Maqedoni, dështon sërish tentativa për miratimin e gjuhës shqipe

March 6, 2018 22:09

Maqedoni, dështon sërish tentativa për miratimin e gjuhës shqipe

Përpjekjet e Kuvendit të Maqedonisë për leximin e tretë të ligjit për përdorimin e gjuhëve dështuan.

Seanca u shty fillimisht, e më pas kryeparlamentari Talat Xhaferi nuk i thirri më deputetët në sallë.

Burime nga partitë bëjnë të ditur se shtyrja e leximit të tretë, respektivisht shqyrtimit të mbi 35 mijë amendamenteve të VMRO-DPMNE-së, u bë për shkak të mosgjetjes së gjuhës së përbashkët mes partnerëve të koalicionit, LSDM-BDI.

Kjo e fundit, përfshi edhe kreun e Kuvendit, ka kërkuar që leximi i tretë të kalojë pa shqyrtuar asnjë amendament të opozitës, por kjo nuk është pranuar nga socialdemokratët.

Sipas partisë së kryeministrit Zoran Zaev, shqyrtimi i amendamenteve nuk është i domosdoshëm, por votimi i tyre një për një duhet të bëhet, veprim ky i cili do të zgjaste me muaj.

Kjo mosmarrëveshje shtyn për një afat të pacaktuar leximin e tretë të ligjit për përdorimin e gjuhëve, duke zgjatur edhe më shumë kalvarin e gjuhës shqipe në Maqedoni.

o.j/dita

March 6, 2018 22:09
Komento

2 Komente

  1. Qefulli March 7, 06:19

    Shqiptaret e sotem jane pasardhes te ilireve, maqedonasve, epirotasve.

    Reply to this comment
  2. Arben March 7, 06:51

    Maqedoni = Shqiperi

    Reply to this comment
Shiko komentet

Komento

Your e-mail address will not be published.
Required fields are marked*