Matura 2014 me 5 provime, kreditet për 25 lëndët me zgjedhje

Pranvera Kola December 27, 2013 10:09

Matura 2014 me 5 provime, kreditet për 25 lëndët me zgjedhje

Në provimet e maturës së 2014 në lëndët e detyruara do të jetë edhe gjuha e huaj, por pikët e saj nuk do përfshihen në llogaritjen e rezultatit final me të cilin maturanti do të garojë për të fituar një të drejtë studimi në universitetet publike të vendit për vitin e ardhshëm akademik. Pavarësisht deklaratave të bëra pak kohë më parë nga autoritete e arsimit, udhëzimi zyrtar që është miratuar nga Ministria e Arsimit gjatë ditës së djeshme specifikon se maturantët do të testohen në sezonin e maturës në 5 lëndë të ndryshme, ku krahas dy lëndëve të detyruara në matematikë, gjuhë-shqipe dhe letërsi do të japin si provim të detyruar edhe gjuhën e huaj, si dhe dy lëndët e caktuara për provimet me zgjedhje. Në vijim të shkrimit do të gjeni të detajuara rregullat e plota që do të ndiqen për zhvillimin e provimeve të maturës shtetërore 2014, së bashku me listën e 25 lëndëve nga ku maturantët duhet të caktojnë dy më të preferuarat për t’i dhënë si provime me zgjedhje.

 

Gjuha e huaj si provim i detyruar

Në udhëzim thuhet se testi i gjuhës së huaj do të hartohet në përputhje me gjuhën që parapëlqen secili maturant apo kandidat që do të marrë pjesë në këto provime, si dhe do t’i përkasë nivelit gjuhësor A2. Menuja e gjuhëve të huaja për provimin e detyruar përfshin anglishten, italishten, frëngjishten dhe gjermanishten. Preferencat e maturantit për këtë provim do të pasqyrohen në Formulari A1. Testi i gjuhës së huaj si provim i detyruar do të hartohet nga Agjencia Kombëtare e Provimeve, ndërsa testimi do të administrohet nga Drejtoritë Arsimore e secilit rrethe. Vlerësimi i gjuhës së huaj (D3), si provim i detyruar, do të pasqyrohet në Certifikatën e Maturës, por nuk do të ndikojë tek pikët e llogaritjes së rezultatit final, me anë të cilit maturantët do të garojnë për të ndjekur studimet e larta në universitetet publike. Për të gjithë kandidatët, programet orientuese të lëndëve të detyruara Gjuhë-shqipe, Letërsi dhe Matematikë do të jenë në përshtatje me programet ekzistuese të shkollave të mesme. Ndërsa programet orientuese të lëndëve me zgjedhje do të jenë të njëjta për të gjithë maturantët që do të plotësojnë dy formularët A1 dhe A1Z. Programi orientues i një lënde të thelluar do të përmbajë edhe programin e lëndës bërthamë. Kreditet e provimit të lëndës së thelluar do të llogariten si shumë e krediteve të lëndës bërthamë dhe të thelluar (përjashtuar lëndët e provimeve të detyruara). Lënda “Gjeografi” (bërthamë dhe e thelluar) do të përmbajë edhe lëndën “Shkenca e tokës”.

 

Kriteret e zgjedhjes së lëndëve për 2 provimet me zgjedhje

Maturanti ka të drejtë të zgjedhë një apo më shumë lëndë, pavarësisht nëse i ka zgjedhur ose jo, i janë ofruar ose jo nga shkolla.

Maturanti duhet të zgjedhë lëndët për provimet me zgjedhje sipas kritereve që kanë të bëjnë me kushte të tilla si : “Shuma e krediteve të këtyre lëndëve nuk duhet të jetë më e vogël se 8, numri i lëndëve duhet të jetë vetëm 2”.

Kandidati ka të drejtë të zgjedhë vetëm një gjuhë të huaj, të cilat në planin mësimor të shkollës së mesme të lartë, trajtohet si “gjuhë e huaj e parë” , pavarësisht nëse është zhvilluar apo jo në shkollë. Niveli gjuhësor i këtij testi do të jetë B2, dhe lista e gjuhëve të huaja si lëndë me zgjedhje do të përcaktohet në udhëzimin për plotësimin e formularit A1 dhe A1Z.

Ndërsa maturantët e shkollave artistike kanë të drejtë të zgjedhin vetëm njërën nga lëndët e dhëna në listën numër 2 të tabelës, e cila është vetëm për shkollat artistike.

Maturanti kur zgjedh një lëndë të thelluar nuk mund të zgjedhë njëkohësisht të njëjtën lëndë bërthamë (përjashtuar lëndët e provimeve të detyruara).

Kandidatëve, të cilët kanë dhënë provime me zgjedhje dhe janë vlerësuar me note jo më të vogël se 4.5, u njihen provimet e dhëna çka do të thotë se nuk kanë nevojë më që t’i japin sërish në sezonin e këtij viti.

Ndërsa kandidatët që nuk janë kalues ose nuk kanë dhënë fare provimet me zgjedhje duhet t’i japin ato në përputhje me rregullat e përcaktuara në këtë udhëzim. Kandidatët, të cilët janë kalues vetëm në njërin nga provimet me zgjedhje e mbartin atë dhe japin një provim tjetër, nga lista e përcaktuara, të cilën e gjeni të detajuar bashkangjitur shkrimit.

Kandidatët që në Maturën Shtetërore 2012 kanë zgjedhur për të dhënë 3 provime me zgjedhje dhe: Kanë mbetur në dy provime, duhet të zgjedhin vetëm një lëndë nga lista e lëndëve me zgjedhje të përcaktuara në këtë udhëzim. Kur rezultojnë kalues në 2 prej tyre do të pajisen me Diplomën e Maturës.

Kandidatëve, të cilët kanë marrë Dëftesë Pjekurie para vitit 2006 dhe dëshirojnë të aplikojnë për studime universitare, do t’u njihen vetëm dy provime të detyruara,pavarësisht nga emërtimi i lëndëve.

tabela

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Formula si llogariten piket per pranimin ne universitete

formula

 

Pranvera Kola December 27, 2013 10:09
Komento

36 Komente

  1. Sara Cali January 4, 13:08

    Ne fund me te gjitha piket perfundimtare ,nese nuk e arrijme nivelin e preferences se pare te percaktuar…per ne preferencen e dyte piket tona a kane zbritje apo qendrojne te pandryshuara???

    Reply to this comment
  2. majlinda January 15, 16:48

    mbi ne eksperimentohet cdo vit…

    Reply to this comment
  3. jonida January 25, 19:22

    provimi i anglishtes me note eshte ……

    Reply to this comment
  4. arlinda February 25, 20:21

    nqs se une kam lende me detyrim frengjishten ajo do jete ne nivelin a2 dhe provim me nqs provim me zgjedhje dua te jap frengjishten do te jete ne nielin b2 po nqs nk jap frengjish po anglisht ne cfare niveli do jete? a2 apo b2

    Reply to this comment
  5. klea February 28, 18:48

    shpresojme te merret parasysh me shume nota mesatare e 3 viteve

    Reply to this comment
  6. Gjet March 2, 07:03

    -Provimi i Gjuhes se huaj,nuk ka ndikim aspak ne ecurine e krediteve dhe te perzgjedhjes se shkolles.-E rendesishme eshte qe,nese ky provim sado i lehte apo veshtire nuk merret,ateher con dem gjithcka,Je mbetes!
    -Mesatarja e 3 viteve te Gjimnazit do merret parasysh deri ne 26%.

    Reply to this comment
  7. Niki March 2, 18:24

    A eshte e vertet qe nuk mund te zgjedhim 10 preferenca por vetem 2?

    Reply to this comment
  8. aqif March 5, 10:03

    Provimi i anglishtes me note esht

    Reply to this comment
  9. nisa March 10, 20:26

    po provimi me zgjedhje i anglishtes eshte i veshtire?

    Reply to this comment
  10. ilda March 16, 00:18

    U be nje gjuhe e huaj me detyrim..pse nuk na i thate qe ne fillim te vitit por na i thoni tani qe po mbaron viti???

    Reply to this comment
  11. Vini March 16, 19:29

    po piket minimale per pranim ne universitete kur do jepen?

    Reply to this comment
  12. Blerina March 17, 20:33

    A kam të drejtë në lëndët me zgjedhje të zgjedh Anglishten e Thelluar,pavarësisht se ajo bazë është e detyruar?

    Reply to this comment
  13. besjana March 23, 11:02

    A mund te jap te dy ekonomit si ate baze dhe ate te thelluare.

    Reply to this comment
  14. Bela April 2, 15:12

    Pse nuk publikohen datat e provimeve?

    Reply to this comment
  15. Devis April 3, 15:25

    Mund te ma shpjegoni pak si dalin piket se nk e kuptoj ju lutem

    Reply to this comment
  16. xheni April 6, 21:24

    po piket e universiteteve kur dalin ?

    Reply to this comment
  17. fatjon April 23, 11:13

    Jam shume i merzitur ke provimi i anglishtes une si person qe jam , ju kerkoje ndjese me gjithe zemer me ndihmoni ju lutem ke provimi i anglishtes se nuk me pelqen lenda e anglishtes .

    Reply to this comment
  18. arjola April 24, 18:46

    jam shum dakord me provimin e anglishtes se detyruar (te mesojne njecik)

    Reply to this comment
  19. arta May 8, 14:38

    suksese te gjitheve…….

    Reply to this comment
  20. ina May 20, 13:53

    shpresojme te dalim mire ne provimin e englishtes

    Reply to this comment
  21. xhilda May 22, 11:19

    mos luani me shpresen tone,jemi ne qastet me kritike te jetes,femijet tuaj i keni te kripur ne parane shkolla private,ne gjithcka e kemi me sakrificat tono…

    Reply to this comment
  22. [email protected] June 23, 13:05

    Keto jane duke bere eksperimente me ne kete vit…mire qe e bene me nje rregull te papame te pakten ne qytetin tim(e mendoj se ishte menyra e duhur qe te mari cdokush ate cka meriton)…por psee duhet te ulin notat ne korigjime…dhe kte pa te drejte….duan qe kete vit te jene te pakte maturantet qe shkojne ne universitete e vecanerisht ne tirane…po c’faj kemi ne….duan te bejne ndryshime ne rregull por ti bejne te drejta e qe te jene ne dobine tone jo per te na cuar gjithmone e me poshte…nuk jan ne terezi keto qe i rafte vdekja se po na cmendin ee na kane futur stresin qe ne kete moshe…….

    Reply to this comment
  23. EGLANTINA July 3, 00:34

    THUHET QE DO RRITEN SHUME PIKET PER TU FUTUR NE UNIVERSITET…http://goo.gl/pynxEm

    Reply to this comment
  24. toni July 3, 12:26

    Me ndihmoni te llogaris pak piket ,,,, Mesataren e kam 8.5,,,,Matematike 6 .
    .Gjuhe letersi 9,,,,Lendet me zgjedhje Z1 = 8.5 ,,,Z2 =5.7

    Reply to this comment
  25. ana July 7, 14:00

    si do na dalin keto nota

    Reply to this comment
  26. fjori September 17, 12:44

    tani nuk po e kuptoj me noten 4.5 ne lendet me zgjellje rezulton e kaluar??

    Reply to this comment
  27. Arlinda November 11, 17:33

    Po lendet

    Reply to this comment
  28. Arlinda November 11, 17:35

    Po lendet e thelluara

    Reply to this comment
  29. kanela January 3, 14:56

    kur do dal programi orientues i 2015 :/ ?

    Reply to this comment
  30. Meri January 21, 17:00

    po per sistemin parauniversitar 2016 cfare do behet ? ku do jepen provimet ??

    Reply to this comment
Shiko komentet

Komento

Your e-mail address will not be published.
Required fields are marked*