McCain kundër Trump, refuzon të mbështesë shfuqizimin e Obamacare

September 23, 2017 17:04

McCain kundër Trump, refuzon të mbështesë shfuqizimin e Obamacare

Senatori John McCain ka thënë se ai nuk mund të mbështesë përpjekjet e fundit të republikanëve për të shfuqizuar programin e kujdesit shëndetësor të njohur si Obamacare.

Senatori i Arizonës, që personalisht po lufton me tumorin në tru, tha se ai “nuk mund të votojë me ndërgjegje të plotë” planin e ri që mbështet presidenti Donald Trump.

Zoti McCain e konsideroi si të gabuar miratimin e një legjislacioni kaq të gjerë pa kontributin e demokratëve. Kjo është hera e dytë që ai pengon lidershipin e Partisë Republikane lidhur me këtë çështje, duke i dhënë një goditje ndoshta fatale planit të ri të presidentit Trump.

Duke folur nga Alabama, Trump dënoi republikanët të cilët nuk mbështesin legjislacionin e ri duke thënë se ata nuk kanë guxim të votojnë. Republikanëve ju duhen 50 vota në Senatin me 100 vende për të kaluar me sukses planin e ri te presidentit.

Kundërshtimi i senatorit McCain mund të shkatërrojë fushatën 7-vjeçare të konservatorëve për të fshirë programin Obamacare, i cilësuar si një arritje legjislative e ish-presidentit Obama. McCain këmbëngul se një projektligj i tillë kërkon seanca të gjata dëgjimore, debat dhe shumë amendime.

Me Senatorin e Arizonës janë bashkuar edhe disa figura të tjera të republikanëve si senatorët Rand Paul dhe Susan Collins. Edhe të tjerë guvernatorë amerikanë kanë kritikuar procesin e vendosjes së një legjislacioni të ri si të nxituar, të mbështetur gjithashtu nga 16 grupe madhore mjekësore.

September 23, 2017 17:04
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*