Meta: Të rinjtë e kualifikuar aset që duhen mbajtur në Shqipëri

November 16, 2017 12:51

Meta: Të rinjtë e kualifikuar aset që duhen mbajtur në Shqipëri

Presidenti i Republikës, Ilir Meta priti në një takim zotin Robert Benjamin, Drejtor për Europën Qendrore dhe Lindore në Institutin Demokratik Amerikan (NDI).

Meta vlerësoi kontributin e çmuar të NDI në Shqipëri, në nxitjen e proceseve demokratike për rritjen e transparencës, integritetit në politikë dhe mbështetjen e shoqërisë civile.

Duke theksuar rëndësinë që ka pjesëmarrja e të rinjve përmes shoqërisë civile dhe partive politike, Presidenti Meta mirëpriti mbështetjen dhe mundësinë që NDI u ka ofruar të rinjve shqiptarë të spikatin në individualitetin e tyre, si drejtues të së ardhmes, për të marrë më shumë përgjegjësi.

Kreu i Shtetit nënvizoi rëndësinë që ka investimi për të rinjtë e kualifikuar që ata të qëndrojnë në Shqipëri i si një aset që duhet të investohet në dobi të së ardhmes së vendit.

Presidenti Meta çmoi gjithashtu përfshirjen aktive të NDI në avancimin e reformës së financave të partive politike nëpërmjet dialogut ndërpartiak dhe monitorimit të pavarur të shoqërisë civile, duke shpresuar në rritjen e transparencës financiare dhe integritetit të partive politike.

Presidenti Meta dhe zoti Benjamin folën edhe mbi zhvillimet në rajon, dhe rëndësinë që ka forcimi i zërit dhe përfaqësimit të shoqërisë civile për secilin vend dhe për rajonin në tërësi.

November 16, 2017 12:51
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*