Mbi gjithë të gjallët!

June 4, 2017 17:24

Mbi gjithë të gjallët!

(Baladë e trishtuar)

Tani vij rrallë te varri yt,
gjë tjetër s’më ka mbetur,
s’më thua dot: “Mos u mërzit!”,
se dhe ti vetë je tretur!

T’i dije ti dhimbjet e mia,
do vije ulërimën,
kur prisja gaz nga Perëndia,
më hodhi vetëtimën!

Fëmijtë nga vatra më janë shkulur,
tani vërtitem kot,
dhimbja si thikë më është ngulur,
dhe nuk e shkul më dot!

Veç shkruaj vargje si i marrë,
fletore mbush me dhjetra,
ka frikë vdekja të më marrë,
në thonj edhe në kthetra!

Të paktën ti të ishe gjallë,
t’i ndanim dhimbjet tok,
po ti më ike-Yll i rrallë,
më ike si një zok!

Po ti më ike si një zok,
në tjera hapësira,
ah-veç një ditë të ishim tok,
pa pranga dhe zinxhira!

Se unë zinxhira kam vërtet,
në këmbë dhe në duar,
ndaj vij kaq rrallë-se kam siklet,
tek ti-moj e bekuar!

Vite të gjata jam përpjekur,
si peshku përmbi zall,
të kam-unë ty-dhe pse e vdekur,
mbi gjithë ç’kam të gjallë!

Se nga të gjallët pashë çdo ditë,
veç halle dhe siklete,
ilaç i vetëm edhe dritë,
veç ti-mama-më mbete!

A. Duka

June 4, 2017 17:24
Komento

7 Komente

  1. PANO HALLKO June 4, 17:52

    HOMAZH KUPTIMPLOTË!

    Reply to this comment
  2. kris 1 June 4, 18:41

    Te pershendes.Te kendofte shpirti.Nena eshte zot ne toke dhe zot ne qiell.Kockat treten po shpirti kurre.Ai na ndjek pas gjithe jeten.

    Reply to this comment
  3. gjermani June 4, 19:52

    I madh je arben duka

    Reply to this comment
  4. hugo June 4, 23:31

    Po keshtu shkruaj mor i uruar.
    Mos shkruaj per partira.
    Mos shkruaj per burra – gra,
    qe flsin vec peshtira….

    Reply to this comment
  5. viron June 5, 00:38

    Respekte per poetin e madh Arben,,,,

    Reply to this comment
  6. Eri June 5, 09:12

    O zot sa kam qare!!! Oh c na hodhe ne ca ujra qe …..pac jete ,shendet e krijimtari!

    Reply to this comment
  7. Famagjo June 5, 13:46

    Arben Duka. Te dua m shum. Vec ti na ke mbetur.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim