MALLËNGJYESE / Ndihma për partitë në nevojë, Blen Bushi i dhuron Libra-s një dekoder dixhital

September 12, 2018 09:48

MALLËNGJYESE / Ndihma për partitë në nevojë, Blen Bushi i dhuron Libra-s një dekoder dixhital

Burime analoge bëjnë me dije se ish politikani Blen Bushi, tashmë pjesë e elitës korporative mediatike ballkaniko perëndimore – eurojuglindore, i është bashkuar nismës për të ndihmuar partitë në nevojë.

Fjala është për ato parti të vetmuara, të vogla dhe të injoruara nga partitë e mëdha, të cilat vuajnë edhe për mjetet bazë të operacioneve ditore politike.

Siç njoftojnë burimet, Bushi ka zgjedhur partinë Libra për t’i dhuruar një dekoder televiziv, në mënyrë që kryesia e partisë të ketë mundësi të ndjekë lajmet për të marrë vesh se çfarë bëjnë partitë e mëdha.

“Po jua dhuroj këtë dekoder,” u tha Blen Bushi tre kryetarëve dhe katër nënkryetarëve të partisë, “pse do thoni ju? Që të çkodoni çdo pazarllëk që bëjnë partitë e mëdha”.

Edhe pse nga pikëpamja e evolucionit mediatik, është pikërisht televizioni ai që ka ndikuar në masë të madhe në rënien e lexueshmërisë së Libra’s, Blen Bushi u tha kryetarëve të Libra’s se duhet të përshtaten me kohët moderne.

“Librat e mi mund t’i lexoni në pauzat kur ka reklama televizive,” u sugjeroi bamirësi nevojtarëve.

Burimet që kësaj here kaluan në transmetim dixhital, sqaruan se Libra-rët i kërkuan Bushit t’i ndihmonte edhe me ndonjë ftohës uji zyre, aparat kafeje ekspres dhe ndonjë mikser frutash, por elitari korporativ ua preu shkurt: “Unë s’kam hapur dyqan elektroshtëpiakesh mor bir!”

Në një njoftim të orës së fundit, mësohet se pasi ndërprerja e transmetimeve analoge u shty deri në janar 2019, Blen Bushi e tërhoqi dhuratën dekoduese për Libra’n dhe në vend të saj, i dhuroi partisë një antenë dhome.

 

Shënim: Gojët e liga është rubrike satirike numerike

September 12, 2018 09:48
Komento

5 Komente

  1. Genti September 12, 11:00

    Kushe eshte ky (Blen Bushi ) Xhorxh Bushit .hahhahahaha

    Reply to this comment
  2. mirel September 12, 14:15

    Kush eshte Bleni
    Cili eshte Bushi
    Hajde torollake hajde.
    Ky milet nuk paska te sosur nga budallenjte. Shumica behen gazetare

    Reply to this comment
  3. Dashi September 12, 18:48

    Kusuri qe mbetet komenton nen emrin Mirel

    Reply to this comment
  4. Bardhi Tolabi September 12, 19:35

    Ver syze mirel,…

    Reply to this comment
  5. alfabeti jofunksional September 19, 18:56

    Si ka mundsi o njerez te cokllanizuar, qe lexoni rubrike humori dhe gjeni gabime te emri Blen Bushi? Kaq hajvane xhanem????

    Reply to this comment
Shiko komentet

Komento

Your e-mail address will not be published.
Required fields are marked*