Analiza e BIRN: Pse LSI vë në rrezik PS dhe PD në Gjirokastër

June 19, 2017 11:50

Analiza e BIRN: Pse LSI vë në rrezik PS dhe PD në Gjirokastër

 

Partia Socialiste arriti të marrë tre mandate nga pesë në Gjirokastër në vitin 2013, duke marrë pothuajse dy herë më shumë vota se sa Partia Demokratike. Skema duket paksa më e komplikuar këto zgjedhje me ngritjen e Lëvizjes Socialiste për Integrim në bashkinë Gjirokastër.

Qarku i Gjirokastrës ka votuar në përgjithësi majtas, duke i dhënë më shumë mandate Partisë Socialiste se sa Partisë Demokratike. Më 2009, PS arriti të marrë tre mandate ndërsa PD mori dy. Më 2013, PD humbi rreth 6 mijë vota në krahasim me katër vjet më herët ndërsa Lëvizja Socialiste për Integrim arriti të marrë gati 10 mijë vota më shumë duke siguruar një mandat. Vetë PS mori më 2013 edhe më shumë vota se sa më 2009, por këto vota shtesë nuk i hynë në punë për asgjë. Për rrjedhojë, Partia Demokratike ra në një mandat të cilin e mori LSI.

Në zgjedhjet e 25 qershorit, Partisë Demokratike i duhet pak më shumë sforco se sa më 2013 për të rikapur një mandat të dytë në dëm të Partisë Socialiste ndërsa Lëvizjes Socialiste për Integrim i duhen pak më tepër vota nga sa mori më 2013 për të qenë e sigurt në ruajtjen e mandatit të vet.

Në tërësi, situata në këtë qark është shumë e paparashikueshme pasi numrit relativisht të vogël të votave të banorëve të qarkut i shtohen votat e emigrantëve që kthehen për të votuar, zakonisht të organizuar nga partitë politike. Më 2009 rreth 54 mijë vota u hodhën në Qarkun Gjirokastër ndërsa më 2013 votat u rritën në 60 mijë. Një pjesë e konsiderueshme e shtesës në vota erdhi si pasojë e kthimit në një masë më të madhe të emigrantëve për të votuar. Numri i votave të tilla përcaktohet nga niveli i organizimit të partive në këtë drejtim.

Një rol pritet të luajë në qark sjellja e minoritetit grek, votuesi i së cilës është ndarë efektivisht mes LSI-së, Partisë Bashkimi për të Drejtat e Njeriut, PBDNJ dhe Partisë Minoriteti Etnik Grek për të Ardhmen. PBDNJ garon aktualisht djathtas, por nuk ka një pretendent për deputet në qark ndërsa pati garuar në koalicionin e majtë më 2013. Ajo ka marrë afro 2600 vota më 2009 dhe 1900 vota më 2013. Në të dyja rastet kjo parti pati garuar majtas. Në rast se këto vota ndryshojnë krah dhe i kalojnë Partisë Demokratike në zgjedhjet e 25 qershorit, atëherë socialistët mund ta humbasin mandatin e tretë. Por nuk është e sigurt se diçka e tillë do të ndodhë. Vetë kryetari i PBDNJ-së Vangjel Dule garon në vend të sigurt në listat e Partisë Demokratike në qarkun Vlorë.

Partia Demokratike garon në vend të dytë në qarkun Gjirokastër, Roland Bejkon, një pedagog me karrierë të gjatë si drejtues i Partisë Demokratike në këtë zonë. Përballë tij, në vend të tretë në listën e socialistëve gjendet mjeku okulist Flamur Golemi, aktualisht kryetar i Partisë Socialiste për bashkinë Gjirokastër.

LSI garon me deputetin e vet Vangjel Tavo, me profesion mjek, deputet jetëgjatë që nga viti 1997 dhe ish-ministër i Shëndetësisë.

LSI pretendon jo thjeshtë një mandat deputeti në këtë qark, pasi që nga viti 2015 kontrollon Bashkinë e Gjirokastrës, më e madhja në këtë qark për nga numri i votuesve, ndërsa rezultoi forcë e parë në bashkinë Dropull më 2015.

Por nëse kjo parti arrin të grumbullojë vota për, fjala vjen, një deputet e gjysmë, suksesi i saj mund t’i prishë punë PD-së ose PS-së, në varësi të faktit se nga cili krah gërryen më shumë vota./ Gjergj Erebara/ BIRN

June 19, 2017 11:50
Komento

5 Komente

  1. Gezimi June 19, 11:57

    KY LAJM DUHET TE JETE GATUAR NGA MONIKA.
    LSI nuk merr me teper se 5 deputete. Qylxhinjte e kesaj SH.P.K-je e kane kuptuar se nuk i do as Rama, as Basha. Jane duke kaluar te Idrizi i PDIU, kujtojne se ky do jete vazhdimi i historise se ngjitjes pas kepuceve te qeverive, si beri Meta 8 vjet.

    Reply to this comment
  2. Gersi toptani June 19, 12:20

    Shifeni e keni live bashen ne gjirokaster.
    Mitingu me i madh ne historine e gjirokastres per partine demokratike.
    As me autobuza nuk kan ardh njerezit as me leket e droges as me mesuesit dhe punenjesit e bashkise.
    Normal ka programin e merkel.
    Normal ka perkrahjen e tramp.
    Sa do propogande te bej ketu pjellat e kuqe kete here i ka ardh fundi.

    Reply to this comment
  3. LABI June 19, 12:22

    Lesh e Lia mori vota ne GJirokaster sepse ishte ne kualicion me PS.Tani ta shofi bythen e mizes Lesh e Lia,sepse GJirokastritet jane njerez me kulture te lashte dhe puntore dhe nuk jne diktatore e vrases si Ilir Floriri(sic e ka quajtur Sali Banditi).Ata qe mbeshtesin LSI do te thote se jane pro vrasjeve,vjedhjeve,shkaterimeve,presioneve,poshterimeve,etj.LSI ne keto zgjedhje do marre goditjen e merituar nga populli i ndershem SHqipetar.Ajo do te zhduket nga harta e partive ne SHqiperi.Poshte hajdutet dhe kriminelet.

    Reply to this comment
  4. Zenebish & Gjon Bue Shpata June 19, 14:18

    Po ngatërroheni ose harroni ndryshimet gjeopolitike ju sontazhasit për Gjirokastrën . Po ju sjellim nder mend se një.ministerni LSI-së , i cili vodhi dhe favorizoi militantët e partisë-biznes, u fut në hapsanë. Pa diskutim efektin e veprimeve të turpshme të drejtuesave të partisë-bisnes do të dinë gjirokastritët për tu fistancuar! Besoj e kuptoni
    këtë situatë që krijojnë pushtetarët partiakë që qelnin sokakët, por të jeni të sigurtë se gurët e sokakut gjirokastrit nuk.mundet tii qelbin disa të qelbur. Zenebishi

    Reply to this comment
  5. Niku Vlore June 19, 19:43

    O gersi toptani po paske.qen k.r me zile o djale si mendon se Basha ka programin e Merkel dhe perkrahjen e Trump o idiot i lindur dhe duhet te fitoje

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim