Lufta në Kosovë ishte luftë çlirimtare dhe jo civile

October 5, 2017 11:54

Lufta në Kosovë ishte luftë çlirimtare dhe jo civile

(Reagim ndaj shkrimit të z. Rron Gjinovci)

Dilaver Goxhaj

Duke lexuar shkrimin e Prof. Dr. Bashkim Musliu: “A e meritojnë lirinë ata që e mohojnë karakterin kombëtar të luftës çlirimtare?”, botuar në portalin e RKL, datë 03.10.2017, më tërhoqi vëmendjen kritika e tij e drejtë rreth një shkrimi të Rron Gjonovcit, i cili mundohet të ndryshoi krejtësisht tipare e Luftës Çlirimtare në Kosovë, zhvilluar gjatë viteve 1997-1999.

Kjo akuzë e re kundër asaj lufte çlirimtare, e hedhur në publik nga z. Rron Gjinovci, i cili thotë: “Në këtë shkrim do të mundohem të argumentoj se përveç shtypjes kombëtare ndaj shqiptarëve që zë vendin më me rëndësi në krijimin e vetëdijes kryengritëse, një rol shumë të rëndësishëm ka luajtur edhe pabarazia klasore mes vet shqiptarëve”, gjë që kërkon t’i japë asaj lufte karakter të dyfishtë, luftë çlirimtare e luftë civile, gjë që nuk është e vërtetë.

Mirëpo, pak më poshtë z. Rron Gjinovci e mohon këtë karakter të dyfishtë që ai i jep asaj lufte si dhe mohon edhe shkakun e vërtetë të shpërthimit të saj, “shtypjen kombëtare ndaj shqiptarëve”, duke u shprehur pak më poshtë përmes pyetjes së tij retorike: “Po sikur pakënaqësia klasore të ketë qenë arsyeja e vërtetë e rebelimit të klasës së bujqve fshatarë?”

Duke i parë me kujdes dy përkufizimet e mësipërme të z. Rron Gjinovci, për atë luftë çlirimtare, të lind dy mendime, ose ky zotëri nuk e ka të qartë se çfarë është kryengritja e armatosur dhe çfarë është pakënaqësia klasore, ose është i stimuluar, nuk dihet se nga cilat qarqe antishqiptare, të hedhë parullën dashakeqe, se Lufta Çlirimtare në Kosovë ishte Luftë Civile.

Nëse është e para, gjysma e së keqes, dhe i falet kjo akuzë e rëndë ndaj asaj lufte. Por nëse është e dyta, këtu, ndal o Bek se ka hendek, pasi kemi të bëjmë me një qëndrim të qëllimshëm e të mirëmenduar armiqësor antikombëtar.

Historia e luftërave botërore njeh raste që luftërat çlirimtare të kenë karakter të dyfishtë, sikundër kërkon t’i japi luftës së viteve 1997-1999 në Kosovë z. Rron Gjinovci, edhe çlirim kombëtar, edhe çlirim shoqëror. E tillë, p.sh, ka qenë Lufta Nacionalçlirimtare e Shqipërisë gjatë Luftës së Dytë Botërore. Dhe në këtë rast nuk ka asgjë të keqe.

Por helmi që hedh z. Rron, (me qëllim a pa qëllim, këtë e di ai), kur thotë se “pakënaqësia klasore ka qenë arsyeja e vërtetë e rebelimit të klasës së bujqve fshatarë”, me këtë ai kërkon të na thotë, se Lufta e Kosovës e viteve 1997-1999 nuk shpërtheu si “rrjedhojë e shtypjes kombëtare ndaj shqiptarëve”, por se ishte thjeshtë një Luftë Civile, dhe asgjë tjetër.

Në këtë rast kemi të bëjmë me qëndrim antikombëtar të tij. Dhe për këtë na bindin arsimimi, profesioni, përvoja e tij politike si gazetar dhe detyra aktuale e tij, Drejtor Ekzekutiv i Organizatës për Rritjen e Cilësisë në Arsim (ORCA). Të gjitha këto na japin të drejtën të dyshojmë se kjo deklaratë e tij nuk vjen si rrjedhojë e padijes së tij, por e mirëmenduar. Lusim të mos jetë kështu.

Qysh në fillim duhet t’ia bëjmë të qartë z. Rron Gjinovci, dhe atyre që mendojnë si ai, se “pabarazia klasore mes vet shqiptarëve”, sikundër shprehet ai, nuk është shkak për luftë çlirimtare për liri e pavarësi kombëtare, por është shkak për luftë civile. Ky lloj rebelimi prej “pabarazisë klasore mes vetë popullit”, or tungjatjeta, quhet revolucion shoqëror, dhe jo luftë çlirimtare, sikundër ishte Lufta Çlirimtare e Kosovës, e cila pati si forcë kryesore goditëse UÇK-në.

Me një fjalë, nga pabarazia shoqërore, që z. Rron Gjinovci e quan “pabarazi klasore”, lind revolucioni shoqëror, që s’është gjë tjetër, veçse ndryshim i sistemit qeverisës, ku të revoltuarit ngrihen kundër qeverisë ekzistuese të tyre. Dhe këtë na e shpjegon qartë Fjalori i Shqipes së Sotme: “Revolucioni është një përmbysje me dhunë e një rendi shoqëror, politik dhe ekonomik që i ka kaluar koha dhe vendosja e një rendi të ri shoqëror, që sjell në fuqi një klasë të re, përparimtare e që zgjidh kontraditën ndërmjet forcave prodhuese e marrëdhënieve në prodhim.” E që në këtë rast do të thotë se në Kosovë kemi pasur luftë civile (qytetare), e cila është, sipas po këtij Fjalori: “luftë e armatosur që bëhet ndërmjet forcave e klasave kundërshtare brenda një shteti”, sikundër kanë qenë Revolucioni Francez, në 14 korrik 1789, apo Revolucioni Socialist i Tetorit në Rusi, në 7 nëntor 1917. Këto janë luftëra që lindin si rrjedhojë e “pakënaqësisë klasore”, z. Rron Gjinovci, por jo luftë për t’u çliruar nga të huajt.

Sikundër shihet, revolucioni shoqëror është një konflikt ekonomik midis forcave prodhuese dhe marrëdhënieve në prodhim e që merr formën e konflikti shoqëror midis klasave shtypëse (reaksionare) dhe klasave të shtypura (përparimtare), të cilat i shpjegon qartë z. Bashkim Musliu në reagimin e tij.

Rebelimi klasor është një kthesë rrënjësore kryesisht ekonomike i shoqërisë, nëpërmjet të cilit kalohet nga një formacion ekonomiko-shoqëror, në një tjetër. Ndërsa Lufta Çlirimtare e Kosovës, (të cilën shumë historianë, analistë e politikanë në Kosovë duan ta quajnë “Lufta e UÇK-së”, gjë që s’është e drejtë), nuk kishte të bënte aspak me revolucion shoqëror, me “pakënaqësi klasore”, që të kërkonte rrëzimin e Qeverisë Paralele të Kosovës, “Qeverinë Bukoshi”. Sikundër e pamë, me t’u çliruar Kosova prej kolonizimit serb, në pushtet u kthye ish-administrate e paraluftës, ajo që kishte emëruar LDK-ja, e cila është pothuaj tërësisht edhe sot. Gjë që vërteton në mënyrë të pakundërshtueshme se ajo luftë nuk pati aspak karakter shoqëror, por thjesht luftë për çlirim kombëtar e pavarësi. Dhe ishte e tillë sepse ajo luftë nuk lindi “mes vet shqiptarëve”, sikundër shprehet z. Rron, por lindi si rrjedhojë e pabarazisë, diskriminimit dhe i shtypjes kombëtare nga sundimi Serbisë, që zhvillohej njëlloj si dhe gjatë Jugosllavisë së vjetër kundër shqiptarëve, të cilët i kategorizonin si “popull i dorës së dytë”.

Nga ana tjetër, Lufta Çlirimtare e Kosovës ishte një luftë popullore dhe jo kryengritje. Po t’i referohemi përsëri Fjalorit të Shqipes së Sotme, “kryengritja është një luftë e armatosur e masave popullore për t’u çliruar nga zgjedha e huaj, a për të përmbysur regjimin shtypës”. Por, sikundër u shpjegova më lart, lufta jonë nuk pati karakter të dyfishtë, çlirim kombëtar e çlirim shoqëror. Që nuk pati karakter të çlirimit shoqëror, që do të thotë luftë civile, duket në faktin se nuk u hodh as edhe një parullë për përmbysjen e regjimit paralel të LDK-së në Kosovë.

Për këtë më lejoni t’iu kujtoj faktin tjetër se parullat kryesore që u hodhën nga Lëvizja Popullore e Kosovës gjatë asaj lufte çlirimtare, ishin: “Ne luftojmë për shtet dhe jo për pushtet”, “Kontribuoni në Fondin Vendlindja Thërret!”, “Popull!, Rrëmbeni armët kundër pushtuesit!” etj. parulla të ngjashme me këto. Sikundër shihet, nuk u hodh asnjë parullë kundër LDK-së nga kishte dalë Qeveria Bukoshi, as kundër presidentit Rogova, as kundër Parlamentit të Kosovës i dalë nga zgjedhjet e përgjithshme popullore gjatë viteve ‘90-të. Nëse do të kishim parulla kundër këtyre institucioneve të Kosovës së atëhershme, atëherë z. Rron Gjinovci do të kishte plotësisht të drejtë ta quante Luftën Çlirimtare të Kosovës, luftë civile, një rebelim si rrjedhojë e “pabarazisë klasore midis vet shqiptarëve”.

Përsa i përket luftës në fjalë në Kosovë, ajo ishte luftë popullore. Si e tillë, ajo ishte luftë e armatosur e masave popullore për liri e pavarësi kombëtare pa dallim bindjesh politike, luftë që lejoi të arrihej fitorja edhe mbi një armik që pati epërsi në trupa e armatime, karakteristikë kjo e gjithë luftërave çlirimtare botërore. Dhe kjo më duket se u vërtetua katërcipërisht në Kosovë.

Prandaj, deklarata e z. Rron Gjinovci se për shpërthimin e asaj lufte: “një rol shumë të rëndësishëm ka luajtur edhe pabarazia klasore mes vet shqiptarëve”, nuk qëndron aspak, por as edhe shprehja tjetër: “pakënaqësia klasore të ketë qenë arsyeja e vërtetë e rebelimit të klasës së bujqve fshatarë”. Por shkaku i vërtetë, i vetëm dhe kryesor për shpërthimin e asaj lufte ka qenë ajo çka z. Rron thotë në pjesën e parë të deklaratës së tij, se ishte “shtypja kombëtare ndaj shqiptarëve që zë vendin më me rëndësi në krijimin e vetëdijes kryengritëse”.

Duke qenë se ajo ishte një luftë e masave të gjera të popullit, pa dallim bindjesh politike, ajo ishte një luftë e drejtë. Pse ishte luftë e drejtë dhe çlirimtare prandaj gëzoi përkrahjen e gjithë demokracisë botërore dhe këtu qëndron edhe një ndër burimet kryesore të forcës e të epërsisë së asaj lufte kundër një armiku shumë herë më të fuqishëm. Duke qenë një luftë çlirimtare ishte një luftë e drejtë, ndaj u bashkua me të i gjithë kombi shqiptar si dhe gjithë Evropa Perëndimorë, SHBA dhe Kanadaja, duke u bërë aleatë me ne edhe Pakti Euroatlantik, NATO-ja. Ajo ishte një luftë e vërtetë çlirimtare, një luftë në të cilën mori pjesë i gjithë kombi shqiptar, që nuk qe parë qysh prej Lidhjes së Prizrenit. Po qe se do të ishte një luftë klasore midis fshatarëve bujq dhe Qeverisë Bukoshi, ajo luftë nuk do të merrte kurrë karakter kombëtar.

Nëse ajo luftë do të ishte, sikundër shprehet z. Rron Gjinovci, “rebelim i klasës së bujqve fshatarë”, do të ishte thjeshtë një revoltë spontane, dhe si e tillë nuk do ta gëzonte kurrë një përkrahje kombëtare e ndërkombëtare, pasi do të quhej çështje e brendshme e Kosovës së Qeverisë Bukoshi dhe e LDK-së.

Shpresojmë se z. Rron Gjinovci, nëse e ka thjeshtë një qorrollisje këtë mendim për Luftën Çlirimtare të Kosovës, do ta kuptoi këtë faj të tij dhe do t’u japi fund këtyre spekulimeve me çështjen kombëtare. Në të kundërt është mirë të deklarohet haptas se me cilën palë ka qenë dhe është: Me UÇK-në apo me Armatën Serbe.

4 tetor 2017

 

October 5, 2017 11:54
Komento

18 Komente

  1. Veterani October 5, 16:22

    ç’lirimi i kosoves fillon me Pergatitjen e Gervalles
    nga Enveri .
    Eshte nje merite e Enverit edhe kjo .
    Enver Hoxha
    nuk mund ta çlironte Kosoven si Garipllek ,
    siç kujtojne disa [ Intelektual tajvani , demo , info analer e Mark kukat []
    Se sa i veshtire ishte çlirimi i kosoves , e deshmoje
    nderhyrja e gjithe botes perendimiore me NATON .

    Qe ti marresh pushtuesit trojet ,
    qe te ka pushtuar me lufte ka dy Rruge :
    1- o i merr ti vete me lufte [ po pate fuqi ]
    2- Ose i merr me fuqine dipllomatike , duke vene te fuqishmit te bejne luften .

    Enver Hoxha nuk mund te nderhynte me forcat
    ushtarake , se me kete veprim do te kishin
    Perfituar serbet ,
    me ndihmen e rusit , dhe do ta kishin pushtuar
    shqiperine ne shenje Hakmarrje .
    [ Autostradat nuk i ndertoje , sepse ishin objekte zbarkimi desantesh ajror ]

    Enver Hoxha e fitoje kosoven me lufte Dipllomatike .

    Ai e vendosi òeshtjen shqiptare ne perendim ,
    dhe perendimi ne kohen e duhur e shkateroje JUGOSLLAVINE QE komandohej nga serbet .

    çlirimi i kosoves eshte rezultat i STRATEGJISE
    PRO PERENDIMORE TE ENVER HOXHES .

    Po te kishte vepruar ndryshe ne 1960 ,
    Kosova sot nuk do te ishte çliruar , duke e kthyer
    shqiperine tek Perendimi .

    Enver Hoxha ktheu te gjitha shtetet e Jugosllavise Perendimit , PERVEç Serbise .

    kjo politike e enver hoxhes
    solli Perendimin ne ballkan dhe Kryesisht ne trojet shqiptare .

    Perendimi duke mbrojtur Shqiperine
    mbron Kufirin e tij me Lindjen .
    Prandaj jane bazat Amerikane ne Kosove ,
    e kjo duhet kuptuar ,
    sI NGA Ballistat , Zogistat por
    edhe nga ata Patriote qe luftuan per Krah Komandantit Legjendar Enver Hoxha .

    Reply to this comment
    • Mollosi October 5, 17:12

      Clirimi i Kosoves filloi atehere kur kosovaret u vetedijesuan dhe ne qytetet evropiane nuk protestonin me pankarta ku shkruhej “Rrofte marksizem-leninizmi”!

      Reply to this comment
      • Lili October 6, 19:18

        Enver hoxha i yt e la kosoven ne duarte e shkijeve ne 45 edhe vrau mija e mija patriote shqiptare ne kosove qe luftojshin kunder serbeve.. femijet e ketyre patrioteve ndihmuan neper bote qe te popularizohet levizja Per kosoven edhe ketu nuk i gjen njerezet qe permedeni qe erdhen vone ne kete levizje po emerat e Zojes Juka,zotni Spahise n’amerike per shembul, idriz Basha edhe familja e tij ne Bruxelles qe hapi dyerte e parlamentin evropian apo edhe i studenteve shqiptare ne France bashke me Skender Zogun qe hapen dyert e televisionit e gazetave franceze,apo shoqates MAN .Vone erdhen markistat ne kete beteje….edhe pse prape ne iu mundesuam takimet me studentet e Unef.it,…

        Reply to this comment
    • ELIOT October 8, 10:45

      iik or veteran ik ;; se na cave trapin ;;;; ENVERI TRADHETOI SHQIPTARET .. DHE SE CANTE PER BABEN E VETE DHE .JO TA CANTE PER KOSOVEN … ENVERI JA DHA DHURATE KOSOVEN QE NE 45 .. DHE TI NA MERRE PER IDIOTA ..IK MERRE LOPET COBANE SE KOSOVARET E FITUAN VETE LIRINE ME GJAK DHE JETE .. NDERSA TI VETERAN AS QE SHKOVETE TE LUFTOSH …. APO E BERE NE BREKE … TRIM VETERAN ???????? REBELIMI I KLASES SE BUJQEVE TE FSHATARE I QUAN KY SERBI … PO NAZISTAT E CIVILIZUAR SERBE ….. KRIMINELAT SERBE SI I QUAN ..CIVILIZIMI DITURIA …. DEMOKRACIA ….. JANE VETEM HALET E EUROPES … … ..LUFTA E BALLKANIN ISHTE LUFTE PER DREJTESI ..LIBERTE DEMOKRACIE POR SERBET PA INTILIGENCE JANE AKOMA NE SHEKULLIN E 13 … DHE SI KUPTOJNE DOT KETO GJERA .. JANE SHUME TE COMPLIKUARA PER TRURIN E NJE SERBI …

      Reply to this comment
  2. Veterani October 5, 16:24

    ç’lirimi i kosoves fillon me Pergatitjen e Gervalles.[ Kosovaret i dergonin çdo pervjetor Karafila te fresketa nga Zvicera .]
    nga Enveri .
    Eshte nje merite e Enverit edhe kjo .
    Enver Hoxha
    nuk mund ta çlironte Kosoven si Garipllek ,
    siç kujtojne disa [ Intelektual tajvani , demo , info analer e Mark kukat []
    Se sa i veshtire ishte çlirimi i kosoves , e deshmoje
    nderhyrja e gjithe botes perendimiore me NATON .

    Qe ti marresh pushtuesit trojet ,
    qe te ka pushtuar me lufte ka dy Rruge :
    1- o i merr ti vete me lufte [ po pate fuqi ]
    2- Ose i merr me fuqine dipllomatike , duke vene te fuqishmit te bejne luften .

    Enver Hoxha nuk mund te nderhynte me forcat
    ushtarake , se me kete veprim do te kishin
    Perfituar serbet ,
    me ndihmen e rusit , dhe do ta kishin pushtuar
    shqiperine ne shenje Hakmarrje .
    [ Autostradat nuk i ndertoje , sepse ishin objekte zbarkimi desantesh ajror ]

    Enver Hoxha e fitoje kosoven me lufte Dipllomatike .

    Ai e vendosi òeshtjen shqiptare ne perendim ,
    dhe perendimi ne kohen e duhur e shkateroje JUGOSLLAVINE QE komandohej nga serbet .

    çlirimi i kosoves eshte rezultat i STRATEGJISE
    PRO PERENDIMORE TE ENVER HOXHES .

    Po te kishte vepruar ndryshe ne 1960 ,
    Kosova sot nuk do te ishte çliruar , duke e kthyer
    shqiperine tek Perendimi .

    Enver Hoxha ktheu te gjitha shtetet e Jugosllavise Perendimit , PERVEç Serbise .

    kjo politike e enver hoxhes
    solli Perendimin ne ballkan dhe Kryesisht ne trojet shqiptare .

    Perendimi duke mbrojtur Shqiperine
    mbron Kufirin e tij me Lindjen .
    Prandaj jane bazat Amerikane ne Kosove ,
    e kjo duhet kuptuar ,
    sI NGA Ballistat , Zogistat por
    edhe nga ata Patriote qe luftuan per Krah Komandantit Legjendar Enver Hoxha .

    Reply to this comment
    • Lili October 6, 19:24

      Ne qofte se mendon se gervalla vazhdonte me qene komunist ,gabon .bile per kete arsye u eliminuar,kur takoj ´diasporen e vjeter’ per nje bashkpunim per kosoven.

      Reply to this comment
  3. Hasan October 5, 16:31

    Edhe Sali Berisha ka Kontributin e tij ,
    Nafte te cilsis dobt ja ka shit serbit ,
    edhe cigaret malboro ishin falls …

    Reply to this comment
  4. Hasan October 5, 16:35

    me qe ato lek qe ka fitu prej kontrabande e naftes e te cigarave ,ka ndihmu ushtarat e farkut ….
    se UCK e ndihmojshin komunistat e labnise .

    Reply to this comment
  5. Arben Ma October 5, 16:46

    Shoke kemi ne mes tone
    shume armiq e trathetor
    por mos o qofte thene ………………….

    Si nuk pashe nje ballist
    te ndihmonte vellezerit tane Kosovar ?

    Me thoni nje , Po vetem nje ama .

    Kurse nga Shkolla e bashkuar
    Begsat qe pregatiti Enveri ,
    e dhane jeten per Kosov .
    Lavdi Heronjeve – Poshte tradhetaret .

    Reply to this comment
  6. nazi October 5, 17:52

    Sa mire bere o Dilaver qe definove kete dileme historike per ne analfabetet andej e kendej kufirit. Sa clirimtare ishte kjo lufte dhe cfare mireqenje i solli Kosoves duket qartas.

    Reply to this comment
  7. MH October 5, 20:33

    Si nuk rrine nji here populli pa ciban.Po cdo lufte per liri qe behet ne truellin shqiptare do te quhet lufte civile.Jemi e zeza e vetvetes.F
    Me keto te zeza favorizojme shovinizmat shtetrore pergjate kufinit etnik shqiptare.

    Reply to this comment
  8. Lisi October 5, 22:02

    UÇK nuk e krijoi as Enveri , as Hashim Thaçët .
    UÇK e krijuan Hollbrukët e Amerikës , sipas një strategjie të mirëstudjuar .
    Pranvera arabe , pranvera ballkanike etj. etj Në Libi ishte diktatori Kadafi , në Serbi – diktatori Milloshevic . Përfundimi është I njëjtë . UÇK kishte vlerën simbolike të protestës popullore dhe vetëm kaq , duhshin justifikuar bombardimet e NATO .
    Kosovarët qenë me fat dhe duhet të tregohen shumë intelegjentë , për të qenë vërtetë të pavarur , e jo të merren më gërrë-vërre pafund !

    Reply to this comment
    • timo October 8, 11:06

      Zoti Lisi, “Hollbrukët e amerikës” e gjetën të gatëshme uçk-në. ajo ishke krijuar shumë kohë përpara zotëri. SHBA e vezhgoi nga afër veprimtarinë e saj duke dyshuar se ishte një formacion terorist. Kur u bind se ishte një formacion çlirimtar në mbrojte të interesave të popullit shqipëtardhe i mpleksur me interesat e SHBA-së, atëherë ndihmi me të gjitha mundësitë për çlirimin kombëtar.

      Reply to this comment
    • anticensurë25642654 October 9, 08:44

      Lis???
      ti as karabush nuk je!!
      një karabush idiot dhe asgjë më tepër!!
      ti ndryshe nga këta idiotë që duan ta paraqesin si luftë civile,ska pasur as më të voglin shkak dhe ska ndryshuar asgjë në planin shoqëror,ti e mohon fare!!ti e quan “justifikuar bombardimet e NATO”!!
      dhe nuk e di për çfar P të satëme duheshin “justifikuar bombardimet”!!
      se pa luftën e shqiptarëve nuk kishte shkak për bombardime!!
      na mbyti vetshkatërrimi,na mbytën idiotët!!
      pale kur flet për “pranverë arabe”si vepër e perëndimit!?
      është vërtetuar katërcipërisht se ajo është vepër e vëllezërve mysylmanë dhe e rexhep taip erdogan!!
      europa ishte e detyruar të ndërhynte,në këtë grackë të pregatitur!bile tregoi se shërbimet e tyre të fshehta nuk janë aq të fuqishme sa pretendohet,ose sa i përfytyrojmë ne!!

      Reply to this comment
  9. Mark .U.K October 6, 22:43

    kam bo ni koment e ala sma keni botu duhet me kene komunist me i botu komantat

    Reply to this comment
  10. Rrofte NATO October 8, 03:01

    Zoti Dilaver jeni futur ne det me kembe i veshur me uniformen ushtarake
    Ajo qe nq intereson sot eshte te dime pse drejtuesit nuk mbrojten qofte dhe me nje te shtene te veteme Adem Jasharin po e lane te masakrohej nga serbet.Pse ata ne bashkepunim me shtetin shqiptar vrane Ministrin e Mbrojtjes kolonel Ahmet Krasniqi, pse u vrane Agim Ramadani Tahir Zenga dhe dhjetra kuadro ushtarake e civile te lidhur me FARK dhe LDK
    Askush nuk mund te hedhe poshte luften e popullit per Clirim nga pushtimi serb por ne fund te fundit fatin e betejes nuk e vendosen drejtuesit e UCK nga hotel Rogneri por NATO

    Reply to this comment
    • zemer shqiptere October 8, 13:36

      Rrofte populli shqiptare ,
      dhe deshira e tij per Liri .

      Poshte Konferenca e Londres dhe e Europianeve
      te 1913 qe e ndane shqiperine .

      Farku bente parade Mode neper Tirane ,
      Kur Trimat e UCK jepnin jeten per çlirimin e Kosoves .

      Lavdi trimave dhe Heronjeve te Shqiperise e Kosoves qe dhene jeten ,
      NATO na ktheu borxhin .

      Reply to this comment
      • Mollosi October 8, 20:53

        Udheheqesit Sali çekaj dhe Agim Ramadani e dhane jeten per Kosove. Ndoshta nuk e ke ditur, por ata ishin te FARK-ut.

        Reply to this comment
Shiko komentet

Komento

Your e-mail address will not be published.
Required fields are marked*