Manastirliu: Testimet po i kryejmë sipas rekomandimeve të OBSH-së

March 25, 2020 19:07

Manastirliu: Testimet po i kryejmë sipas rekomandimeve të OBSH-së

Gjatë videokonfererencës së ministrave, të drejtuar nga Kryeministri Edi Rama, ministrja e Shëndetësisë dhe Mbrojtjes Sociale Ogerta Manastirliu, ka deklaruar se është rritur numri i testeve për të dyshuarit me COVID-19.

“Numri i testeve nuk është sipas dëshirës. Numri i testeve realizohet në bazë të rekomandimeve të OBSH dhe Komitetit Teknik të Ekspertëve. Ne testojmë me fokus ndërprerjen e zinxhirit të COVID-19. Eshtë e nevojshme të theksoj se kemi bërë testime aq sa nevoja ka pasur.

Epidemiologet po bëjne një punë shumë të mirë në terren për identifikimin e vatrave në të gjithë vendin. Ndërsa testimi masiv nuk përjashton riskun për popullatën.” tha Manastirliu.

Ministrja e Shëndetësisë deklaroi se jemi në një javë ku kurba e të prekurve nga infeksioni po vijon të rritet, por sistemi ynë shëndetesor po e përballon deri tani këtë situatë.

“Jemi në javën e tretë dhe kurba do vijojë të ritet, masat që kemi marrë do të vlerësohen javën që vjen. Por qytetarët duhet të respektojnë rregullat e distancimit social që t’i mundësojmë sistemit shëndetësor të përballojë rastet”, tha Manastriliu.

 

L.H/ DITA

March 25, 2020 19:07
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*

Njoftim

Njoftim