Meta shigjeton Ramën: Të mos intimidohen gazetarët

November 2, 2017 15:31

Meta shigjeton Ramën: Të mos intimidohen gazetarët

 

Presidenti Ilir Meta dha sot një pritje në kuadër të “Ditës Ndërkombëtare për t’i dhënë fund pandëshkueshmërisë së dhunës ndaj gazetarëve”, ku ishin të pranishëm gazetarë të ndryshëm, raportues terreni, redaktorë dhe kryeredaktorë të mediave të ndryshme dhe portaleve shqiptare.

Meta fillimisht shprehu solidaritetin me gazetarët e pranishëm dhe me kolegët e tyre kudo ku janë, duke vënë në dukje rëndësinë e misionit të tyre jetik dhe vendimtar në pasqyrimin e saktë e të paanshëm të lajmeve dhe ngjarjeve më aktuale të realiteti të përditshëm shqiptar.

“Dëshiroj të shpreh respektin dhe mirënjohjen për misionin tuaj si misionarë të fjalës së lirë dhe të vetë lirisë mbi të cilën është ndërtuar e gjithë shoqëria jonë demokratike, dhe pa garantimin e të cilës ajo nuk mund të funksionojë më mirë dhe sipas standardeve evropiane. Me këtë rast dua të shpreh solidaritetin më të fortë dhe më të sinqertë me të gjithë gazetarët në vendin tonë në shërbim të misionit të tyre, që ka një rëndësi vendimtare dhe kyçe dhe për të ardhmen e mëtejshme të vendit. Ashtu sikurse ka qenë vendimtar dhe jetik i gjithë ai progres që vendi ka realizuar në këto 27 vite” – vuri në dukje Presidenti..

Duke shprehur ndjeshmërinë më të madhe për integritetin dhe profesionalizmin e gazetarëve, Meta theksoi se duhet: “Të respektojmë integritetin profesional të gazetarëve! Askush të mos intimidojë dhe për asnjë arsye këtë integritet profesional dhe akoma më rëndë personal, për shkak të profesionit tuaj dhe shërbimit tuaj ndaj të vërtetës dhe ndaj ngjarjeve, fakteve, pasi kur deformohet dhe cenohet liria dhe të drejtat e gazetarëve, pa dyshim që është cenuar vetë themeli i sistemit tonë demokratik dhe kjo është një ndjeshmëri, që jam i bindur se e ka e gjithë shoqëria jonë në tërësinë e saj.”

Presidenti apeloi gjithashtu ndaj të gjitha institucioneve shtetërore që “të veprojnë në mënyrë të menjëhershme dhe shembullore sa herë që ka akte dhune apo përpjekje për akte të tilla ndaj gazetarëve dhe përfaqësuesve të medias, për shkak të përmbushjes së detyrës suaj dhe të realizimit të misionit tuaj.”

Meta ripërsëriti duke nënvizuar dhe njëherë solidaritetin e tij personal dhe institucional ndaj gazetarëve të terrenit në shërbim të lirisë së shtypit.

November 2, 2017 15:31
Komento

2 Komente

  1. Prokurori Amerikan November 2, 15:43

    Mire e ke ti more hajdit ordiner, por nuk do te kesh kohe per te vene ne jete idete e tua sepse do te jesh ne bur. Keshtu o Like Floriri.

    Reply to this comment
  2. Devolliu November 2, 19:29

    Dridhe o Like FLORIRI dridhe, o Kryehajduti i Shqipërisë!

    Reply to this comment
Shiko komentet

Komento

Your e-mail address will not be published.
Required fields are marked*