Meta me eurodeputetët e PE: Do plotësojmë kushtet e anëtarësimit

May 20, 2016 10:04

Meta me eurodeputetët e PE: Do plotësojmë kushtet e anëtarësimit

Kryetari i Kuvendit Ilir Meta priti eurodeputetët anëtarë të Komisionit Parlamentar të Stabilizim Asociimit BE-Shqipëri të kryesuar prej Elly Schlein, Zv. Kryetare e Parë e Komisionit nga ana e Parlamentit Evropian ku ka thënë se Shqipëria do të plotësojë kushtet për çeljen e negociatave për anëtarësim.

Fokusi i bisedimit ishte rritja e cilësisë së dialogut dhe bashkëpunimit politik me qëllim përmbushjen e të gjitha prioriteteve të Shqipërisë për hapjen e negociatave për anëtarësim në BE.

Në këtë drejtim vëmendje e veçantë iu kushtua miratimit të paketës kushtetuese të reformës në drejtësi, të cilën Meta e konsideroi si kyçe dhe të pazëvendësueshme për të ardhmen evropiane të Shqipërisë, për forcimin e sundimit të ligjit, luftën kundër korrupsionit e krimit të organizuar, si dhe për mirëfunksionimin e demokracisë e klimës së investimeve në vend.

Ilir Meta shprehu mirënjohjen për mbështetjen e pandalur të Parlamentit Evropian në avancimin e procesit të integrimit evropian të Shqipërisë, dhe vlerësoi në veçanti rezolutën e fundit inkurajuese të Parlamentit Evropian për progresin e Shqipërisë në rrugëtimin e saj evropian.

May 20, 2016 10:04
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*

Sondazh

A ËSHTË EDI RAMA I MAJTË?

Shiko rezultatin