrosë Federale të Hetimit (FBI) dhe drejtues të strukturës DEA, e cila ka si specialitet luftën kundër drogës dhe krimit të organizuar.

Takimi vjen në një kohë kur sulmet e terrorizmit janë intensifikuar në disa shtete të Europës dhe në mesin e debatit në Shqipëri për reformën në drejtësi dhe Byronë e Hetimit.