Ministria e Shëndetësisë publikon të dhënat, ja sa persona u lënduan nga tërmeti

November 30, 2019 10:43

Ministria e Shëndetësisë publikon të dhënat, ja sa persona u lënduan nga tërmeti

Ministria e Shëndetësisë ka paraqitur të dhënat e fundit për të lënduarit e tërmetit.

Mësohet se gjatë 24 orëve të fundit në Spitalin e Traumës janë paraqitur 13 qytetarë me lëndime të lehta dhe aktualisht 34 pacientë janë të shtruar në këtë spital si pasojë e lëndimeve nga tërmeti.

Në raportin e saj, Ministria e Shëndetësisë bën të ditur se gjendja e të lënduarve paraqitet e mirë, me përjashtim të një vajze në gjendje të rëndë, e cila sipas mjekëve nuk mund të transferohet jashtë vendit.

Ndërsa tre pacientë janë transferuar në Itali për një trajtim më të specializuar. Në spitalin e Durrësit aktualisht po marrin trajtim vetëm tre pacientë, në gjendje të stabilizuar.

Janë 913 të lënduar si pasojë e tërmetit që kanë marrë trajtim në spitale.

Përpos qytetarëve që po marrin trajtim në spitale, janë rreth 1500 vizita mjekësore të kryera për banorët e prekur nga tërmeti në qendrat shëndetësore 24/7 të hapura pranë zonave të prekura.

Ndërsa mbi 700 persona kanë marrë shërbimin mjekësor pranë kampit të emergjencës në Thumanë dhe pikave të ngritur në Durrës. Me ekipet e ngritura në terren është siguruar pajisja me medikamente për të sëmurët kronikë.

Të gjitha spitalet dhe qendrat shëndetësore pranë zonave të prekura nga tërmeti vijojnë të jenë në gatishmëri të përforcuar.

o.j/dita

November 30, 2019 10:43
Komento

1 Koment

  1. Paul Tedeschini December 1, 10:22

    STATISTIKA. Kulmi
    Ketu duhet te JAPE DOREHEQJE KRYEMINISTRI DHE QEVERIA.

    Ketu duhet DENONCIM PENAL KRYEMINISTRIT si shkaktar i vdekjes se 52 vetve, si shkaktar i qinda te plagosunve, si shkaktar te damtimeve te randa materjale PER SHKAK TE MOSKRYERJES SE DETYRES.

    POPULL KOT.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim