Mashtruesi italian lihet në burg

February 27, 2016 13:43

Mashtruesi italian lihet në burg

Shtetasi italian, Aleksandër Donadon, 59 vjeç, i dyshuar se ka tentuar të përdorë Shqipërinë për pastrim të 640 mijë eurove, u la nga gjykata nën masën arrest me burg.

Prokurori i tha gjyqtares Teuta Hoxha se Donadon kishte depozituar çeqe në një bankë të nivelit të dytë, të sjella nga një bankë e San Marinos, një vend i njohur si parajsë fiskale. Këto çeqe në vlerën e 640 mijë eurove dyshohet se nuk kanë burim të pajustifikuar, ndërsa Donadon priste që pas mbarimit të afatit 45-ditor, këto çeqe t’i konvertoheshin nga banka në Tiranë.

Sipas organit të akuzës, dokumenti justifikues i burimit të këtyre fondeve është i paqartë. Gjithashtu prokuroria thotë se janë të falsifikuara edhe dy faturat e paraqitura nga i dyshuari me jusifikimin se do t’i tërhiqte depozitat për të blerë pajisje dentare që do t’i shiste në një kompleks spitalor në Tiranë.

Prokuroria thotë se ka dyshime që shtetasi italian të jetë pjesë e një grupi italian të proceduar për mashtrime financiare, por avokati i tij, i cili deklaroi se do ta apelojë çështjen, këmbëngul se Aleksandër Donadon është një biznesmen që kishte zgjedhur Shqipërinë të investonte për shkak të krizës në vendin e tij.

Mbi Donadon rendon vepra e pastrimit të parave dhe falsifikimit të dokumentave.

February 27, 2016 13:43
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim