May: Të dyshuarit për helmimin e Skripal, oficerë të inteligjencës ruse

September 5, 2018 14:27

May: Të dyshuarit për helmimin e Skripal, oficerë të inteligjencës ruse

Kryeministrja britanike Theresa May është shprehur se dy të dyshuarit për helmimin e Skripal, Aleksandër Petrov dhe Ruslan Boshiro, janë oficierë të inteligjencës ruse.

May duke folur në Parlament paraditen e sotme, përsëriti akuzën e mëparshme ndaj qeverisë ruse për helmimin e ish-agjentit rus Sergei Skripal dhe vajzës së tij me agjentin nervor Novichok.

“Ne kishim të drejtë kur thamë në mars se shteti rus është përgjegjës”, u shpreh kryeministrja.

Ndonëse hetuesit e policisë britanike thanë më parë se nuk kishin prova që e lidhnin qeverinë ruse me të dyshuarit, May këmbënguli që shërbimet britanike të inteligjencës ofruan prova, të cilat i identifikonin ata si oficerë të inteligjencës ushtarake ruse.

Ajo deklaroi më tutje se nëse dy të dyshuarit do të udhëtonin ndonjëherë jashtë Rusisë, Britania e Madhe do të vepronte për t’i arrestuar dhe ekstraduar në tokën e saj.

Sipas Policisë Metropolitane, ata kanë mbërritur në 2 mars në aeroportin e dytë më të madh të Londrës, Gatwick, dhe kanë qëndruar në një hotel në lindje e Londrës përpara se të udhëtonin drejt qytetit të Salisburit, ku Skripal u kontaminua me gazin nervor Novichok.

s.a/dita

September 5, 2018 14:27
Komento

2 Komente

  1. Arben September 5, 16:31

    Sherbimi sekret britanik,.paraqiti edhe prova qe sadami

    kishte arme kimike, qe pas pushtimit te irakut qe sollen

    keto “prova”, doli haptaz qe ishin mashtrime te pastra.

    Reply to this comment
Shiko komentet

Komento

Your e-mail address will not be published.
Required fields are marked*