Macron dhe Tsipras, presion Schulzit për koalicion me Merkel

December 4, 2017 11:07

Macron dhe Tsipras, presion Schulzit për koalicion me Merkel

Jo vetëm CDU/CSU po përpiqet ta bindë SPD-në për koalicion, por dhe partnerët evropianë po ia kërkojnë këtë Martin Schulzit.

Presidenti francez Emmanuel Macron dhe kryeministri grek Aleksis Tsipras po këmbëngulin tek kryetari i SPD-së Martin Schulz që partia e tij të hyjë në koalicion me CDU dhe CSU për të krijuar qeverinë e re.

Schulz tha për gazetën “Frankfurter Allgemeinen Sonntagszeitung” se kishte marrë mesazhe të tilla prej Macronit dhe Tsiprasit.

Macron synon një reformim të BE-së dhe për këtë ka nevojë për ndihmën e Gjermanisë. Edhe Schulz mendon se socialdemokracia evropiane nuk mund të realizohet vetëm prej francezëve ose gjermanëve, por prej bashkëpunimit të të gjithëve.

Edhe Tsipras qe shprehur në një mesazh se fjala është për ndryshime dhe reforma të vërteta.

Por SPD-ja nuk do të vihet nën presion

Dy muaj pas zgjedhjeve Gjermania është ende pa qeveri të re. Por socialdemokratët thonë se nuk duan të vihen nën presion prej CDU dhe CSU-së pas dështimit të bisedimeve disajavëshe për koalicion që zhvilluan ata me liberalët dhe të gjelbrit.

Berlin - Steinmeier lädt zu GroKo-Gesprächen ein (picture-alliance/Bundesregierung/G. Bergmann)

Politikanë socialdemokratë thanë se edhe në vitin  2013 bisedimet për koalicionin e madh zgjatën nga shtatori deri në dhjetor, dhe për këtë nuk ka vend për të nxituar dhe për ta vënën veten nën presion.

Sipas tyre SPD-ja është ende duke vendosur nëse do të jetë apo jo përsëri e gatshme për një koalicion të madh.

Kongresi i socialdemokratëve

Socialdemokratët mblidhen nga data 7-9 dhjetor në kongresin e tyre në Berlin, ku do të diskutojnë edhe për mundësinë e një koalicioni të madh me CDU/CSU-në, tolerimin e një qeverie pakice ose konstelacione të tjera.

Berlin Statement SPD-Vorsitzender Schulz zu GroKo (picture-alliance/AP Photo/M. Schreiber)

Schulz tha se në kongres do të diskutohet për të gjitha mundësitë, sepse pas rezulatatit të dobët në zgjedhje SPD-ja donte të kalonte në opozitë. Por pas dështimit të bisedimeve për koalicion mes CDU/SCU, liberalëve dhe të gjelbërve është krijuar një situatë e re – raporton radio gjermane Deutsche Welle.

Dita

December 4, 2017 11:07
Komento

2 Komente

  1. Kuq e zi December 4, 20:38

    Imagjinoj presionin e ciprasit kur i thote bej koalicion me merkel se ndryshe nuk i paguaj borxhet

    Reply to this comment
  2. G. Mari December 5, 04:55

    Edhe une i thashe zotit Shulc: meje ate dreq kolicionin, a si i thone, se na plase!

    Mire, zoti Mari, me tha. Do e bej, se me vjen edhe turp nga Cipas, se eshte goxha burre, por me prit edhe pak, se mos kap ndonje post per te qene.

    Reply to this comment
Shiko komentet

Komento

Your e-mail address will not be published.
Required fields are marked*