Majko me komunitetin shqiptar në Turqi, pikënisje për bashkëpunim

Nga Arkiva

• 7 balerina dhe 2 instrumentistë shqiptarë dëbohen nga Zvicra, u kapën në një klub nate 2 26.Feb
• E vërteta mbi martirizimin dhe Besëlidhjen e Mallakastrës 10 13.Jul
• Kërkohej për “shfrytëzim prostitucioni” nga Interpol Roma, kapet në Shijak 44 vjeçari i dënuar me burg 0 23.Aug

Qendra e Kulturës Shqiptare në Ankara e cilësoi ardhjen e Ministrit të Shtetit për Diasporën, Pandeli Majko, si pikënisje të një bashkëpunimi të frytshëm me autoritetet shqiptare.

Të pranishëm në qendrën e kurseve dhe aktivitete të shumta kulturore,  ishin përfaqësues të shoqatave shqiptare të tilla si, “Vatra” e “Çamëria”, studentë e profesionistë që kishin mbërritur edhe nga qytete të tjera të Turqisë, si Stambolli dhe Izmiri.

Majko përgëzoi diasporën në Turqi për punën e bërë deri më tani, në mbrojtje të gjuhës dhe identitetit shqiptar, dhe shprehu angazhimin e qeverisë lidhur me përmirësimin e marrëdhënieve të Shqipërisë me diasporën.

Ndërkohë, përmendi hapat e ndërmarrë deri më tani për krijimin e strukturave mbështetëse për diasporën, si Agjencia për Diasporën e Këshilli Koordinues, që do të ketë përfaqësues nga shtete të ndryshme.

“Problemet e diasporës do të diskutohen në prani të Presidentit, Kryeministrit dhe ministrave kryesorë, e kjo është garanci e rëndësisë që do të kenë tani e tutje”, vijoi më tej Ministri.

Ai u ndal edhe tek përpjekjet që po bëhen në bashkëpunim me autoritetet e Kosovës, për krijimin e rrjeteve të profesionistëve dhe nxitjen e bashkëpunimeve mes tyre.

Në vizitën e zhvilluar në Qendrën e Kulturës Shqiptare në Ankara, Ministri Majko u shoqërua nga Ambasadorët e Shqipërisë dhe Kosovës në Turqi, z. Genti Gazheli dhe z. Avni Spahiu.

s.a/dita