Femra më e bukur në gjithë qytetin…

March 10, 2019 00:18

Femra më e bukur në gjithë qytetin…

Cass-i ishte më e vogla dhe më e bukura ndër pesë motrat e saj. Femra më e bukur në të gjithë qytetin. Gjysmë indiane, me trup të zhdërvjellët dhe të çuditshëm, një trup si gjarpër dhe epshor, po ashtu edhe sytë. Zjarr i lëngshëm në lëvizje.

Një shpirt, të cilin e kishin izoluar diku në një vend që nuk e nxinte. Me flokë të zezë dhe të gjatë si mëndafsh që lëviznin dhe valëviteshin me trupin e saj. Me humor ishte ose krejt mirë, ose fare keq. Nuk kishte ndjesi të ndërmjetme. Disa mendonin se ishte e çmendur. Por kështu thoshin veç ata tipat e mërzitshëm. Ata nuk do mundeshin ta kuptonin kurrë Cass-in.

Meshkujve të tjerë u dukej thjesht si makinë seksi dhe nuk donin me ia dit’, a ishte e çmendur apo jo. Motrat ishin xheloze ndaj saj, sepse ua merrte meshkujt. Ishte më e gatshme ndaj meshkujve jo simpatikë; ata që  i mbanin për të pashëm, i ngrinin nervat.-“Pa burrëri”, thoshte. “Pa lëng brenda. Sipërfaqësorë, bosh”.

I ati i kishte vdekur nga pija, ndërsa e ëma i kishte braktisur dhe i kishte lënë vajzat vetëm. Kishin përfunduar te një i afërm, i cili i kishte çuar në një konvikt femrash. Aty nuk kishte qenë ndonjë vend ideal, Cass-i e kishte pasur më të vështirë se motrat e saj. Konviktoret bëheshin xheloze për Cass-in dhe ajo ishte grindur me shumicën prej tyre.

Unë e takova atë te West End Bar. Ajo erdhi aty brenda dhe u ul pranë meje. Mbase isha mashkulli më i shëmtuar në të gjithë qytetin; e ka mundësi që kjo qe arsyeja pse u ul aty.

-“Diçka për të pirë?” e pyeta.

-“Patjetër.Pse jo?”

Atë mbrëmje nuk pati asgjë të jashtëzakonshme në bisedën tonë, thjesht ishte ndjesia që më fali. Ajo më kishte zgjedhur mua. Pa bërë asgjë unë vetë. Pijet i shijoi dhe piu goxha. Çdo herë që kthehej nga tualeti dhe ulej pranë meje, ndjehesha shumë krenar. Nuk ishte vetëm femra më e bukur në të gjithë qytetin, por edhe një ndër më të bukurat që kisha parë ndonjëherë.

Ia vura dorën në bel dhe i dhashë një puthje.

-“A të dukem simpatike?” më pyeti.

-“Po, sigurisht, por ke edhe diçka tjetër… Ke diçka më shumë se paraqitja” – u përpoqa ta mikloja.

Atëherë kapi çantën e saj. Mendova se po kërkonte ndonjë shami. Por nxori një karficë. Para se ta ndaloja unë, tashmë e kishte futur në hundë, krejt thellë në birat e hundës. Nerveri dhe tmerr më kapluan. Ajo më vështroi dhe më qeshi.

-“Hë, akoma mendon se jam simpatike? Hë plako, çfarë po mendon tani?”

Ia mora karficën dhe shaminë. Disa klientë, po ashtu dhe pronari, vërejtën gjithçka.

Më dha një puthje, madje u ngërdhesh duke e mbajtur shaminë në hundë.

Kur u mbyll bari, shkuam tek unë. Në shtëpi kisha disa shishe birre, u ulëm dhe bëmë muhabet. Ishte shumë e afrueshme. I jepej tjetrit pa e vënë re. Në të njëjtën kohë ra në gjendje egërsie dhe konfuzioni. Delir. Ndonjë mashkull apo ndonjë gjë tjetër do ta shkatërronte njëherë e përgjithmonë. Uroj që të mos jem unë ai.

Shkuam në shtrat, dhe pasi kisha fikur dritën, Cass-i më pyeti:

“Kur dëshiron ta bësh? Tani apo nesër në mëngjes?”

 -“Nesër në mëngjes”, i thashë dhe i ktheva shpinën.

Të nesërmen u zgjova, bëra një kafe dhe ia çova në shtrat.

“Je i pari që kam takuar, që nuk donte ta bënte natën.”

-“Në rregull”, i thashë. -“Mund ta lëmë fare.

-“Jo, dua ta bëj tani. Më prit sa të shkoj të lahem.”

Shkoi në tualet. Pas pak doli nga aty dhe dukej fantastike, flokët e gjatë i shkëlqenin, sytë dhe buzët po ashtu, ajo vetë shkëlqente. Ma dha trupin krejt e qetë, si një mall të mirë. U fut tek unë nën batanije duke u zvarritur.

U lëshova i tëri. Ajo puthte me vetëmohim, por pa ngut. Duart e mia rrëshqitën në trupin e saj, në flokët e saj. I hypa sipër. E kishte të ngrohtë dhe të ngushtë. Fillova të lëvizja ngadalë, tashmë doja të vija. Sytë e saj u kryqëzuan me të mitë.

Nisi të vinte gati çdo ditë tek unë. Rrallë ishte e ndrydhur. Një apo dy herë më mori natën në telefon dhe m’u desh ta nxirrja nga burgu kundrejt një pagese, sepse kishte qenë e dehur dhe kishte filluar të grindej.

-“Këta zogj kurvash”, tha. “Vetëm se të qerasin me diçka, kujtojnë se munden me t’i heq brekët.”

-“Kush e lë veten që ta qerasë tjetri, duhet të jetë i vetdijshëm për pasojat.”

-“Mendova se do interesoheshin për mua, jo për trupin tim.”

-“Mua më intereson ti dhe trupi yt. Dyshoj se shumica e burrave shohin gjë tjetër përveç se trupin tënd.”

Mandej u largova nga qyteti për gjashtë muaj, u sorollata sa andej këndej, e u ktheva prapë. Cass-in nuk e kisha harruar, por ne ishim grindur disi. S’kisha as gjysmë ore që isha ulur në West Bar End, kur e pashë që po hynte brenda dhe u ul pranë meje.

-“Hë mor shkërdhatë, erdhe prapë?”

I porosita diçka për të pirë. Më pas e vështrova. Kishte veshur një fustan të gjatë. Nuk e kisha parë asnjëherë me një fustan të tillë. Nën sy kishte disa karfica me koka qelqi. Gjithçka që mund të shihja ishin karficat me koka prej qelqi; ishin të futura në mish.

-“Çfarë dreqin bën? Prapë do ta shkatërrosh bukurinë tënde?”

-“Idiot, kështu vihen këto tani.”

-“Je e çmendur!”

-“Më ka marrë malli për ty!”

-“Ke qenë me dikë tjetër këto kohë?”

-“Jo, me askënd tjetër. Veç ti. Tani po kurvëroj për 10 dollarë. Por për ty e bëj falas.”

-“Hiqi ato karfica.”

-“Jo, kështu mbahen tani.”

-“Po më bën të ndihem keq.”

-“Vërtet?”

-“Djalli e marrtë! Po, vërtet.”

Cass-i i hoqi ngadalë karficat dhe i futi në portofol.

-“Pse ke gjithnjë probleme me bukurinë tende?” e pyeta. -“Pse nuk mësohesh të jetosh normal?”

-“Sepse të tjerët mendojnë se kjo është gjithçka që unë kam. Bukuria s’është asgjë. Ti nuk e ke idenë se sa i lumtur mund të jesh për faktin që je kaq i shëmtuar, sepse nëse dikush ka simpati për ty, atëherë ti e di tamam që ka arsye të tjera, jo nga pamja”

-“Epo mirë”, i thashë,- “jam i lumtur që jam i shëmtuar”

-“Nuk jam unë ajo që mendon se ti je i shëmtuar. Të tjerët të mbajnë për të shëmtuar. Mua më mrekullon fytyra jote.”

-“Faleminderit!” Pimë dhe diçka tjetër.

-“Çfarë po bën tani?” më pyeti.

-“Asgjë. S’arrij të bëj asgjë. S’kam nerva.”

-“As unë. Po të ishe grua, mund të kurvëroje.”

-“Nuk mendoj se do më jepte kënaqësi të kisha kontakte me njerëz të huaj apo të saponjohur. Është dërrmuese.”

-“Ke të drejtë. Është dërrmuese, gjithçka është dërrmuese.”

Dolëm jashtë. Në rrugë njerëzit vazhdonin t’ia ngulnin sytë Cass-it. Ajo ishte akoma një femër e bukur, mbase më e bukur se më parë.

Shkuam tek unë dhe mandej hapa një shishe dhe ndenjëm duke folur. Ajo fliste për njëfarë kohe, e dëgjoja, e më pas flisja unë. Biseda jonë rridhte krejt lirshëm, pa sforcimin më të vogël. Zbulonim sekrete. U puthëm dhe u përqafuam. U bëmë krejtësisht tapë dhe vendosëm të shkonim në shtrat.

Cass-i hoqi fustanin e saj dhe aty pashë fryrjen e shëmtuar të një plage që i përvijohej në qafë. Ishte e gjatë dhe e trashë.

U puthëm edhe njëherë. Cass-i po qante pa bërë zë. I ndjeja lotët e saj. Flokët e saj të gjatë dhe të zezë i kisha pranë si një flamur vdekjeje. Ia futa brenda dhe bëmë dashuri në mënyrë të qetë, të thellë dhe të mrekullueshme.

Të nesërmen Cass-i ishte zgjuar dhe po përgatiste mëngjesin. Dukej krejt e qetë dhe e gëzuar. Po këndonte. Unë po rrija shtrirë në krevat dhe po gëzoja që ishte e lumtur. Në një moment, erdhi pranë meje dhe më shkundi.

Atë ditë e çova në plazh. Ishte ditë jave dhe akoma nuk kishte ardhur vera, pra plazhi ishte si shkretëtirë. Aty matanë plazhit po flinin disa endacakë në bar. Disa të tjerë ishin ulur në stola guri dhe po ndanin një shishe të vetme. Pulëbardhat fluturonin rreth e rrotull krejt kot, në tym, të shqetësuara. Disa plaka, rreth të shtatëdhjetave apo tetëdhjetave, po rrinin ulur në stola dhe po flisnin për shitjen e mobiljeve, të cilave ua kishin lënë burrat e tyre, që para shumë kohësh kishin vdekur nga idiotësia e të mbijetuarit.

Paqja ishte në hapësirë dhe ne shëtitëm. U ulëm në bar dhe nuk folëm shumë me njëri-tjetrin. Ishte thjesht bukur që ishim bashkë. U ngritëm prej aty, unë bleva disa sanduiçë, patatina dhe diçka për të pirë. U ulëm në rërë  dhe hëngrëm.

Cass-in e mbajta në krahët e mi dhe kështu fjetëm gati për një orë. Pak a shumë kjo ishte më e bukur se ta palloja. Kur u zgjuam, u kthyem në shtëpinë time dhe i përgatita drekën. Mbas drekës i propozova Cass-it që të shpërngulej tek unë.

Ajo ndejti gjatë pa dhënë një përgjigje, e mandej tha e qetë: “Jo.”

E çova prapë te bari, i porosita diçka për të pirë dhe dola jashtë. Ditën tjetër gjeta një punë si roje në një fabrikë, dhe gjithë javën punova aty. Isha shumë i lodhur për të dalë, por të premten që erdhi shkova prapë tek West End Bar.

Zura vend dhe prita për Cass-in. Kaluan orë të tëra. Kur u bëra tapë, pronari më tha:

“Më vjen keq për të dashurën tuaj.”

“Ç’e ka gjetur?” e pyeta.

-“Oh, më fal, a nuk e dini?”

-“Jo.”

-“Vetëvrasje. E kanë varrosur dje.”

-“E kanë varrosur?” e pyeta. Më dukej se nga çasti në çast do ta shikoja te dera duke hyrë brenda. Si mund të ishte e vdekur?

-“Motrat e saj e bënë varrimin.”

-“Vetëvrasje? A mund të më thoni se si ndodhi?”

-“Preu veten. Në qafë”

-“Kuptoj. Më mbush edhe një.”

Vazhdova të pija deri sa u mbyll bari. Femra më e bukur në të gjithë qytetin… Ia dola ta ngisja makinën deri në shtëpi dhe mendova gjithë kohën, që duhet të kisha këmbëngulur që ajo të shpërngulej tek unë, në vend që ta pranoja “Jo”-në e saj.

Çdo gjë tek ajo ishte e qartë, ajo e kishte marrë atë vendim dhe e kishte marrë seriozisht.  Thjesht unë kisha qenë indiferent ndaj saj, shumë dembel, shumë apatik. E kisha merituar vdekjen time dhe të sajën. Isha treguar tamam një qen. Jo, pse t’i fyej qentë?

Brofa në këmbë dhe gjeta edhe një shishe. Piva sa munda.

Cass-i, vajza më e bukur në të gjithë qytetin, vdiq 20 vjeçe. Andej jashtë dikush i ra borisë. Ishte e fortë dhe shurdhuese. E lashë shishen dhe bërtita: “Boll, o shkërdhatë!”

Nata filloi të binte ngadalë…

*****

s.a/dita

Marrë nga tregimi me titull “Femra më e bukur në gjithë qytetin”  / Charles Bukowski

 

March 10, 2019 00:18
Komento

8 Komente

  1. Aladini me eskorte March 10, 12:06

    Femrat qe shkojne me ke tu dale perpara ose qe “dorezohen” lehte nuk jane tipi im.
    Bukovski eshte bukovski dhe eshte pak derr ne ate menyren e vet, gjithsesi, ana me femerore dhe me e bukur e femres eshte lufta per ta fituar.
    Nese ta merr ne goje qe takimin e pare pas dy gotave alkol dhe te fut ne shtratin e vet qe ne takimin e dyte, mund te jete gjithshka por femerore nuk ka asgje ne kete sjellje.
    Pa ate perpjekjen e mrekullueshme per te fituar njeri tjetrin, per tu lidhur njerezisht e shpirterisht, dhe fizikja te vije rrjedhoje e kesaj – raporteve te tilla u mbetet vetem ana vulgare, pra emocionalisht nuk perfiton asnje nga te dy, ndryshimi me kafshen pa ndergjegje eshte minimal ose nuk ekziston.
    Secili e ben si di vete, por ama nuk mund te mohohet qe keto lloj raportesh pa asgje brenda vec banales, na kane dehumanizuar e ndaj dhe jemi bere kaq te ligj e kaq te percipte si njerez ne shqiptaret.

    Reply to this comment
  2. Ja okay ...Bukowski. Te zbulosh bukurine nuk eshte e tjeshte brenda nji jete te shemtuar March 10, 12:12

    Nuk e di ,cfar sensi perben te provokohemi ktu si lexues ,

    te japim komentet tona mbi x teme te hedhur ktu ,

    ku gjithcka te jep ndjesine e te qenit ne nji dhome te

    erret te ftohte ,ku nuk ka asnji shenje jete edhe pse

    shkrime te tila japin padyshim kenaqsi ,sepse te

    kujtojne dicka nga Bukuria e Jetes e zbavisin kte te

    Diele …

    pemeve po i celin sythat ,gjithcka eshte ne lulezim ,duket sikur jeta po rifillon . Prag Pranvere ,,,inspiracion qe automatikishte te ben te shkruash dicka

    edhe pse nen ate ndjenj trishtimi .
    Po ja , le te mbyllim syt e themi dicka ,
    pamvaresishte si do shifet ne ate erresire .

    ———————————————–

    Sa me Fat kan qen te tille ,si autori ktij tregimi ,qe kan jetuar
    ne nji shoqeri ku njeriu gezonte lirine e te shijuarit te

    bukurise njerezore ,te lirise te shprehurit e te ndjerit

    nga afer te bukuren , ne nji shoqeri te lire nga cdo injorance
    ku edhe me i shemtuari qe bente jeten e nji barboni ,

    kuptohej per artin e tij si ai zbulonte te bukuren brenda

    asaj jete te shemtuar ,te padrejte .

    Kush nuk u marros mbas bukurise Feminile ,por jo te gjithe kishin ate fat ,ta shijojne ate .

    Nji storie mjaft e kendeshme mbi bukrine feminile ,ku

    ajo bukuri kerkon te mos shifet nga ai veshtrim siperfaqsor i ksaj Bote ,

    por vleresohet per ate qe ajo eshte si Njeri vs ksaj Bote .
    Femer e bukur qe kerkon te rrespektohet ne personalitetin e saj ,
    per ate qe ajo eshte dhe jo par nga ana siperfaqsore

    si nji objekt sexi . Pikerishte ai mentalitet vret brenda shpirtin e Femres se bukur ,
    dhe con ne dhenjen fund te jetes ,qe eshte mjaft e trishtushme . [Un do beja gjithcka ta shpetoja Bukurine Njerezore]

    Ja eshte bukur ti lexosh te tilla tregime ,eshte bukur te

    komenttosh por edhe trishtuese , per nji Bote ku shpirti

    s’jeton .
    Si i tille shqiptari gjen ngushellim ne jetet e nji Bote tjeter, duke i dhen vehtes ndjesine se po jeton

    dhe ai dicka te ngjashme pfff…

    Nganjiher te tilla tregime spontane ,te japin pershtypjen

    e atij Vibrimi te trupit e shpirtit ne nji Nate Stuhie 😉

    te atij shpirti Rebel shqiptare , qe e do aq shume te bukuren ,storiet ,Litetarturen ,qe i/e zhgenjyer nga kjo jete ,gjen ngushellim ke Bukowski ,pse jo duke qen thjeshte edhe nji Fanse i/e tij . Dikush qe gjen vehten ne tregimet

    e ktij shkrimtari te shquar Amerikan por edhe vuan brenda vehtes vs Realitetit absurd shqiptare .

    Literatura , jeta ,maredhenjet ne ate shoqeri aty,

    nuk mundesojne dot ate liri te jetuari jeten si ne X Bote .

    Ne ate vend ,gjithcka eshte falls ,pashpirt , eshte dicka qe s’pulson jete , si me jetu ne erresire .

    Nji Bote e erret presuar ne Realitet

    Un shof ne ate erresire mentale shqipcare nji Cift ,

    krah per krah ne nji bote plotesishte te erret natyrishte ,

    Ku burri eshte i veshur e kapardisur me Kostum e gruaja ne krah tij Nudo !!!

    Dikush kerkon jeten ne X – Horizont te gjej kuptimin e saj ,
    te plotesohet e jetoj ate per te cilen ka ardhur ne kte jete ,
    si dikush , qe ka humbur ndjenjat e kerkon ti gjeje ato

    diku ne X -shkrim papritur …

    Ja eshte e natyreshme okay , por jo ashtu si ne kte tregime .
    Un e errej vetvrasjen dhe jetoj per te bukuren per ate F

    pa te cilen asgje s’ka kuptim ne kte jete .

    Vet s’jam fans i Bukowskit por dashurise vertet ,

    qe jo te gjithe kan fatin ta shijojne ne kte jete .

    – Me pelqen e bukura por edhe Literatura e mendoj

    te kem njifar pasioni e talenti real ,por mjerishte

    ne ate bote s’funxionon asgje si ne rest te Botes qe na rrethon.

    ———————————————————
    { aty un shikoj nji Qiell te vrejtur ,

    energji negative qe vershojne nga cdo drejtim pandakuar ate flux helmi mbi ate Toke .

    Jam i bindur qe Ti s’mundet te thuash asgje ;

    nderkoh qe un ndjej ,ndjej aq shume .se si ne ate jete aty,
    asgje nuk ndjen ,nuk frymon .
    Gjithcka me krijon iden si te ishe jo i mirepritur

    ne ate Atmosfere (qeniesh te cuditeshme)

    – E di ,qe dikush ,do leshonte menjiher si bresheri

    kallashi fjalet pyetese : “Nga e kupton ti kte gje ” ?

    Dhe pergjigja ime rastesishte do ishte :

    Nga veshtrimet tuaja ,te asaj Bote aty !

    Ato flasin qarte …

    Reply to this comment
  3. Z/K March 10, 12:52

    Nji femen qe e kane shkerdhye pa numrim na del nga autiori qe e paskesh te ngusht te shternguar vrimen.Si ka mundesi kepuca e re kur kalon stazhin ne te vjeter perfundon shkarp dhe shterngoka kemben si te ishte e re.

    Reply to this comment
  4. Vasili March 10, 15:37

    Gazeta,duke botuar,kete lloj pene,monument i madh i qenies njerzore ne gjithe dimensionet e shpirtit dhe trupit te saj,te ndjere dhe te prekshem,mundohet te kompesoj,vershimet e falangave komuniste-islamiste,ne kete gazete,qe tani keta i jane qepur jo vetem mediave si turku sumes

    Reply to this comment
  5. Nji teme ,qe prek ne plagen e shoqerise Shqiptare ,rrespekti i shoqerise vs Femres se bukur March 10, 15:53

    Nji Femer e bukur ,shemtohet qellimishte ,

    para syve te Bukowskit ,

    si nji protest / revolte
    kunder mentalitetit te shoqerise asaj Bote SIPERFAQSORE ,(vec te tjetrash mnji mungese e theksuar e ndjenjes Humane ne xhiro)

    te cilen e shef vetem nga jashte ,si F- sexi e jo vleresoj

    ate e rrerspektoje si nji F e cila vec bukurise ,i afron

    aq shuem shoqerise qe e rrethon dhe pikerishte ajo

    pjes e padukeshme e saj qe fshihet brenda shpirtit te saj ,
    ka me shume vlere se vet bukuria e jashteme qe ajo F

    reflekton .

    Cuditem se cfar lexojne njerzit ktu ne kte tregim
    i cili godet ne ate Plag
    te Moralit te saj shoqerie , si ai i shef femrat ,
    dekadencen ne te cilen lundron ajo shoqeri ,

    duke kaluar ne interpretime pakuptim madje banale .

    Aty ne ate vend do vazhdoje te mbizoteroj erresira mentale ,
    sepse njeriu aty ,nuk mesoj te marre kurr Jeten seriozishte ,
    nuk mesoj kurr te kuptoje kte Jete .

    Bote me shume se trishtuese …!

    Reply to this comment
    • Non c'e animo che vivo li March 10, 17:20

      Nqs ajo shoqeri aty ,

      nuk do ta kuptoj vertet e perqafoj fort Artin ,

      duke kuptuar se Arti ben /sjell edhe ndryshimet ne shoqeri ,

      nuk do ndryshoj asgje ne ate vend .

      Dhe ne kte drejtim behet atjy fare pak ,per mos te thene fare !
      Mjerishte koncepti i te berit Art ne ate vend eshte komplet i kundert ,
      nga koncepti i asaj se ku konsiston ne te vertet Arti . Aty Arti sherben thjeshte si nji mjet perfitimi personal ,

      fitimi e pasurimi dhe aty ku shifet si i tille krijimi e Arti ,
      nuk ka vazhdimesi , nuk ka Shpirt dhe pa shpirt Arti
      s’mundet te jetoje .
      Pra eshte pikerishte ajo qe ka ndodhur ne ate vend sot .
      Arti eshte i shtrire sot ne arkivol sepse i mungon Shpirti vertete .Lere pastaj te hysh ne thellesi te fenomenit , ku disa e trajtojne si Toka e Xanun e jovetem Artin e krijimtarise etj disiplina te ngjashme
      Prandaj nuk ndryshon asgje ne ate Bote andollakesh ,qe kudo shkelen ,s’ka jete .

      Reply to this comment
  6. Ne rrespekt te te dashuruatrve me Literaturen e natyrishte edhe te ktij shkrimtari te famshem -CA RRESHTA PER SHPIRTIN LETRAR March 15, 10:28

    (Pranvera frymezon zemrat qe rraqhin fort per ate passion) –
    Eshte Fund Jave hejj amiciii ,
    fati vivi …

    { mENDimi /ai passion ne “Ate ” }

    …ne Ty ,

    fundosur;

    jo s’ishte qellimi ,

    duarve te mia ,

    ate ritem te ndjeja ,mbi gjoksin tend ,,ne se ajo jeton ,
    ,

    mes mjergulles se zhgenjimit cdo deshir imja humbur ,

    ohhh… e mjera Poezia ! 😉

    Reply to this comment
  7. Ne rrespekt te te dashuruarve me Literaturen e natyrishte edhe te ktij shkrimtari te famshem -CA RRESHTA PER SHPIRTIN LETRAR March 15, 10:29

    (Pranvera frymezon zemrat qe rraqhin fort per ate passion) –
    Eshte Fund Jave hejj amiciii ,
    fati vivi …

    { mENDimi /ai passion ne “Ate ” }

    …ne Ty ,

    fundosur;

    jo s’ishte qellimi ,

    duarve te mia ,

    ate ritem te ndjeja ,mbi gjoksin tend ,,ne se ajo jeton ,
    ,

    mes mjergulles se zhgenjimit cdo deshir imja humbur ,

    ohhh… e mjera Poezia ! 😉

    Reply to this comment
Shiko komentet

Komento

Your e-mail address will not be published.
Required fields are marked*