“Mos u merrni me protestuesit, arrestoni Berishën dhe Bashën”

Nga Arkiva

• Basha në Kukës: Të ngrihemi në mosbindje civile. PS: Nxit antishtetin! 25 03.Nov
• PS prezanton kandidatin për Bashkinë e Memaliajt 4 13.Apr
• Ilaçe të skaduara, Platforma e Bashkëqeverisjes zbulon farmacinë “pirate” 0 06.Feb

Deputeti i Partisë Socialiste, Erion Braçe ka reaguar në Facebook lidhur me protestën e realizuar sot më 31 mars për taksën e vendosur në Rrugën e Kombit.

Ai ka thënë se fajtorët nuk janë protestuesit, por Sali Berisha dhe Lulzim Basha, të cilët me qeverisjen e tyre e kanë çuar vendin në këtë pikë.

Erion Braçe i kërkon publikisht ministrit Xhafa dhe prokurores Marku që të kërkojnë përgjegjësi tek dhunuesit e sotëm, por vetëm nëse fillimisht hetohet kryekëput mbi këto dy përfaqësues të Partisë Demokratike.

Statusi i plotë

27 vite që, Sali Berisha nga goja nuk nxjerr tinguj, fjalë!

27 vite që, Sali Berisha nga goja nxjerr vetëm kërcënime verbale, urdhra për dhunë, urdhra për të vrarë!

Ky vend nuk gjen qetësi, normalitet, arsye, dialog, zgjidhje të arsyeshme, prej këtij dhe qëllimeve të tij, të lidhura në mënyrë të qartë me pushtetin, produktin e tij-pushtetit, hëm si vjedhje, hëm si vrasje.

Edhe sot, ajo që urdhëroi dhe gatoi në Kukës, as që ka lidhje me Tarifën e përdorimit të rrugës, po fare!

Tarifën e përdorimit të rruges e ka studiuar Ky, e ka shtyrë në vendimmarrje Ky, ka kërkuar investitorë për ta zbatuar Ky;

Pra e gjithë logjika e asaj Tarife ka qenë e njëjtë që në Origjinë, nisur me Sali Berishën.

Gjithçka që thotë sot, veçanërisht si “argument” mbi Tarifën, Taksën e Qarkullimit, mirëmbajtjen, është një gënjeshtër e madhe, të cilën, e tregon të tillë-gënjeshtër, praktika që ai vetë ka ndjekur për Tarifën e përdorimit të rrugës.

Ndaj po e përsëris, dhuna sot në Kukës-thirrur, organizuar dhe gatuar nga Sali Berisha dhe Lulzim Basha, ka lidhje vetëm me pushtetin dhe vendimet kur ishin zotër të tij.

Dhuna e shkatërrimi sot në Kukës, duhet të bëjnë të harrohet vjedhja marramendëse në atë rrugë, vjedhje për të cilën kuksianët heshtën dhe e pranuan, ndërkohë gjithë ne të tjerët e paguam!

E paguam deri në 1.3 miliardë euro për 60 kilometra, 1.3 miliardë euro deri në Morinë!

A e kuptoni sa kemi paguar ne apo jo?

Kur je i varfër këto numra të çmendin!

Një Shqipëri e tërë pagoi këto para, madje duke marrë si “shpërblim” mungesën thuajse totale të investimeve publike në të gjithë Shqipërinë për dy vite me radhë.

Dhuna e shkatërrimi sot në Kukës, duhet të bëjnë të mos duket që, rruga e hajdutëve të Kombit nuk ka mbaruar në gjatësinë e saj, veprat inxhinierike janë pa përfunduar, rrugë dytësore nuk ka etj.

Sepse nuk ka përfunduar, rruga është e rrezikshme për përdoruesit, madje rrezik ka që nga skarpatet që rrëshqasin edhe pse i kemi paguar shtrenjtë!

Dhuna e shkatërrimi sot në Kukës, duhet të bëjnë të mos kuptohet se rruga ka nevojë për mirëmbajtje në operimin e përditshëm, nga tuneli tek skarpatet që rrëshqasin, tek vetë trupi i rrugës dhe jo vetëm kur bie dëborë.

Duhet të bëjnë të mos kuptohet se duhen disa dhjetëra milionë euro në vit thjesht vetëm për mirëmbajtje.

Por dhuna e shkatërrimi sot në Kukës, duhet të bëjnë të mos kuptohet se rruga nuk ka ekonomi!!

Kjo është e vërteta e madhe;

Rruga nuk e ka nxjerrë nga varfëria Kukësin, siç e genjeu si e sa u lodh Sali Berisha, kur justifikonte me varfërinë e Kukësit vjedhjen më të madhe në historinë e këtij vendi!

Përse nuk u ul as edhe minimalisht varfëria në Kukës, Sali?

Lëri kërcënimet e tua banale e përgjigju kësaj pyetje Sali!

Jo mua, kuksianëve Sali, ata i ke gënjyer sa ke dashur.

Por përtej të shkuarës me pushtet;

Dhuna e shkatërrimi sot në Kukës kanë lidhje me qëllimin e përhershëm të Sali Berishës- Pushtetin!

Vetem në pushtet ai është rehat, i sigurt se do të jetë i paprekshëm për çdo krim që ka kryer!

Ka Lulin e tij nën të njëjtin hall, ndaj bëhen bashkë e përsërisin:

Është vetëm fillimi!

Pa më të voglin dyshim që ky është fillimi i fundit!

Sot në Kukës, nuk ishte vetëm ai grushti i përhershëm i kriminelëve që në 27 vite i kanë vënë zjarrin vendit si qëllim i Berishës;

Nuk ishte vetëm ai takimi i qelbësirave që rrinë në Serbi e shkruajnë në shqip si ky plehu Nexhat Behluli, që veç tavolina e sotme i kushton sa një pension në Shqipëri; Por çdokush që është cënuar rëndë së fundi nga vendimmarrja e Qeverisë së Shqiperisë në interesat për të rritur pushtetin në këtë rajon.

Sali Berisha, Lulzim Basha dhe jo vetëm, janë dhënë me qira, paguhen fort nga fondi global në depozitat e parajsave fiskale në përmbushje të këtyre interesave në Shqipëri!

Ndaj, une e kuptoj fare mirë ministrin Xhafa, madje edhe prokuroren Marku që kërkojnë përgjegjësi tek dhunuesit e sotëm.

Por ndëshkimi thjesht i tyre, do të jetë pa vlerë nëse;

Nuk do të hetohet deri në fund grabitja në rrugën e hajdutëve të Kombit.

Nuk do të hetohet deri në fund financimi nga shtetas rusë i Partisë Demokratike, Lulzim Bashës dhe jo vetëm, në këmbim të përmbushjes së interesave të caktuara në Shqipëri e rajon!

s.a/dita